IND vs PAK LIVE Score, T20 World Cup 2024: ટી20 વર્લ્ડ કપ 2024ની સૌથી મોટી મેચ શરૂ થવામાં માત્ર થોડી મિનિટો બાકી છે. આ મેચની ટોસ સાંજે 7.30 વાગ્યે થશે અને મેચ 8 વાગ્યે શરૂ થશે. ચાહકો આ મેચની આતુરતાથી રાહ જોઈ રહ્યા હતા.
ભારત અને પાકિસ્તાન વચ્ચેની મેચ ન્યૂયોર્કના નાસાઉ ઈન્ટરનેશનલ ક્રિકેટ સ્ટેડિયમમાં રમાશે. અહીંની પીચ ઝડપી બોલરો માટે મદદરૂપ દેખાઈ રહી છે અને બેટિંગ કરવી ઘણી મુશ્કેલ દેખાઈ રહી છે. જો કે આ મેચમાં પિચ એકદમ અલગ જોવા મળશે. વાસ્તવમાં ICCએ અહીં રમાયેલી બે મેચ બાદ પિચમાં ફેરફાર કરવા અંગે નિવેદન આપ્યું હતું.
આ મેચ પહેલા કેનેડા અને આયર્લેન્ડ વચ્ચે નાસાઉ ઈન્ટરનેશનલ ક્રિકેટ સ્ટેડિયમમાં મેચ રમાઈ હતી. તે સમયે અહીંની પિચમાં ઘણો બદલાવ જોવા મળ્યો હતો. જોકે, મેચ હજુ પણ લો સ્કોરિંગ રહી હતી.