IND vs IRE: ભારતે આયર્લેન્ડને 8 વિકેટે હરાવ્યું, રોહિતની ફિફ્ટી
T20 World Cup 2024, IND vs IRE: અહીં તમને ભારત અને આયર્લેન્ડ વચ્ચેની મેચનો લાઇવ સ્કોર અને મેચ સંબંધિત તમામ અપડેટ્સ મળશે.
2024 T20 વર્લ્ડ કપની પોતાની પ્રથમ મેચમાં ટીમ ઈન્ડિયાએ આયરલેન્ડને 8 વિકેટથી હરાવ્યું છે. આયર્લેન્ડે પ્રથમ બેટિંગ કરીને માત્ર 96 રન બનાવ્યા હતા. જવાબમાં ભારતીય ટીમે 13મી ઓવરમાં બે વિકેટ ગુમાવીને લક્ષ્યનો પીછો કરી લીધો હતો. ભારત તરફથી કેપ્ટન રોહિત શર્માએ 37 બોલમાં 52 રનની ઇનિંગ રમી હતી. જ્યારે રિષભ પંત 26 બોલમાં 36 રન બનાવીને અણનમ પરત ફર્યો હતો. જ્યારે બોલિંગમાં હાર્દિક પંડ્યાએ 3 વિકેટ ઝડપી હતી. આ સિવાય અર્શદીપ સિંહ અને જસપ્રિત બુમરાહને બે-બે સફળતા મળી છે.
11મી ઓવરમાં બોલ વાગવાને કારણે રોહિત શર્મા રિટાયર હર્ટ થઈ ગયો હતો. 11 ઓવરમાં ટીમ ઈન્ડિયાનો સ્કોર એક વિકેટે 85 રન થઈ ગયો છે. રિષભ પંત 22 બોલમાં 25 રન બનાવીને રમતમાં છે. તેણે બે ચોગ્ગા અને એક છગ્ગા ફટકાર્યા છે.
ટીમ ઈન્ડિયાએ ત્રીજી ઓવરમાં 22ના કુલ સ્કોર પર પ્રથમ વિકેટ ગુમાવી દીધી છે. કિંગ કોહલી પાંચ બોલમાં માત્ર એક રન બનાવીને આઉટ થયો હતો. તે થર્ડ મેન પર કેચ આઉટ થયો હતો. કોહલીને માર્ક એડેરે પેવેલિયન મોકલ્યો હતો.
16મી ઓવરમાં અર્શદીપ સિંહે 17 રન આપ્યા અને છેલ્લી વિકેટ રન આઉટના રૂપમાં પડી. આ રીતે આયરિશ ટીમ 96 રનમાં ઓલઆઉટ થઈ ગઈ હતી. આયર્લેન્ડના સાત બેટ્સમેન ડબલ ફિગર સુધી પણ પહોંચી શક્યા ન હતા. સાતમા નંબરે આવેલા ગેરેથ ડેલેનીએ સૌથી વધુ 26 રન બનાવ્યા હતા. ભારત તરફથી હાર્દિક પંડ્યાએ સૌથી વધુ 3 વિકેટ લીધી હતી. જ્યારે અર્શદીપ સિંહ અને જસપ્રિત બુમરાહને બે-બે સફળતા મળી.
77ના કુલ સ્કોર પર આયર્લેન્ડે 15મી ઓવરમાં 9મી વિકેટ ગુમાવી દીધી છે. જસપ્રિત બુમરાહે જોશુઆ લિટલને બોલ્ડ કર્યો હતો. તે 13 બોલમાં 14 રન બનાવીને આઉટ થયો હતો. બુમરાહની આ બીજી સફળતા છે.
મોહમ્મદ સિરાજે 10મી ઓવરમાં આયર્લેન્ડને છઠ્ઠો ઝટકો આપ્યો હતો. સિરાજે જ્યોર્જ ડોકરેલને આઉટ કર્યો. તે પાંચ બોલમાં માત્ર ત્રણ રન જ બનાવી શક્યો હતો. 10 ઓવર પછી આયર્લેન્ડનો સ્કોર 6 વિકેટે 49 રન છે. ગેરેથ ડેલાની અને માર્ક એડેર ક્રિઝ પર છે.
જસપ્રીત બુમરાહે 8મી ઓવરમાં આયર્લેન્ડને ચોથો ઝટકો આપ્યો હતો. આયર્લેન્ડે 36ના કુલ સ્કોર પર ચોથી વિકેટ ગુમાવી દીધી હતી. જસપ્રીત બુમરાહે હેરી ટેક્ટરને બાઉન્સર બોલ પર કેચ આઉટ કરાવ્યો હતો. તે 16 બોલમાં માત્ર ચાર રન જ બનાવી શક્યો હતો.
હાર્દિક પંડ્યાએ સાતમી ઓવરમાં આયર્લેન્ડને ત્રીજો ઝટકો આપ્યો હતો. આયર્લેન્ડે 28ના કુલ સ્કોર પર ત્રીજી વિકેટ ગુમાવી દીધી છે. હાર્દિકે લોરેન ટકરને બોલ્ડ કર્યો હતો. તે 13 બોલમાં બે ચોગ્ગાની મદદથી 10 રન બનાવીને આઉટ થયો હતો.
4 ઓવર પછી આયર્લેન્ડનો સ્કોર બે વિકેટે 13 રન છે. સિરાજે ફરી ચાર રનની ઓવર ફેંકી. લોરેન ટકરે ક્રિએટિવ શોટ રમીને સિરાજની ઓવરમાં ફોર ફટકારી હતી. ઝડપી બોલરોને પિચમાંથી ઘણી મદદ મળી રહી છે.
પોલ સ્ટર્લિંગ (કેપ્ટન), એન્ડ્રુ બાલબિર્ની, લોર્કન ટકર (વિકેટકીપર), હેરી ટેક્ટર, કર્ટિસ કેમ્ફર, જ્યોર્જ ડોકરેલ, ગેરેથ ડેલાની, માર્ક એડેર, બેરી મેકકાર્થી, જોશુઆ લિટલ અને બેન્જામિન વ્હાઇટ.
રોહિત શર્મા (કેપ્ટન), વિરાટ કોહલી, ઋષભ પંત (વિકેટકીપર), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, જસપ્રિત બુમરાહ, અર્શદીપ સિંહ અને મોહમ્મદ સિરાજ.
ભારતીય કેપ્ટન રોહિત શર્માએ ટોસ જીતીને પહેલા બોલિંગ કરવાનો નિર્ણય લીધો છે. કુલદીપ યાદવ, યુઝવેન્દ્ર ચહલ, સંજુ સેમસન અને યશસ્વી જયસ્વાલ રમી રહ્યા નથી. અક્ષર પટેલ અને રવિન્દ્ર જાડેજા સાથે ટીમ ઈન્ડિયાની એન્ટ્રી થઈ છે. આયર્લેન્ડની ટીમ પ્રથમ બેટિંગ કરશે.
બ્રેકગ્રાઉન્ડ
ICC Mens T20 World Cup 2024, India vs Ireland: ભારતીય ટીમ T20 વર્લ્ડકપ 2024ની પ્રથમ મેચ આજે એટલે કે બુધવાર, 5 જૂને ન્યૂયોર્કના નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં રમશે. આ મેચ સ્થાનિક એટલે કે ન્યૂયોર્કના સમય અનુસાર સવારે 10:30 વાગ્યે શરૂ થશે, જ્યારે ભારતમાં મેચ રાત્રે 8 વાગ્યાથી જોવા મળશે. ટીમ ઈન્ડિયા આ પ્રથમ મેચ માટે ખૂબ જ રોચક પ્લેઈંગ ઈલેવન પસંદ કરી શકે છે. જાણો અહીં આયરલેન્ડ સામે ટીમ ઈન્ડિયાની પ્લેઈંગ ઈલેવન કઈ હોઈ શકે છે.
રોહિત શર્માની સાથે ઓપનિંગ કરી શકે છે કોહલી
સૌથી પહેલા વિરાટ કોહલી ઓપનિંગમાં રોહિત શર્મા સાથે જોવા મળી શકે છે. યશસ્વી જાયસ્વાલ આ મેચમાં બહાર થઈ શકે છે. જોકે જાયસ્વાલ ટીમમાં મુખ્ય ઓપનર તરીકે રમે છે. હવે આવી સ્થિતિમાં ટીમ કઇ જોડી સાથે ઓપનિંગમાં દેખાય છે તે જોવું રસપ્રદ રહેશે. સંજૂ સેમસન બાંગ્લાદેશ સામે રમાયેલી વોર્મ અપ મેચમાં રોહિત શર્મા સાથે ઓપનિંગ કરતો જોવા મળ્યો હતો. જોકે વિરાટ કોહલી તે વોર્મ-અપ મેચનો ભાગ નહોતો.
- - - - - - - - - Advertisement - - - - - - - - -