IND vs ENG, 1st Innings Highlights: બુમરાહ અને ઉમેશ યાદવે કરાવી ટીમ ઇન્ડિયાની વાપસી, પ્રથમ દિવસના અંતે ઇગ્લેન્ડ 138 રન પાછળ

India vs England, 1st Innings Highlights: પાંચ મેચની ટેસ્ટ શ્રેણી પૈકીની પ્રથમ ત્રણ ટેસ્ટ પૂરી થઈ ગઈ છે અને બંને ટીમો એક-એકની બરાબરી પર છે.

બ્રેકગ્રાઉન્ડ

IND vs ENG 4th Test: ભારત અને ઈંગ્લેન્ડ વચ્ચે ઓવલમાં આજથી ચોથી ટેસ્ટનો પ્રારંભ થયો છે. મેચના પ્રથમ દિવસે ઈંગ્લેન્ડના કેપ્ટન જો રૂટે ટૉસ જીતીને ભારતને બેટિંગ કરવા આમંત્રણ આપ્યું હતું. બંને ટીમોમાં બે-બે બદલાવ કરવામાં આવ્યા હતા.

02/09/2021 23:11:40

પ્રથમ ઇનિંગમાં ઇગ્લેન્ડ હજુ 138 રન પાછળ

ચોથી ટેસ્ટના પ્રથમ દિવસની રમતના અંતે ઇગ્લેન્ડે ત્રણ વિકેટના નુકસાન પર 53 રન બનાવી લીધા હતા. બુમરાહ અને ઉમેશ યાદવે ટીમ ઇન્ડિયાની વાપસી કરાવી હતી. બુમરાહે બે અને ઉમેશ યાદવે એક વિકેટ ઝડપી હતી. આ અગાઉ ટીમ ઇન્ડિયા પ્રથમ ઇનિંગમાં 191 રનમાં ઓલઆઉટ થઇ ગઇ હતી. શાર્દુલ ઠાકુરે સૌથી વધુ 57 રન ફટકાર્યા હતા. દિવસના અંતે ઇગ્લેન્ડ તરફથી ડેવિડ મલાન 26 અને ક્રેગ ઓવરટન એક રને રમતમાં હતા.

02/09/2021 22:22:07

બુમરાહે ભારતને અપાવી સારી શરૂઆત

જસપ્રીત બુમરાહે ભારતને શાનદાર શરૂઆત અપાવી છે. બુમરાહે રોરી બર્ન્સ અને હામિદની વિકેટ ઝડપી હતી. એક ઓવરમાં બુમરાહે બંન્નેને પેવેલિયન ભેગા કર્યા હતા. મેચની ચોથી ઓવરના બીજા બોલ પર બુમરાહે બર્ન્સને આઉટ કર્યો હતો અને અંતિમ બોલ પર હસીબ હામિદની વિકેટ ઝડપી હતી. ઇગ્લેન્ડના બંન્ને ઓપનર પેવેલિયન ભેગા થયા હતા

02/09/2021 21:42:41

ટીમ ઇન્ડિયાના બેટ્સમેનોનું ખરાબ પ્રદર્શન

ઇગ્લેન્ડ સામેની ચોથી ટેસ્ટ મેચમાં પ્રથમ દિવસે ટીમ ઇન્ડિયા પ્રથમ ઇનિંગમાં 191 રનમાં ઓલઆઉટ થઇ ગઇ હતી. ઉમેશ યાદવ આઉટ થનાર છેલ્લો બેટ્સમેન રહ્યો હતો. તે 10 રન બનાવી આઉટ થયો હતો. ભારત તરફથી સૌથી વધુ શાર્દુલ ઠાકુરે સૌથી વધુ 57 રન ફટકાર્યા હતા. કેપ્ટન કોહલીએ 50 રનની ઇનિંગ રમી હતી. ઇગ્લેન્ડ તરફથી વોક્સે ચાર, રોબિન્સને ત્રણ અને એન્ડરસન અને ઓવરટને એક-એક વિકેટ ઝડપી હતી.

02/09/2021 20:03:58

અડધી ભારતીય ટીમ પેવેલિયન ભેગી

ભારતીય ટીમની અડધી ટીમ પેવેલિયન ભેગી થઇ ગઇ છે. વિરાટ કોહલી 50 રન બનાવી રોબિંન્સનનો શિકાર બન્યો હતો. કોહલીએ 27મી અડધી સદી ફટકારી હતી. કોહલીને રોબિન્સને જોની બેયરસ્ટોના હાથે કેચ કરાવ્યો  હતો. કોહલીએ 96 બોલમાં 50 રન ફટકાર્યા હતા. 

02/09/2021 19:11:58

ટીમ ઇન્ડિયાની ખરાબ શરૂઆત

ઇગ્લેન્ડ સામેની ચોથી ટેસ્ટ મેચના પ્રથમ દિવસે ટીમ ઇન્ડિયાની શરૂઆત ખરાબ રહી હતી. ભારતે 96 રનમાં જ ચાર વિકેટ ગુમાવી દીધી હતી. હાલમાં વિરાટ કોહલી અને રહાણે રમતમાં છે. આ અગાઉ રોહિત શર્મા 11, લોકેશ રાહુલ   17 અને પૂજારા ચાર અને જાડેજા 10 રન બનાવી આઉટ થયા  હતા. 

02/09/2021 16:45:06

રાહુલ રોબિન્સનનો બન્યો શિકાર

કેએલ રાહુલ ઓલી રોબિન્સનનો શિકાર બનતાં ભારતે 28 રનના સ્કોર પર બીજી વિકેટ ગુમાવી હતી. 7 ઓવરના અંતે ભારતનો સ્કોર વિના વિકેટ 28 રન હતો ત્યાંથી 14 ઓવર સુધીમાં એક પણ રનના ઉમેરા વગર બંને ઓપનર રોહિત શર્મા અને લોકેશ રાહુલની વિકેટ ગુમાવી દીધી છે. હાલ ચેતેશ્વર પુજારા અને વિરાટ કોહલી રમતમાં છે.

02/09/2021 16:39:05

ઈંગ્લેન્ડની શાનદાર બોલિંગ

પ્રથમ દિવસે પ્રથમ સત્રની ડ્રિક સુધીની 13 ઓવરમાં ઈંગ્લેન્ડના બેટ્સમેનોએ શાનદાર દેખાવ કર્યો છે. ઓલી રોબિનસને 6 ઓવરમાં 4 મેડન નાંખીને 8 રન આપ્યા છે. જ્યારે ક્રિસ વોક્સે પ્રથમ 3 ઓવર મેડન નાંખીને રોહિત શર્માની કિંમતી વિકેટ ઝડપી હતી,. એન્ડરસને 4 ઓવરમાં 20 રન આપ્યા છે.

02/09/2021 16:29:28

સતત 5 ઓવર મેડન

7 ઓવરના અંતે ભારતનો સ્કોર વિના વિકેટે 28 રન હતો, જે 12 ઓવરના અંતે 1 વિકેટના નુકસાન પર 28 રન છે. ભારતે સતત પાંચ ઓવર મેડન કાઢી છે. આ દરમિયાન ઈંગ્લેન્ડે તેનો પ્રથમ રિવ્યૂ લીધો હતો, જે ખોટો સાબિત થયો હતો.

02/09/2021 16:16:07

ભારતે ગુમાવી પ્રથમ વિકેટ

9 ઓવરના અંતે ભારતનો સ્કોર 1 વિકેટના નુકસાન પર 28 રન છે. રોહિત શર્મા 11 રન બનાવી ક્રિસ વોક્સની ઓવરમાં વિકેટકિપર બેયરસ્ટોના હાથે કેચ આઉટ થયો હતો.

02/09/2021 16:03:50

ભારતીય ઓપનર્સની ધીરજભરી બેટિંગ

ચોથી ટેસ્ટમાં ટોસ હાર્યા બાદ પ્રથમ બેટિંગ કરવા ઉતરેલી ભારતીય ટીમના ઓપનર્સે ધીરજભરી બેટિંગ કરી રહ્યા છે. 7 ઓવરના અંતે ટીમનો સ્કોર વિના વિકેટ 28 રન છે. કેએલ રાહુલ 17 અને રોહિત શર્મા 11 રને રમતમાં છે.

02/09/2021 15:10:10

ટોસ જીત્યા બાદ ઈંગ્લેન્ડનો કેપ્ટન ખુશ થઈ ગયો

02/09/2021 15:09:27

ટીમ ઈન્ડિયાની પ્લેઈંગ ઈલેવન

રોહિત શર્મા, કેએલ રાહુલ, ચેતેશ્વર પુજારા, વિરાટ કોહલી, અજિંક્ય રહાણે, રિષભ પંત, રવિન્દ્ર જાડેજા, શાર્દુલ ઠાકુર, ઉમેશ યાદવ, જસપ્રીત બુમરાહ, મોહમ્મદ સિરાજ

02/09/2021 15:07:34

ટીમ ઈન્ડિયામાં અશ્વિનની ફરી અવગણના

ત્રીજી ટેસ્ટમાં હાર બાદ ભારતીય ટીમમાં બે થી ત્રણ બદલાવની ચર્ચા થતી હતી. જે મુજબ જ કેપ્ટન કોહલીએ ઈશાંત શર્મા, મોહમ્મદ શમીના સ્થાને શાર્દુલ ઠાકુર અને ઉમેશ યાદવનો સમાવેશ કર્યો છે. અશ્વિનની ફરીથી અવગણના કરવામાં આવી છે.

02/09/2021 15:05:08

ઈંગ્લેન્ડની ટીમમાં બે બદલાવ

ઈંગ્લેન્ડનો કેપ્ટન ફરી એક વખત ટોસ જીતવામાં સફળ રહ્યો હતો. ઈંગ્લેન્ડે ટોસ જીતીને પ્રથમ ફિલ્ડિંગ લીધી હતી. ઈંગ્લેન્ડની ટીમમાં બે બદલાવ કરવામાં આવ્યા છે. જોસ બટલરના સ્થાને ઓલી પોપે અને સેમ કરનના સ્થાને ક્રિસ વોક્સને સામેલ કરાયા છે.

 

02/09/2021 14:34:19

ચોથી ટેસ્ટ માટે ભારતીય ટીમ તૈયાર

02/09/2021 14:33:12

ભારતે ચોથી ટેસ્ટ માટે જાહેર કરેલી ટીમ

રોહિત શર્મા, કેએલ રાહુલ, મયંક અગ્રવાલ, ચેતેશ્વર પુજારા, વિરાટ કોહલી, અજિંક્ય રહાણે, હનુમા વિહારી, રિષભ પંત, આર અશ્વિન, રવિચંદ્રન અશ્વિન, રવિન્દ્ર જાડેજા, અક્ષર પટેલ, જસપ્રીત બુમરાહ, ઈશાંત શર્મા, મોહમ્મદ શમી, મોહમ્મદ સિરાજ, શાર્દુલ ઠાકુર, ઉમેશ યાદવ, રિદ્ધીમાન સાહા, અભિમન્યુ ઈશ્વરન, પૃથ્વી શૉ, સૂર્યકુમાર યાદવ, પ્રસિદ્ધ ક્રિષ્ના

02/09/2021 14:32:50

1971 બાદ ભારત અહીં જીત્યું નથી

ભારત અને ઈંગ્લેન્ડ વચ્ચે ઓવલ ક્રિકેટ ગ્રાઉન્ડ ખાતે શ્રેણીની ચોથી ટેસ્ટ મેચ શરૃ થવા જઈ રહી છે. ભારત આ મેદાન પર ૧૩માંથી એકમાત્ર ટેસ્ટ જીતી ચૂક્યું છે. ભારતે ૧૯૭૧માં અજીત વાડેકરની કેપ્ટન્સી હેઠળ ઈંગ્લેન્ડમાં સૌપ્રથમ ટેસ્ટ મેચ અને શ્રેણી જીતી હતી, તે રેકોર્ડ આ જ મેદાન પર નોંધાયો હતો. આજે તે વિજયની ગોલ્ડન જ્યુબિલી ચાલી રહી છે. જોકે, ભારત ત્યાર બાદ અહીં એક પણ મેચ જીતી શક્યું નથી. ૧૩માંથી ઈંગ્લેન્ડ છેલ્લી ત્રણ સહિત કુલ પાંચ ટેસ્ટ જીત્યું છે. જ્યારે સાત ટેસ્ટ મેચ ડ્રો રહી છે.  આમ કોહલી પાસે આજથી શરૂ થતી ટેસ્ટ મેચ જીતીને ઈતિહાસ રચવાનો પણ મોકો છે.