IND vs ENG: ભારતીય ટીમે ઈંગ્લેન્ડને 100 રનથી હરાવ્યું, શમી-બુમરાહનો તરખાટ
India vs England LIVE Score, World Cup 2023: આઈસીસી ક્રિકેટ વર્લ્ડકપ 2023માં ટીમ ઈન્ડિયાનું પ્રદર્શન શાનદાર રહ્યું છે, આજે ફરી એકવાર ભારતીય ટીમ ઇંગ્લેન્ડ સામે મેદાનમાં છે
ભારતીય ટીમે ઈંગ્લેન્ડને 100 રનથી હરાવ્યું છે. લખનૌની ધીમી પિચ પર પ્રથમ રમત રમીને ભારતીય ટીમ માત્ર 229 રન બનાવી શકી હતી. એવું લાગી રહ્યું હતું કે ઈંગ્લેન્ડની ટીમ આ ટાર્ગેટ સરળતાથી હાંસલ કરી લેશે. પરંતુ ઈંગ્લેન્ડે મોહમ્મદ શમી અને જસપ્રિત બુમરાહની ઘાતક બોલિંગનો ભોગ લીધો અને આખી ટીમ માત્ર 129 રનમાં સમેટાઈ ગઈ. શમીએ ચાર અને બુમરાહે ત્રણ વિકેટ ઝડપી હતી. આ વર્લ્ડ કપમાં ભારતનો આ સતત છઠ્ઠો વિજય છે. આ સાથે તે પોઈન્ટ ટેબલમાં ટોપ પર પહોંચી ગઈ છે.
ઈંગ્લેન્ડે 24મી ઓવરમાં 81 રનના સ્કોર પર છઠ્ઠી વિકેટ ગુમાવી દીધી છે. મોહમ્મદ શમીએ મોઈન અલીને આઉટ કરીને ઈંગ્લેન્ડને છઠ્ઠો ઝટકો આપ્યો હતો. મોઈન અલી 31 બોલમાં 15 રન બનાવીને આઉટ થયો હતો. શમીની આ ત્રીજી સફળતા છે.
બુમરાહ બાદ શમીએ ઈંગ્લેન્ડને બે ઝટકા આપ્યા છે. શમીએ બેરિસ્ટો અને સ્ટોક્સ બન્નેને બોલ્ડ કર્યા હતા. ઈંગ્લેન્ડે 39 રનમાં 4 વિકેટ ગુમાવી દીધી છે.
જસપ્રીત બુમરાહે ઈંગ્લેન્ડને બીજો ઝટકો આપ્યો છે. પહેલા મલાન 16 રન બનાવી આઉટ થયો હતો જે બાદ બીજા જ બોલે રુટ ઝીરો પર પેવેલિયન પરત ફર્યો.
50 ઓવર રમ્યા બાદ ભારતીય ટીમ ઇંગ્લેન્ડ ટીમને જીતવા માટે 230 રનોનો ટાર્ગેટ આપ્યો છે, ટીમ ઇન્ડિયાએ પ્રથમ બેટિંગ કરતાં 50 ઓવરના અંતે 9 વિકેટના નુકસાને 229 રન બનાવ્યા હતા. ભારતીય ટીમ તરફથી સૌથી વધુ કેપ્ટન રોહિત શર્માએ 87 અને સૂર્યકુમાર યાદવે 49 રનની ઇનિંગ રમી હતી.
ભારતને 47મી ઓવરમાં 208 રનના સ્કૉર પર આઠમો ઝટકો લાગ્યો છે, સૂર્યકુમાર યાદવ અડધી સદી ચૂકી ગયો હતો. તે 47 બૉલમાં 4 ચોગ્ગા અને 1 છગ્ગાની મદદથી 49 રન બનાવીને આઉટ થયો હતો. તેને ડેવિડ વિલીએ ક્રિસ વૉક્સના હાથે કેચ આઉટ કરાવ્યો હતો. 47 ઓવર પછી ભારતનો સ્કૉર આઠ વિકેટે 214 રન છે.
183ના સ્કૉર પર ભારતને સાતમો ઝટકો લાગ્યો છે. માર્ક વુડે મોહમ્મદ શમીને જૉસ બટલરના હાથે કેચ કરાવ્યો હતો. તે એક 1 બનાવી શક્યો હતો. હાલમાં જસપ્રીત બુમરાહ અને સૂર્યકુમાર યાદવ ક્રિઝ પર છે. 42 ઓવર પછી ભારતનો સ્કૉર સાત વિકેટે 183 રન છે.
ભારતને 41મી ઓવરમાં 182 રનના સ્કૉર પર છઠ્ઠો ઝટકો લાગ્યો છે, આદિલ રાશિદે રવિન્દ્ર જાડેજાને LBW આઉટ કર્યો હતો. તે 13 બૉલમાં આઠ રન બનાવી શક્યો હતો. 41 ઓવર પછી ભારતનો સ્કૉર છ વિકેટ ગુમાવીને 183 રન છે. હાલમાં મોહમ્મદ શમી સૂર્યકુમાર યાદવના સપોર્ટમાં ક્રિઝ પર આવ્યો છે.
ભારતને 37મી ઓવરમાં 164 રનના સ્કૉર પર પાંચમો ઝટકો લાગ્યો હતો. કેપ્ટન રોહિત શર્મા 101 બૉલમાં 10 ચોગ્ગા અને 3 છગ્ગાની મદદથી 87 રન બનાવીને આઉટ થયો હતો. આદિલ રશીદની બૉલિંગમાં તે લિવિંગસ્ટોનના હાથે કેચ આઉટ થયો હતો. રોહિતે સૂર્યકુમાર સાથે પાંચમી વિકેટ માટે 33 રનની ભાગીદારી કરી હતી. 37 ઓવર પછી ભારતનો સ્કૉર 5 વિકેટે 165 રન છે. હાલમાં રવિન્દ્ર જાડેજા અને સૂર્યકુમાર યાદવ ક્રિઝ પર છે.
36 ઓવર બાદ ભારતે ચાર વિકેટ ગુમાવીને 163 રન બનાવી લીધા છે. હાલમાં કેપ્ટન રોહિત શર્મા 99 બૉલમાં 87 રન બનાવીને ક્રિઝ પર છે અને સૂર્યકુમાર યાદવ 24 રન બનાવીને ક્રિઝ પર છે. અત્યાર સુધી બંને વચ્ચે પાંચમી વિકેટ માટે 32 રનની ભાગીદારી થઈ છે.
ભારતની ચોથી વિકેટ 131 રનના સ્કૉર પર પડી હતી. લોકેશ રાહુલ 58 બૉલમાં 39 રન બનાવીને આઉટ થયો હતો. ડેવિડ વિલીએ તેને જૉની બેયરસ્ટોના હાથે કેચ કરાવ્યો હતો. હવે સૂર્યકુમાર યાદવ રોહિત શર્મા સાથે ક્રિઝ પર છે. 31 ઓવર પછી ભારતનો સ્કોર 137/4 છે.
25 ઓવર બાદ ભારતે ત્રણ વિકેટ ગુમાવીને 100 રન બનાવ્યા છે. કેએલ રાહુલ 43 બૉલમાં 30 રન બનાવીને ક્રિઝ પર છે અને રોહિત શર્મા 69 બૉલમાં 57 રન બનાવીને ક્રિઝ પર છે. બંને વચ્ચે અત્યાર સુધી 60 રનની ભાગીદારી થઈ છે.
રોહિત શર્માએ પોતાની ODI કારકિર્દીની 54મી અડધી સદી 66 બૉલમાં ફટકારી છે. આ ટૂર્નામેન્ટમાં આ તેનો ત્રીજો 50+ સ્કૉર છે. તે ઓસ્ટ્રેલિયા સામે ખાતું પણ ખોલાવી શક્યો નહોતો. આ પછી તેણે પાકિસ્તાન સામે 86, અફઘાનિસ્તાન સામે 131, બાંગ્લાદેશ સામે 48 અને ન્યૂઝીલેન્ડ સામે 46 રન બનાવ્યા હતા. 24 ઓવર પછી ભારતનો સ્કૉર ત્રણ વિકેટે 89 રન છે. રોહિત હાલમાં 69 બૉલમાં 57 રન બનાવીને ક્રીઝ પર છે અને કેએલ રાહુલ 37 બૉલમાં 19 રન બનાવીને ક્રિઝ પર છે. બંને વચ્ચે અડધી સદીની ભાગીદારી રહી છે.
ભારતની ઈનિંગ્સની 20 ઓવર પૂરી થઈ ગઈ છે. ટીમે ત્રણ વિકેટે 74 રન બનાવ્યા છે. કેપ્ટન રોહિત શર્મા 44 અને કેએલ રાહુલ 16 રન બનાવીને અણનમ છે. રોહિત તેની 54મી અડધી સદીની નજીક છે. તેને રાહુલ સાથે ચોથી વિકેટ માટે 33 રનની ભાગીદારી કરી છે.
ભારતી ટીમનો સ્કૉર 16 ઓવરના અંતે 3 વિકેટના નુકસાને 55 રન પર પહોંચ્યો છે. અત્યારે ક્રિઝ પર કેપ્ટન રોહિત શર્મા 37 રન અને કેએલ રાહુલ 5 રન બનાવીને રમી રહ્યાં છે.
રોહિત શર્માને 16મી ઓવરમાં જીવનની લીઝ મળી હતી. આ ઓવરમાં માર્ક વુડ બૉલિંગ કરી રહ્યો હતો. પાંચમો બૉલ સીધો ગયો અને રોહિતના પેડ પર વાગ્યો. ફિલ્ડ એમ્પાયર એડ્રિયન હૉલ્ડસ્ટૉકે આઉટ જાહેર કર્યો. રોહિતે આના પર ડિસીઝન રિવ્યૂ સિસ્ટમનો ઉપયોગ કર્યો. ડીઆરએસ રિપ્લે દર્શાવે છે કે બૉલ લેગ સ્ટમ્પને અડે છે. આવી સ્થિતિમાં રોહિતને જીવનનો મોકો મળ્યો. રોહિતે તેના બીજા જ બૉલ પર એટલે કે 16મી ઓવરના છઠ્ઠા બૉલ પર ચોગ્ગો ફટકારીને બદલો લીધો. 16 ઓવર પછી ભારતનો સ્કૉર ત્રણ વિકેટે 55 રન છે. હાલમાં કેપ્ટન રોહિત શર્મા 50 બોલમાં 37 રન અને કેએલ રાહુલ પાંચ રન બનાવીને ક્રિઝ પર છે.
ભારતને ત્રીજો ઝટકો 12મી ઓવરમાં 40ના સ્કૉર પર લાગ્યો છે, શ્રેયસ અય્યર 16 બૉલમાં 4 રન બનાવીને પેવેલિયન ભેગો થયો છે. તે માર્ક વુડના હાથે ક્રિસ વૉક્સના હાથે કેચ આઉટ થયો હતો. શ્રેયસ ફરી એકવાર શૉર્ટ બૉલ પર આઉટ થયો હતો. આ તેની નબળાઈ છે અને તે આ ટૂર્નામેન્ટમાં સતત ઘણી વખત આ બૉલ પર આઉટ થયો છે. ન્યૂઝીલેન્ડ સામે પણ તે શૉર્ટ બૉલ પર આઉટ થયો હતો. શ્રેયસે શૉર્ટ બૉલ પુલ કરવાના પ્રયાસમાં પોતાની વિકેટ ગુમાવી દીધી હતી. 12 ઓવર પછી ભારતનો સ્કોર ત્રણ વિકેટે 40 રન છે. કેએલ રાહુલ રોહિતને સપોર્ટ કરવા આવ્યો છે.
ઇંગ્લેન્ડે પાવરપ્લેમાં એટલે કે પ્રથમ 10 ઓવરમાં શાનદાર બૉલિંગ કરી હતી. તેમને માત્ર 35 રન આપ્યા અને 2 વિકેટો લીધી. ક્રિસ વૉક્સે શુબમન ગીલ (9)ને ક્લિન બૉલ્ડ કર્યો હતો, જ્યારે ડેવિડ વિલીએ વિરાટ કોહલી (0)ને સ્ટૉક્સના હાથે કેચ કરાવ્યો હતો. હાલમાં રોહિત શર્મા 30 બૉલમાં 24 રન અને શ્રેયસ અય્યર બે રન બનાવીને ક્રિઝ પર છે.
ઇંગ્લિશ ટીમે ભારતીય ટીમને મોટો ઝટકો આપ્યો છે, સ્ટાર બેટ્સમેન વિરાટ કોહલી શૂન્ય રને પેવેલિયન ભેગો થયો છે. વિરાટ કોહલી 9 બૉલનો સામને કર્યા બાદ શૂન્ય રનના સ્કૉર પર ડેવિડ વિલીના બૉલ પર બેન સ્ટૉક્સને કેચ આપી બેઠો હતો. આ સાથે જ ભારતે બીજી વિકેટ ગુમાવી હતી. 7 ઓવરના અંતે ભારતીય ટીમનો સ્કૉર 2 વિકેટના નુકસાને 28 રન પર પહોંચ્યો છે. ક્રિઝ પર અત્યારે કેપ્ટન રોહિત શર્મા 18 રન અને શ્રેયસ અય્યર 0 રને છે.
ભારતીય ટીમની પ્રથમ ઝટકો લાગ્યો છે, ઇંગ્લિશ ફાસ્ટ બૉલર ક્રિસ વૉક્સે ભારતીય ઓપનર બેટ્સમેન શુભમન ગીલને ક્લિન બૉલ્ડ કરી દીધો. ગીલ 13 બૉલમાં એક ચોગ્ગા સાથે 9 રનના અંગત સ્કૉર પર પેવેલિયન ભેગો થયો હતો. ભારતીય ટીમ 4 ઓવરના અંતે એક વિકેટના નુકસાને 26 રન બનાવી શક્યુ છે. અત્યારે ક્રિઝ પર કેપ્ટન રોહિત શર્મા 17 રન અને વિરાટ કોહલી છે.
રોહિત શર્મા (કેપ્ટન), શુભમન ગીલ, વિરાટ કોહલી, શ્રેયસ ઐયર, કેએલ રાહુલ (વિકેટકીપર), સૂર્યકુમાર યાદવ, રવિન્દ્ર જાડેજા, મોહમ્મદ સિરાજ, મોહમ્મદ શમી, જસપ્રીત બુમરાહ, કુલદીપ યાદવ.
જૉની બેયરર્સ્ટો, ડેવિડ મલાન, જૉ રૂટ, બેન સ્ટૉક્સ, જૉસ બટલર (કેપ્ટન અને વિકેટકીપર), લિયામ લિવિંગસ્ટૉન, મોઈન અલી, ક્રિસ વૉક્સ, ડેવિડ વિલી, આદિલ રશીદ, માર્ક વુડ.
ભારત સામેની મેચમાં ઈંગ્લેન્ડના કેપ્ટન જૉસ બટલરે ટૉસ જીતીને પ્રથમ બૉલિંગ કરવાનો નિર્ણય લીધો છે. બટલરે પ્લેઈંગ-11માં કોઈ ફેરફાર કર્યો નથી. જોકે, આ મેચમાં ભારતીય કેપ્ટન રોહિત શર્માએ કહ્યું કે તેણે ટૉસ જીત્યા પછી પ્રથમ બેટિંગ કરવાનું પસંદ કર્યું હોત, કારણ કે ટીમે પીછો કરતી વખતે સારું પ્રદર્શન કર્યું છે. આવી સ્થિતિમાં ટીમ પોતાને પડકાર આપવા માંગીએ છીએ. રોહિતે પ્લેઈંગ 11માં કોઈ ફેરફાર કર્યો નથી, એટલે કે માત્ર સૂર્યકુમાર યાદવ અને શમી જ રમતા જોવા મળશે.
આજે ઇંગ્લેન્ડની ટીમની અગ્નિપરીક્ષા છે. ડિફેન્ડિંગ ચેમ્પિયન ટીમ માત્ર બે વખત નૉકઆઉટ સુધી પહોંચવામાં નિષ્ફળ રહી છે. 1992માં ઓસ્ટ્રેલિયા અને 1999માં શ્રીલંકા નૉકઆઉટ સ્ટેજ સુધી પહોંચવામાં સફળ ન હતી થઇ. જો ઈંગ્લેન્ડ આજની મેચ હારી જશે તો તે ટૂર્નામેન્ટમાંથી બહાર થઈ જશે તે નક્કી છે.
આઇસીસી વનડે વર્લ્ડકપ 2023માં આજે ભારતીય ટીમ પોતાની છઠ્ઠી મેચ ઇંગ્લિશ ટીમ સામે રમવા માટે મેદાનમાં ઉતરશે. વર્લ્ડકપ 2023માં ટીમ ઈન્ડિયા આજે પોતાની છઠ્ઠી મેચમાં ડિફેન્ડિંગ ચેમ્પિયન ઈંગ્લેન્ડનો સામનો થશે. આ ટૂર્નામેન્ટમાં ટીમ ઈન્ડિયા તેની તમામ પાંચ મેચ જીતીને પોઈન્ટ ટેબલમાં ટોપ પર છે. વળી, ઇંગ્લેન્ડની ટીમ આ ટૂર્નામેન્ટમાં પાંચમાંથી ચાર મેચ હારી છે. તે સેમિફાઇનલમાંથી બહાર થવાના આરે છે. તેના માટે હવે દરેક મેચ 'કરો યા મરો'ની સ્થિતિ છે. ઈંગ્લેન્ડને કોઈપણ કિંમતે ભારત સામે જીતવું જરૂરી છે. આવી સ્થિતિમાં તે સખત પ્રયાસ કરતી જોવા મળશે. ઉપરાછાપરી ત્રણ મેચો ખરાબ રીતે હાર્યા બાદ તેની આજની પ્લેઈંગ-11માં મોટા ફેરફારો થઈ શકે છે. જોકે, ઇંગ્લિશ ટીમે ગઇ મેચમાં પણ કેટલાક ફેરફારો કર્યા હતા પરંતુ તે ફેરફારો ટીમને ફાયદો પહોંચાડી શક્યા ન હતા. આવી સ્થિતિમાં ઇંગ્લેન્ડ ટીમ મેનેજમેન્ટ આજની મેચમાં કેટલાક અન્ય ફેરફારો પર ધ્યાન આપી શકે છે.
રોહિત શર્મા (કેપ્ટન), શુભમન ગીલ, વિરાટ કોહલી, શ્રેયસ અય્યર, કેએલ રાહુલ (વિકેટકીપર), સૂર્યકુમાર યાદવ, રવિન્દ્ર જાડેજા, કુલદીપ યાદવ, મોહમ્મદ શમી, જસપ્રીત બુમરાહ, મોહમ્મદ સિરાજ.
જૉની બેયરર્સ્ટો, ડેવિડ મલાન, જૉ રૂટ, બેન સ્ટૉક્સ, જૉસ બટલર (કેપ્ટન, વિકેટકીપર), હેરી બ્રૂક, લિયામ લિવિંગસ્ટોન, ક્રિસ વૉક્સ, ડેવિડ વિલી, ગુસ એટકિન્સન, આદિલ રશીદ.
આજે ઈંગ્લેન્ડની ટીમમાં માર્ક વૂડની જગ્યાએ ગુસ એટકિન્સનને સ્થાન મળી શકે છે. વળી, હેરી બ્રૂક મોઈન અલીની જગ્યાએ પ્લેઈંગ-11માં જોવા મળી શકે છે. જોકે, ઇંગ્લિશ ટીમમાં આ વર્લ્ડકપમાં જૉની બેયરર્સ્ટો અને લિયામ લિવિંગસ્ટોનનું પ્રદર્શન પણ ખરાબ રહ્યું છે, પરંતુ ઇંગ્લેન્ડની ટીમ મેનેજમેન્ટ ભારત સામેની મેચમાં આ બે આઇપીએલ સ્ટાર્સને બાકાત રાખવા માંગશે નહીં.
વર્લ્ડકપમાં ભારત-ઈંગ્લેન્ડની મેચ ક્યારેય એકતરફી રહી નથી. ઈતિહાસ બતાવે છે કે ઈંગ્લેન્ડ પાસે હજુ પણ વર્લ્ડકપમાં વધુ સારા આંકડા છે. 8 મેચમાંથી ભારતે 3માં જીત મેળવી છે, ઈંગ્લેન્ડે 4માં જીત મેળવી છે અને 1 મેચ ટાઈ રહી છે. વર્લ્ડકપમાં ભારતની છેલ્લી જીત 2003માં ઈંગ્લેન્ડ સામે થઈ હતી. 2011 વર્લ્ડકપમાં બંને વચ્ચેની મેચ ટાઈ રહી હતી, જ્યારે 2019ની એડિશનમાં ટીમ ઈન્ડિયા 31 રનથી હારી ગઈ હતી.
ઈંગ્લેન્ડના બેટ્સમેનો ખૂબ જ આક્રમક છે પરંતુ તેમણે એક યૂનિટ તરીકે સારું પ્રદર્શન કર્યું નથી. જૉસ બટલર, જૉની બેયરર્સ્ટો, બેન સ્ટૉક્સ, લિયામ લિવિંગસ્ટોન, હેરી બ્રૂક બધા મોટા નામ છે પરંતુ તેમાંથી કોઈ પણ પ્રદર્શન કરી શક્યું નથી. લખનઉના ટર્નિંગ ટ્રેક પર ઇંગ્લિશ બેટ્સમેનોએ પોતાની સ્ટાઈલ બદલવી પડશે, નહીં તો તેમને મુશ્કેલીનો સામનો કરવો પડી શકે છે.
શ્રેયસ અય્યર જે રીતે ધર્મશાલામાં ન્યૂઝીલેન્ડ સામે આઉટ થયો હતો, તેના કારણે શોર્ટ પિચ બૉલ સામે તેની નબળાઈ ફરી એકવાર ચર્ચામાં આવી છે. તે પોતાના ટીકાકારોને બેટથી જવાબ આપવા માંગશે. ડેન્ગ્યૂના કારણે પ્રથમ બે મેચમાંથી બહાર થઈ ગયેલા શુભમન ગિલ તરફથી પણ મોટી ઈનિંગની રાહ જોવાઈ રહી છે. કાનપુરનો રિસ્ટ સ્પિનર કુલદીપ ઇંગ્લેન્ડના ખેલાડીઓના બેટને શાંત રાખવાનું લક્ષ્ય રાખશે.
ભારતીય બેટ્સમેનોએ ટૂર્નામેન્ટમાં અત્યાર સુધી શાનદાર પ્રદર્શન કર્યું છે. ટીમ ટાર્ગેટનો પીછો કરવામાં માહિર સાબિત થઈ છે. કેપ્ટન રોહિત શર્માએ ભારતને શાનદાર શરૂઆત અપાવી છે, જ્યારે વિરાટ કોહલી શાનદાર ફોર્મમાં છે. કેએલ રાહુલનું પ્રદર્શન પણ શાનદાર રહ્યું છે. હાર્દિક પંડ્યાની ગેરહાજરીમાં સૂર્યકુમાર યાદવ છઠ્ઠા નંબર પર આવી શકે છે. ટૂર્નામેન્ટની તેની પ્રથમ મેચમાં કમનસીબે રનઆઉટ થયા બાદ તે અસરકારક ઇનિંગ રમવા માટે બેતાબ રહેશે.
શમીએ ન્યૂઝીલેન્ડ સામેની મેચમાં પાંચ વિકેટ ઝડપી હતી, જેના કારણે પ્લેઈંગ-111માં તેનું સ્થાન ચોક્કસ જણાય છે, એટલે કે બુમરાહ અને શમી આ મેચ માટે ફ્રન્ટલાઈન પેસર હશે. જ્યારે કુલદીપ યાદવ, રવિન્દ્ર જાડેજા અને આર. અશ્વિન સ્પિન વિભાગની જવાબદારી સંભાળી શકે છે.
આ મેચ માટે તમામની નજર ભારતના પ્લેઈંગ-11 પર પણ રહેશે. લખનઉની પીચ સ્પિનરો માટે યોગ્ય માનવામાં આવે છે. આવી સ્થિતિમાં અનુભવી રવિચંદ્રન અશ્વિનને ભારતની પ્લેઈંગ ઈલેવનમાં સામેલ કરી શકાય છે. અશ્વિન રમવાના કિસ્સામાં ફાસ્ટ બૉલર મોહમ્મદ સિરાજને બહાર બેસવું પડી શકે છે.
હવે ભારતીય ટીમ આજે (29 ઓક્ટોબર) ઈંગ્લેન્ડ સામે ટકરાવાની છે. ભારત અને ઈંગ્લેન્ડ વચ્ચેની મેચ લખનઉના ભારત રત્ન શ્રી અટલ બિહારી વાજપેયી ઈકાના ક્રિકેટ સ્ટેડિયમમાં રમાવાની છે. આ બ્લૉકબસ્ટર મેચ ભારતીય સમય અનુસાર બપોરે 2 વાગ્યે શરૂ થશે.
આઈસીસી ક્રિકેટ વર્લ્ડકપ 2023માં ટીમ ઈન્ડિયાનું પ્રદર્શન શાનદાર રહ્યું છે, આજે ફરી એકવાર ભારતીય ટીમ ઇંગ્લેન્ડ સામે મેદાનમાં ઉતરશે, આજે લખનઉના મેદાન પર બન્ને ટીમો આમને સામને ટકરાઇ રહી છે, જ્યાં ભારત છઠ્ઠી જીત હાંસલ કરવા પ્રયાસ કરશે, તો ડિફેન્ડિંગ ચેમ્પીયન ઇંગ્લેન્ડ આબરૂ બચાવવા જીત હાંસલ કરવાનો ટ્રાય કરશે.
બ્રેકગ્રાઉન્ડ
India vs England LIVE Score, World Cup 2023: આઈસીસી ક્રિકેટ વર્લ્ડકપ 2023માં ટીમ ઈન્ડિયાનું પ્રદર્શન શાનદાર રહ્યું છે, આજે ફરી એકવાર ભારતીય ટીમ ઇંગ્લેન્ડ સામે મેદાનમાં છે, આજે લખનઉના મેદાન પર બન્ને ટીમો આમને સામને ટકરાઇ રહી છે, જ્યાં ભારત છઠ્ઠી જીત હાંસલ કરવા પ્રયાસ કરશે, તો ડિફેન્ડિંગ ચેમ્પીયન ઇંગ્લેન્ડ આબરૂ બચાવવા જીત હાંસલ કરવાનો ટ્રાય કરશે.
- - - - - - - - - Advertisement - - - - - - - - -