સમગ્ર અહેવાલ વાંચવા માટે અહીં ક્લિક કરો

07/06/2023 22:45:31

પ્રથમ દિવસના અંતે ઓસ્ટ્રેલીયાના 327 રન

ઓસ્ટ્રેલિયાએ વર્લ્ડ ટેસ્ટ ચેમ્પિયનશિપની ફાઈનલ મેચના પ્રથમ દિવસની રમતના અંત સુધી 85 ઓવરમાં 3 વિકેટ ગુમાવીને 327 રન બનાવ્યા હતા. ટ્રેવિસ હેડે 156 બોલમાં 146 રન બનાવ્યા હતા. સ્ટીવ સ્મિથ 95 રન બનાવીને અણનમ રહ્યો હતો. આ પહેલા ડેવિડ વોર્નર 43 રન અને લાબુશેન 26 રન બનાવીને આઉટ થયા હતા. ઉસ્માન ખ્વાજા શૂન્ય પર આઉટ થયો હતો. ભારત તરફથી મોહમ્મદ શમી, મોહમ્મદ સિરાજ અને શાર્દુલ ઠાકુરે 1-1 વિકેટ લીધી હતી.

07/06/2023 21:22:09

ટ્રેવિસ હેડની શાનદાર સદી

ટ્રેવિસ હેડએ પોતાની સદી પુરી કરી છે. તેણે 106 બોલમાં 100 રન બનાવ્યા હતા. હેડે 14 ચોગ્ગા અને એક સિક્સર ફટકારી છે. ઓસ્ટ્રેલિયાએ 64.4 ઓવરમાં 233 રન બનાવ્યા છે. સ્મિથ અને હેડ વચ્ચે 157 રનની ભાગીદારી થઈ છે.

07/06/2023 20:28:48

ઓસ્ટ્રેલિયાએ 57 ઓવરમાં 192 રન બનાવ્યા

ઓસ્ટ્રેલિયાએ 57 ઓવરમાં 3 વિકેટ ગુમાવીને 192 રન બનાવ્યા હતા. ટ્રેવિસ હેડ 86 બોલમાં 77 રન બનાવીને રમી રહ્યો છે. સ્ટીવ સ્મિથે 127 બોલમાં 36 રન બનાવ્યા છે. આ બંને વચ્ચે 116 રનની ભાગીદારી થઈ છે.

07/06/2023 19:40:05

ઓસ્ટ્રેલિયા તરફથી હેડે શાનદાર અડધી સદી ફટકારી

ઓસ્ટ્રેલિયા તરફથી શાનદાર બેટિંગ કરતા ટ્રેવિસ હેડે પોતાની અડધી સદી પૂરી કરી હતી. તે 62 બોલમાં 52 રન બનાવીને રમી રહ્યો છે. હેડે 9 ચોગ્ગા ફટકાર્યા છે. સ્ટીવ સ્મિથ 32 રન બનાવીને રમી રહ્યો છે. આ બંને વચ્ચે 85 રનની ભાગીદારી થઈ છે. ભારતીય બોલરો હજુ સુધી સ્મિથ અને હેડની જોડીને તોડી શક્યા નથી.

07/06/2023 18:59:10

સ્મિથ અને હેડ વચ્ચે અડધી સદીની ભાગીદારી

ઓસ્ટ્રેલિયા માટે સ્ટીવ સ્મિથ અને ટ્રેવિસ હેડે અડધી સદીની ભાગીદારી પૂરી કરી છે. આ બંને બેટ્સમેન 86 બોલમાં 65 રન બનાવીને રમી રહ્યા છે. હેડે 37 રન અને સ્મિથે 28 રન બનાવ્યા હતા. ઓસ્ટ્રેલિયાએ 38 ઓવરમાં 3 વિકેટ ગુમાવીને 141 રન બનાવ્યા છે.

07/06/2023 18:06:59

લાબુશેન 26 રન બનાવીને આઉટ

લંચ પછી બીજા સેશનની શરૂઆત સાથે જ ઓસ્ટ્રેલિયન ટીમને માર્નસ લાબુશેનના રૂપમાં ત્રીજો ઝટકો લાગ્યો હતો. મોહમ્મદ શમીએ લાબુશેનને 26ના અંગત સ્કોર પર બોલ્ડ કરીને પેવેલિયન મોકલી દીધો હતો. ઓસ્ટ્રેલિયાને ત્રીજો ફટકો 76ના સ્કોર પર લાગ્યો હતો.

07/06/2023 16:56:52

ઓસ્ટ્રેલીયાની બીજી વિકેટ પડી

ઓસ્ટ્રેલીયાની બીજી વિકેટ પડી છે. વોર્નર 43 રને આઉટ થયો છે. વોર્નરની વિકેટ શાર્દુલ ઠાકુરે લીધી છે. હાલમાં ઓસ્ટ્રેલીયાએ બે વિકેટના નુકસાને 71 રન બનાવી લીધા છે.

07/06/2023 16:16:45

ઓસ્ટ્રેલિયાએ 12 ઓવરમાં 29 રન બનાવ્યા

ઓસ્ટ્રેલિયાએ 12 ઓવર પછી એક વિકેટ ગુમાવીને 29 રન બનાવ્યા હતા. ડેવિડ વોર્નર 33 બોલમાં 17 રન બનાવીને રમી રહ્યો છે. લાબુશેન 29 બોલમાં 11 રન બનાવીને રમી રહ્યો છે. ભારત તરફથી સિરાજે 6 ઓવરમાં 16 રન આપીને એક વિકેટ લીધી છે. તેણે 2 મેડન ઓવર નાખી છે. શમીએ 6 ઓવરમાં 12 રન આપ્યા છે.

07/06/2023 15:24:00

સિરાજે ઓસ્ટ્રેલિયાને પહેલો ઝટકો આપ્યો

ઓસ્ટ્રેલિયાની પ્રથમ વિકેટ ઉસ્માન ખ્વાજાના રૂપમાં પડી હતી. તેને મોહમ્મદ સિરાજે પેવેલિયન ભેગો કર્યો હતો. ખ્વાજા ચોથી ઓવરના ચોથા બોલ પર વિકેટ પાછળ કેચ આઉટ થયો હતો.

07/06/2023 15:20:55

ભારતની પ્લેઈંગ ઈલેવન

રોહિત શર્મા (કેપ્ટન), શુભમન ગિલ, ચેતેશ્વર પુજારા, વિરાટ કોહલી, અજિંક્ય રહાણે, શ્રીકર ભરત (વિકેટકિપર), રવિન્દ્ર જાડેજા, શાર્દુલ ઠાકુર, ઉમેશ યાદવ, મોહમ્મદ શમી, મોહમ્મદ સિરાજ

07/06/2023 15:20:14

ઓસ્ટ્રેલિયાની પ્લેઈંગ ઈલેવન

ડેવિડ વોર્નર, ઉસ્માન ખ્વાજા, માર્નસ લાબુશેન, સ્ટીવ સ્મિથ, ટ્રેવિસ હેડ, કેમેરોન ગ્રીન, એલેક્સ કેરી (વિકી), પેટ કમિન્સ (કેપ્ટન), મિશેલ સ્ટાર્ક, નાથન લિયોન, સ્કોટ બોલેન્ડ

IND vs AUS WTC Final 2023: પ્રથમ દિવસના અંતે ઓસ્ટ્રેલીયાના 327 રન, સ્મિથ સદી નજીક

બ્રેકગ્રાઉન્ડ