IND vs ENG: ધર્મશાલા ટેસ્ટમાં ટીમ ઈન્ડિયાએ મેળવી 255 રનની લીડ, રોહિત-ગિલની સદી
IND vs ENG 5th Test Live:ઇગ્લેન્ડ સામેની પાંચમી ટેસ્ટનો પ્રથમ દિવસ ભારતના નામે રહ્યો હતો
India vs England 5th Test, Dharamsala: ધર્મશાલામાં રમાઈ રહેલી પાંચમી ટેસ્ટ પર પણ ટીમ ઈન્ડિયાએ પોતાની પકડ મજબૂત કરી લીધી છે. ઈંગ્લેન્ડે પ્રથમ દાવમાં બનાવેલા 218 રનના જવાબમાં ટીમ ઈન્ડિયાએ બીજા દિવસની રમતના અંતે 8 વિકેટ ગુમાવીને 473 રન બનાવી લીધા છે. ટીમ ઈન્ડિયાની લીડ વધીને 255 રન થઈ ગઈ છે. સ્ટમ્પના સમયે જસપ્રીત બુમરાહ 55 બોલમાં બે ચોગ્ગાની મદદથી 19 રન બનાવીને અણનમ અને કુલદીપ યાદવ 55 બોલમાં 2 ચોગ્ગાની મદદથી 27 રન બનાવીને અણનમ પરત ફર્યા હતા. ભારત તરફથી રોહિત શર્મા અને શુભમન ગીલે સદી ફટકારી હતી. જ્યારે ઈંગ્લેન્ડ તરફથી ઓફ સ્પિનર શોએબ બશીરે ચાર વિકેટ ઝડપી હતી.
ભારતે ત્રણ વિકેટે 337 રન બનાવ્યા છે. હાલમાં દેવદત્ત પડિક્કલ 34 રન અને સરફરાઝ ખાન 27 રન સાથે ક્રિઝ પર છે. બંને વચ્ચે અત્યાર સુધી 58 રનની ભાગીદારી થઈ છે. ટીમ ઈન્ડિયાની અત્યાર સુધીની લીડ 119 રનની છે.
ભારતનો સ્કોર હાલમાં ત્રણ વિકેટે 313 રન છે. સરફરાઝ સાત રન બનાવીને ક્રીઝ પર છે અને દેવદત્ત પડિક્કલે 30 રન બનાવ્યા છે. બંને વચ્ચે અત્યાર સુધી 34 રનની ભાગીદારી થઈ છે. ભારતની લીડ હાલમાં 95 રનની છે.
ભારતને સતત બે ઓવરમાં બે મોટા આંચકાઓ લાગ્યા છે. ઇનિંગની 62મી ઓવરમાં બેન સ્ટોક્સે રોહિત શર્માને સિરીઝના તેના પહેલા બોલ પર ક્લીન બોલ્ડ કર્યો હતો. આ પછી 63મી ઓવરમાં જેમ્સ એન્ડરસને શુભમન ગિલને ક્લીન બોલ્ડ કર્યો હતો. રોહિત 103 રન બનાવી શક્યો હતો. જ્યારે શુભમને 150 બોલમાં 110 રનની ઇનિંગ રમી હતી. પોતાની ઇનિંગમાં તેણે 12 ફોર અને 5 સિક્સર ફટકારી હતી. હાલમાં સરફરાઝ ખાન અને નવોદિત દેવદત્ત પડિકલ ક્રિઝ પર છે. ભારતનો સ્કોર ત્રણ વિકેટે 280 રન છે. અત્યાર સુધીની લીડ 62 રનની છે.
બીજા દિવસે લંચ સુધી ભારતે એક વિકેટે 264 રન કરી લીધા છે. હાલમાં રોહિત શર્મા 102 રન અને શુભમન ગિલ 101 રન સાથે બેટિંગ કરી રહ્યા છે. અત્યાર સુધી બંને વચ્ચે બીજી વિકેટ માટે 160 રનની ભાગીદારી થઈ છે. ઈંગ્લેન્ડે પ્રથમ દાવમાં 218 રન બનાવ્યા હતા. આ સ્થિતિમાં લીડ 46 રનની છે.
આજના પ્રથમ સેશનમાં 30 ઓવર નાખવામાં આવી હતી અને ભારતે એકપણ વિકેટ ગુમાવ્યા વિના 129 રન બનાવ્યા હતા. ટીમ ઈન્ડિયાએ 4.30ના રન રેટથી રન કર્યા છે. રોહિતે તેની ટેસ્ટ કારકિર્દીની 12મી સદી અને શુભમન ગિલે ચોથી સદી ફટકારી હતી. આ શ્રેણીમાં રોહિતની આ બીજી સદી હતી. અગાઉ તેણે રાજકોટમાં ત્રીજી ટેસ્ટની પ્રથમ ઇનિંગમાં 131 રન બનાવ્યા હતા. શુભમને આ શ્રેણીમાં તેની પ્રથમ સદી ફટકારી હતી. શુભમને ચોગ્ગો ફટકારીને પોતાની સદી પૂરી કરી હતી.
રોહિત શર્માએ પોતાના ટેસ્ટ કરિયરની 12મી સદી ફટકારી છે. તેની સદી બાદ શુભમન ગિલે પણ તેની સદી પૂરી કરી હતી. તેણે પોતાની ટેસ્ટ કારકિર્દીની ચોથી સદી ફટકારી હતી. તેમની સદીના સમયે તેમના પિતા પણ હાજર હતા અને તેમણે ઉભા થઈને ખુશીથી તાળીઓ પાડી હતી.
ભારતે ઈંગ્લેન્ડ પર લીડ મેળવી લીધી છે. શુભમને શોએબ બશીરના બોલ પર સિક્સ ફટકારીને ભારતને લીડ અપાવી હતી. હાલમાં ભારતનો સ્કોર એક વિકેટે 225 રન છે. શુભમન 79 રન અને રોહિત 85 રન બનાવીને ક્રિઝ પર છે. બંને વચ્ચે 121 રનની ભાગીદારી થઈ છે. ઈંગ્લેન્ડે પ્રથમ દાવમાં 218 રન બનાવ્યા હતા.
રોહિત શર્મા અને શુભમન ગિલ વચ્ચે સદીની ભાગીદારી થઈ છે. આ પ્રથમ વખત છે જ્યારે બંને વચ્ચે ટેસ્ટમાં 100 કરતા વધુ રનની ભાગીદારી થઈ હોય. ભારતનો સ્કોર એક વિકેટે 206 રન છે. ટીમ ઈન્ડિયા હવે ઈંગ્લેન્ડથી માત્ર 12 રન પાછળ છે. શુભમન 65 અને રોહિત 80 રન બનાવીને ક્રિઝ પર છે.
ભારતે એક વિકેટે 202 રન બનાવ્યા છે. હાલમાં શુભમન ગિલ 65 રન અને રોહિત શર્મા 76 રન સાથે ક્રિઝ પર છે. બંને વચ્ચે 98 રનની ભાગીદારી થઈ છે. ટીમ ઈન્ડિયા હવે ઈંગ્લેન્ડ કરતાં 16 રન પાછળ છે. શરૂઆતની કેટલીક મેચોમાં ખરાબ પ્રદર્શન બાદ શુભમને શાનદાર વાપસી કરી છે.
શુભમન ગિલે તેની ટેસ્ટ કારકિર્દીની સાતમી અડધી સદી 64 બોલમાં ફટકારી હતી. તે ખૂબ જ શાનદાર રીતે બેટિંગ કરી રહ્યો છે. ઇંગ્લેન્ડ સામે આ તેની ચોથી અડધી સદી હતી. હાલમાં ભારતનો સ્કોર એક વિકેટે 186 રન છે. શુભમન ગિલ 51 અને રોહિત શર્મા 74 રન બનાવીને ક્રિઝ પર છે. બંને વચ્ચે 82 રનની ભાગીદારી થઈ છે. ભારત હજુ 32 રન પાછળ છે.
ભારતે એક વિકેટે 171 રન બનાવ્યા છે. હાલમાં રોહિત શર્મા 72 રન અને શુભમન ગિલ 38 રન કરીને રમી રહ્યા છે. બંને વચ્ચે અત્યાર સુધી 67 રનની ભાગીદારી થઈ છે. ભારત હજુ પણ ઈંગ્લેન્ડથી 47 રન પાછળ છે.
બ્રેકગ્રાઉન્ડ
IND vs ENG 5th Test Live: ઇગ્લેન્ડ સામેની પાંચમી ટેસ્ટનો પ્રથમ દિવસ ભારતના નામે રહ્યો હતો. ભારતે પ્રથમ દાવમાં એક વિકેટ ગુમાવીને 135 રન બનાવ્યા છે. ઈંગ્લેન્ડે પ્રથમ દાવમાં 218 રન બનાવ્યા હતા. આ હિસાબે ભારત હજુ પણ ઈંગ્લેન્ડથી 83 રન પાછળ છે. કેપ્ટન રોહિત શર્મા 52 રન અને શુભમન ગિલ 26 રન બનાવીને અણનમ છે. બંને વચ્ચે 31 રનની ભાગીદારી થઈ છે. ભારતીય ટીમને એકમાત્ર ફટકો યશસ્વી જયસ્વાલના રૂપમાં લાગ્યો હતો. તે 58 બોલમાં 57 રન બનાવીને આઉટ થયો હતો. શોએબ બશીરે તેને વિકેટકીપર બેન ફોક્સ દ્વારા સ્ટમ્પ કરાવ્યો હતો. યશસ્વીની ટેસ્ટ કારકિર્દીની આ ચોથી અડધી સદી હતી. આ સાથે જ રોહિતની ટેસ્ટ કારકિર્દીની આ 18મી અડધી સદી હતી.
આ પહેલા ઈંગ્લેન્ડનો પ્રથમ દાવ 218 રનમાં સમેટાઈ ગયો હતો. કુલદીપ યાદવે પાંચ વિકેટ લીધી હતી. આ સાથે જ પોતાની 100મી ટેસ્ટ રમી રહેલા રવિચંદ્રન અશ્વિને ચાર વિકેટ ઝડપી હતી. ઈંગ્લેન્ડ તરફથી જેક ક્રાઉલીએ સૌથી વધુ 79 રન બનાવ્યા હતા. આ સિવાય રવિન્દ્ર જાડેજાને એક વિકેટ મળી હતી. એટલે કે ઈંગ્લેન્ડની તમામ 10 વિકેટ ભારતીય સ્પિનરોએ લીધી હતી. પ્રથમ દિવસે બંને દાવમાં 353 રન બનાવ્યા હતા અને કુલ 11 વિકેટ પડી હતી. તમામ વિકેટ સ્પિનરોએ લીધી હતી. ભારતીય સ્પિનરોએ 10 અને બશીરે એક વિકેટ ઝડપી હતી.
ટોસ જીતીને પ્રથમ બેટિંગ કરવા આવેલી ઈંગ્લેન્ડની ટીમની શરૂઆત સારી રહી હતી. બેન ડકેટ અને જેક ક્રાઉલીએ પ્રથમ વિકેટ માટે 64 રનની ભાગીદારી કરી હતી. કુલદીપે આ ભાગીદારી તોડી. તેણે ડકેટને શુભમન ગિલના હાથે કેચ કરાવ્યો હતો. ડકેટ 27 રન બનાવી શક્યો હતો. આ પછી ક્રાઉલે તેની ટેસ્ટ કારકિર્દીની 14મી અને ભારત સામે પાંચમી અડધી સદી પૂરી કરી. લંચ પહેલા કુલદીપે ઓલી પોપને વિકેટકીપર ધ્રુવ જુરેલના હાથે સ્ટમ્પ કરાવ્યો અને ઈંગ્લિશ ટીમને બીજો ઝટકો આપ્યો. પોપ 11 રન બનાવી શક્યો હતો.
પ્રથમ સેશનમાં 25.3 ઓવર નાખવામાં આવી હતી અને ઈંગ્લેન્ડે 100 રન બનાવ્યા હતા અને બે વિકેટ ગુમાવી દીધી હતી. આ પછી બીજા સેશનમાં ઈંગ્લેન્ડે 29.3 ઓવર બેટિંગ કરી અને 94 રનમાં છ વિકેટ ગુમાવી દીધી હતી. એક સમયે ઈંગ્લેન્ડનો સ્કોર 38મી ઓવરમાં બે વિકેટે 137 રન હતો. 137ના સ્કોર પર બે વિકેટ સાથે ઈંગ્લેન્ડની ટીમ 58મી ઓવરમાં 218 રનમાં સમેટાઈ ગઈ હતી. 20 ઓવરમાં અને 81 રન બનાવીને ભારતે ઈંગ્લેન્ડની આઠ વિકેટ ગુમાવી દીધી હતી.
ક્રાઉલીએ 108 બોલમાં 11 ચોગ્ગા અને એક છગ્ગાની મદદથી 79 રન બનાવ્યા હતા. જો રૂટ 26 રન બનાવીને આઉટ થયો હતો, જ્યારે તેની 100મી ટેસ્ટ રમી રહેલા જોની બેયરસ્ટો 29 રન બનાવીને આઉટ થયો હતો. કુલદીપે કેપ્ટન બેન સ્ટોક્સને ખાતું પણ ખોલવા દીધું ન હતું. ઈંગ્લેન્ડનો સ્કોર 175 રન હતો ત્યારે ટીમે બેયરસ્ટો, રૂટ અને સ્ટોક્સની વિકેટ ગુમાવી દીધી હતી. અશ્વિને ઇનિંગની 50મી ઓવરમાં હાર્ટલી (6) અને વુડ (0)ને પેવેલિયન મોકલી દીધા હતા. આ પછી એન્ડરસન (0)ને પેવેલિયન મોકલીને ઈંગ્લેન્ડનો દાવ 218 રનમાં સમેટાઈ ગયો હતો. બશીર 11 રન બનાવીને અણનમ રહ્યો હતો.
- - - - - - - - - Advertisement - - - - - - - - -