IND vs NZ 2nd Test Day 1: પ્રથમ દિવસની રમત પૂર્ણ, ભારતના 16/1, વૉશિંગટન સુંદરના નામે રહ્યો પહેલો દિવસ
India Vs New Zealand 2nd Test: ભારતીય ટીમ હાલમાં ન્યૂઝીલેન્ડ સામે ઘરઆંગણે 3 મેચની ટેસ્ટ શ્રેણી રમી રહી છે.
ટીમ ઈન્ડિયા અને ન્યૂઝીલેન્ડ વચ્ચે બીજી મેચ પુણેના મહારાષ્ટ્ર ક્રિકેટ એસોસિએશન (MCA) સ્ટેડિયમમાં રમાઈ રહી છે. આ મેચમાં ન્યૂઝીલેન્ડના કેપ્ટન ટોમ લાથમે ટોસ જીતીને પ્રથમ બેટિંગ કરવાનો નિર્ણય કર્યો હતો. ન્યૂઝીલેન્ડે પ્રથમ દાવમાં 259 રન બનાવ્યા હતા. ભારત તરફથી વોશિંગ્ટન સુંદરે સાત વિકેટ ઝડપી હતી. જવાબમાં, ભારતે પ્રથમ દિવસે (24 ઓક્ટોબર) સ્ટમ્પ સુધી એક વિકેટના નુકસાને 16 રન બનાવ્યા હતા. શુભમન ગિલ 10 અને યશસ્વી જયસ્વાલ 5 રન બનાવીને અણનમ છે.
જો જોવામાં આવે તો ન્યૂઝીલેન્ડની ટીમ આ મેદાન પર પોતાની પ્રથમ ટેસ્ટ રમવા આવી છે. વર્તમાન સીરીઝની પ્રથમ મેચ 16 ઓક્ટોબરથી બેંગલુરુમાં રમાઈ હતી, જેમાં રોહિત શર્માની કેપ્ટનશીપમાં ભારતીય ટીમનો 8 વિકેટે પરાજય થયો હતો. પ્રથમ ટેસ્ટ જીતીને કિવી ટીમે શ્રેણીમાં 1-0ની સરસાઈ મેળવી લીધી છે.
ન્યુઝીલેન્ડની ટીમ પુણે ટેસ્ટના પ્રથમ દાવમાં 259 રનના સ્કોર પર ઓલઆઉટ થઈ ગઈ છે. વોશિંગ્ટન સુંદરે ભારત માટે ઘાતક બોલિંગ કરી છે. તેણે 23.1 ઓવરમાં 59 રન આપીને 7 વિકેટ લીધી છે. ન્યૂઝીલેન્ડ તરફથી ડેવોન કોનવે અને રચિન રવિન્દ્રએ સારું પ્રદર્શન કર્યું હતું. કોનવેએ 141 બોલનો સામનો કર્યો અને 76 રન બનાવ્યા. રવિન્દ્રએ 65 રનનું યોગદાન આપ્યું હતું. મિશેલ સેન્ટનર 33 રન બનાવીને આઉટ થયો હતો. ટોમ લાથમ 15 રન બનાવીને આઉટ થયો હતો.
ભારતીય ટીમને પાંચમી સફળતા મળી છે. રચિન રવિન્દ્ર બાદ વોશિંગ્ટન સુંદરે ટોમ બ્લંડેલને બોલ્ડ કર્યો હતો. હવે ન્યૂઝીલેન્ડનો સ્કોર 5 વિકેટે 201 રન છે. રવિ અશ્વિન ભારત માટે અત્યાર સુધીનો સૌથી સફળ બોલર રહ્યો છે. રવિ અશ્વિનને 3 સફળતા મળી છે. જ્યારે વોશિંગ્ટન સુંદરે 2 વિકેટ પોતાના નામે કરી છે.
ભારતીય ટીમને ચોથી સફળતા મળી છે. વોશિંગ્ટને રચિન રવિન્દ્રને બોલ્ડ આઉટ કર્યો હતો. રચિન રવિન્દ્રએ 65 રન બનાવ્યા હતા. હવે ન્યૂઝીલેન્ડનો સ્કોર 4 વિકેટે 197 રન છે. ન્યૂઝીલેન્ડ તરફથી ડેરીલ મિશેલ અને ટોમ બ્લંડેલ ક્રિઝ પર છે.
ન્યૂઝીલેન્ડનો સ્કોર 3 વિકેટે 197 રન છે. રચિન રવિન્દ્ર 65 રન કરીને રમી રહ્યો છે. જ્યારે ડેરીલ મિશેલે 15 રન બનાવ્યા છે. બંને ખેલાડીઓ વચ્ચે 59 રનની ભાગીદારી થઈ છે.
રચિન રવિન્દ્રએ શાનદાર બેટિંગ કરતાં અડધી સદી ફટકારી છે. તે 94 બોલમાં 55 રન બનાવીને રમી રહ્યો છે. મિશેલ 14 રન બનાવીને રમી રહ્યો છે. ન્યૂઝીલેન્ડે 56 ઓવરમાં 3 વિકેટ ગુમાવીને 185 રન કર્યા છે.
ન્યૂઝીલેન્ડે 55 ઓવરમાં 3 વિકેટ ગુમાવીને 174 રન બનાવ્યા છે. રચિન રવિન્દ્ર પોતાની અડધી સદીની નજીક પહોંચી ગયો છે. તે 90 બોલમાં 45 રન બનાવીને રમી રહ્યો છે. મિશેલ 13 રન બનાવીને રમી રહ્યો છે.
ન્યૂઝીલેન્ડે 35 ઓવરમાં 2 વિકેટ ગુમાવીને 113 રન બનાવ્યા છે. કોનવે 60 રન બનાવીને રમી રહ્યો છે. રચિન રવિન્દ્ર 13 રન બનાવીને રમી રહ્યો છે. અત્યાર સુધી માત્ર અશ્વિનને જ 2 વિકેટ મળી છે.
ન્યૂઝીલેન્ડ તરફથી ડેવોન કોનવેએ અડધી સદી ફટકારી હતી. તે 114 બોલનો સામનો કરીને 59 રન કરીને રમી રહ્યો છે. કોનવેએ 8 ચોગ્ગા પણ ફટકાર્યા છે. રચિન રવિન્દ્રએ 5 ચોગ્ગા ફટકાર્યા છે. ન્યૂઝીલેન્ડનો સ્કોર 100 રનને પાર કરી ગયો છે. ટીમે 32 ઓવરમાં 104 રન બનાવ્યા છે.
ભારતીય ટીમને બીજી સફળતા મળી છે. રવિ અશ્વિને વિલ યંગને આઉટ કર્યો હતો. હવે ન્યૂઝીલેન્ડનો સ્કોર 2 વિકેટે 76 રન છે. ભારત તરફથી અત્યાર સુધી રવિ અશ્વિને બંને વિકેટ લીધી છે.
ન્યૂઝીલેન્ડનો સ્કોર 1 વિકેટે 64 રન છે. ડ્વેન કોનવે 31 રન કરીને રમી રહ્યો છે. જ્યારે વિલ યંગે 15 રન બનાવ્યા છે. ડ્વેન કોનવે અને વિલ યંગ વચ્ચે 32 રનની ભાગીદારી છે. ન્યૂઝીલેન્ડને પહેલો ફટકો 32 રનના સ્કોર પર લાગ્યો હતો.
ભારતીય ટીમને પ્રથમ સફળતા મળી છે. રવિ અશ્વિને કિવિ કેપ્ટન ટોમ લાથમને આઉટ કર્યો હતો. ટોમ લાથમે 15 રન બનાવ્યા હતા. હવે ન્યૂઝીલેન્ડનો સ્કોર 1 વિકેટે 32 રન છે. હાલમાં ન્યૂઝીલેન્ડ તરફથી ડ્વેન કોનવે અને વિલ યંગ ક્રિઝ પર છે.
ભારતની પ્લેઈંગ ઈલેવન - યશસ્વી જયસ્વાલ, રોહિત શર્મા (કેપ્ટન), શુભમન ગિલ, વિરાટ કોહલી, ઋષભ પંત (વિકેટકીપર), સરફરાઝ ખાન, રવિન્દ્ર જાડેજા, વોશિંગ્ટન સુંદર, રવિચંદ્રન અશ્વિન, આકાશ દીપ અને જસપ્રીત બુમરાહ.
ભારત અને ન્યૂઝીલેન્ડ વચ્ચે પુણેમાં બીજી ટેસ્ટ રમાઈ રહી છે. ન્યૂઝીલેન્ડના કેપ્ટન ટોમ લાથમે ટોસ જીતીને બેટિંગ કરવાનો નિર્ણય લીધો છે. ભારતીય ટીમે પ્લેઈંગ ઈલેવનમાં 3 ફેરફાર સાથે પ્રવેશ કર્યો છે. મોહમ્મદ સિરાજ, કેએલ રાહુલ અને કુલદીપ યાદવને પ્લેઈંગ ઈલેવનમાં બહાર કરવામાં આવ્યા છે જ્યારે આકાશદીપ, શુભમન ગિલ અને વોશિંગ્ટન સુંદરનો પ્લેઈંગ ઈલેવનમાં સમાવેશ કરવામાં આવ્યો છે. મેટ હેનરીના સ્થાને કિવી ટીમમાં મિશેલ સેન્ટનરનો સમાવેશ કરવામાં આવ્યો છે.
બ્રેકગ્રાઉન્ડ
India Vs New Zealand 2nd Test: ભારતીય ટીમ હાલમાં ન્યૂઝીલેન્ડ સામે ઘરઆંગણે 3 મેચની ટેસ્ટ શ્રેણી રમી રહી છે. તેની બીજી મેચ આજથી (24 ઓક્ટોબર) પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાશે. આ મેચ સવારે 9.30 કલાકે શરૂ થશે. પ્રથમ ટેસ્ટ જીતીને કિવી ટીમે સીરિઝમાં 1-0ની લીડ મેળવી લીધી છે.
રોહિત શર્માની કેપ્ટનશીપ હેઠળની ભારતીય ટીમ પ્રથમ મેચમાં મળેલી હારથી ખૂબ જ દુઃખી છે. જો રોહિત બ્રિગેડ ન્યૂઝીલેન્ડ સામેની સીરીઝમાં વાપસી કરવા માંગે છે તો તેણે બીજી મેચમાં પરફેક્ટ પ્લેઈંગ-11ની પસંદગી કરવી પડશે.
- - - - - - - - - Advertisement - - - - - - - - -