IND vs SA 2nd T20: દક્ષિણ આફ્રિકાએ ભારતને 3 વિકેટે હરાવ્યું, સિરીઝ 1-1થી બરાબર

IND vs SA 2nd T20 Live Score: ટી20 શ્રેણીની બીજી મેચ ભારત અને દક્ષિણ આફ્રિકા વચ્ચે આજે રમાશે. તમે આ મેચ સંબંધિત લાઇવ અપડેટ્સ અહીં વાંચી શકો છો.

બ્રેકગ્રાઉન્ડ

IND vs SA 2nd T20 Score Live Updates: ભારત અને દક્ષિણ આફ્રિકા વચ્ચે T20 શ્રેણીની બીજી મેચ ગકેબેરહામાં રમાશે. ટીમ ઈન્ડિયાએ શ્રેણીની પ્રથમ મેચ શાનદાર અંદાજમાં જીતી હતી. સંજુ સેમસને સદી ફટકારી હતી. તેથી ભારતીય ટીમની પ્લેઈંગ ઈલેવનમાં કોઈ ફેરફારની અપેક્ષા નથી. દક્ષિણ આફ્રિકાને તેની જ ધરતી પર હારનો સામનો કરવો પડ્યો હતો. આ વખતે તે કમબેક કરવાના ઈરાદા સાથે મેદાનમાં ઉતરશે. જોકે બીજી મેચ પણ તેના માટે આસાન નહીં હોય.અભિષેક શર્મા ટીમ ઈન્ડિયા માટે સંજુ સેમસન સાથે ઓપનિંગ કરી શકે છે. અભિષેક પહેલી મેચમાં કંઈ ખાસ કરી શક્યો નહોતો. જો કે, તેમને હજુ પણ તક આપી શકાય છે. કેપ્ટન સૂર્યા ત્રીજા નંબર પર બેટિંગ કરવા આવી શકે છે. પ્લેઈંગ ઈલેવનમાં હાર્દિક પંડ્યા અને રિંકુ સિંહનું સ્થાન લગભગ નિશ્ચિત છે. બોલિંગ આક્રમણમાં અર્શદીપ સિંહ, વરુણ ચક્રવર્તી અને અવેશ ખાનને સ્થાન મળી શકે છે.

10/11/2024 23:27:56

દક્ષિણ આફ્રિકાએ બીજી T20 મેચમાં ભારતને 3 વિકેટે હરાવ્યું

IND vs SA 2nd T20 Match Report: દક્ષિણ આફ્રિકાએ બીજી T20 મેચમાં ભારતને 3 વિકેટે હરાવ્યું છે. આ સાથે આફ્રિકાએ ચાર ટી20 મેચોની શ્રેણી એક પોઈન્ટથી બરાબર કરી લીધી છે. આ લો સ્કોરિંગ મેચમાં પ્રથમ બેટિંગ કરતા ભારતીય ટીમે નિર્ધારિત 20 ઓવરમાં 124 રન બનાવ્યા હતા. જવાબમાં યજમાન દક્ષિણ આફ્રિકાએ 6 બોલ બાકી રહેતા ટાર્ગેટ હાંસલ કરી લીધો હતો. ટ્રિસ્ટન સ્ટબ્સ અને ગેરાલ્ડ કોએત્ઝીએ યજમાન આફ્રિકાની જીતમાં સૌથી મહત્વપૂર્ણ યોગદાન આપ્યું હતું.

આજની મેચમાં ભારતીય ટીમ માટે અભિષેક શર્મા ફરી નિષ્ફળ રહ્યો હતો, જે માત્ર 4 રન બનાવી શક્યો હતો. છેલ્લી મેચમાં સદી ફટકારનાર સંજુ સેમસન આ મુકાબલામાં શૂન્યના સ્કોર પર આઉટ થયો હતો. કેપ્ટન સૂર્યકુમાર યાદવના બેટમાંથી માત્ર 4 રન આવ્યા હતા. તિલક વર્માએ ફરી શરૂઆત મેળવી, પરંતુ 20 રનને મોટી ઇનિંગમાં બદલી શક્યો નહીં. ભારત તરફથી હાર્દિક પંડ્યાએ સૌથી વધુ રન બનાવ્યા હતા, પરંતુ 45 બોલમાં 39 રન ફટકારવા બદલ તે ઘણો ટ્રોલ થયો હતો.

10/11/2024 22:34:40

વરુણ ચક્રવર્તીએ દક્ષિણ આફ્રિકાને વધુ એક ઝટકો આપ્યો

વરુણ ચક્રવર્તીએ ભારતને વધુ એક વિકેટ અપાવી છે. તેણે હેનરિક ક્લાસેનને આઉટ કર્યો છે. ક્લાસેન 2 રન બનાવીને આઉટ થયો હતો. દક્ષિણ આફ્રિકાએ 12.1 ઓવરમાં 66 રન બનાવી લીધા છે. તેને જીતવા માટે 59 રનની જરૂર છે.

10/11/2024 23:27:22

દક્ષિણ આફ્રિકાને ત્રીજો ઝટકો

દક્ષિણ આફ્રિકાની ત્રીજી વિકેટ પડી. રીઝા હેન્ડ્રીક્સ 24 રન બનાવીને આઉટ થયો હતો. વરુણ ચક્રવર્તીએ તેને પેવેલિયનનો રસ્તો બતાવ્યો. દક્ષિણ આફ્રિકાએ 7.4 ઓવરમાં 44 રન બનાવ્યા છે.

10/11/2024 22:00:07

દક્ષિણ આફ્રિકા 5 ઓવર પછી 33/1

5 ઓવર પછી દક્ષિણ આફ્રિકાએ એક વિકેટના નુકસાને 33 રન બનાવી લીધા છે. રીઝા હેન્ડ્રિક્સે 17 રન અને કેપ્ટન એઈડન માર્કરમે 3 રન બનાવ્યા છે. આફ્રિકન ટીમને હજુ 15 ઓવરમાં જીતવા માટે 92 રન બનાવવાના છે.

10/11/2024 21:16:15

ભારતે દક્ષિણ આફ્રિકાને 125 રનનો ટાર્ગેટ આપ્યો

ભારતે દક્ષિણ આફ્રિકાને જીતવા માટે 125 રનનો ટાર્ગેટ આપ્યો હતો. ભારતની શરૂઆત ખરાબ રહી હતી. ઓપનર સંજુ સેમસન શૂન્ય રને આઉટ થયો હતો. અભિષેક શર્મા 4 રન બનાવીને આઉટ થયો હતો. સૂર્યા પણ 4 રન બનાવીને પેવેલિયન પરત ફર્યો હતો. હાર્દિક પંડ્યાએ અણનમ 39 રન બનાવ્યા હતા. અક્ષર પટેલે 27 રન બનાવ્યા હતા. તિલક વર્માએ 20 રન બનાવ્યા હતા. આ રીતે ભારતે 20 ઓવરમાં 6 વિકેટ ગુમાવીને 124 રન બનાવ્યા હતા.

10/11/2024 20:57:40

ભારતે 16 ઓવરમાં 93 રન બનાવ્યા

ટીમ ઈન્ડિયાએ 16 ઓવરમાં 6 વિકેટ ગુમાવીને 93 રન બનાવ્યા હતા. હાર્દિક પંડ્યા 14 રન બનાવીને રમી રહ્યો છે. અર્શદીપ સિંહ 6 રન બનાવીને રમી રહ્યો છે.

10/11/2024 20:57:03

ભારતને ચોથો ઝટકો

ભારતની ચોથી વિકેટ તિલક વર્માના રૂપમાં પડી. તે 20 રન બનાવીને આઉટ થયો હતો. એડન માર્કરમે તેને પેવેલિયનનો રસ્તો બતાવ્યો હતો. ભારતે 8 ઓવરમાં 4 વિકેટ ગુમાવીને 45 રન બનાવ્યા હતા.

10/11/2024 20:00:34

ટીમ ઈન્ડિયાને ત્રીજો ઝટકો, સૂર્યકુમાર યાદવ આઉટ

ભારતની ત્રીજી વિકેટ કેપ્ટન સૂર્યકુમાર યાદવના રૂપમાં પડી. તે 4 રન બનાવીને પેવેલિયન પરત ફર્યો હતો. સિમલને તેને પેવેલિયનનો રસ્તો બતાવ્યો. ટીમ ઈન્ડિયાએ 4 ઓવરમાં 3 વિકેટ ગુમાવીને 15 રન બનાવ્યા હતા.

10/11/2024 19:44:59

ભારતના બન્ને ઓપનર પેવેલિયન પરત ફર્યા

ભારતની બીજી વિકેટ પડી. અભિષેક શર્મા 4 રન બનાવીને આઉટ થયો હતો. કોએત્ઝીએ તેને પેવેલિયનનો રસ્તો બતાવ્યો. ભારતે 1.5 ઓવરમાં 2 વિકેટ ગુમાવીને 5 રન બનાવી લીધા છે. આ પહેલા સંજુ ખાતુ ખોલાવ્યા વિના આઉટ થયો હતો.

10/11/2024 19:15:32

સાઉથ આફ્રિકા પ્લેઈંગ ઈલેવન

 એડન માર્કરમ (કેપ્ટન), રેયાન રિકલ્ટન, રીઝા હેન્ડ્રિક્સ, ટ્રિસ્ટન સ્ટબ્સ, હેનરિક ક્લાસેન (વિકેટકીપર), ડેવિડ મિલર, માર્કો યાન્સેન, એન્ડીલે સિમેલેન, ગેરાલ્ડ કોત્ઝી, કેશવ મહારાજ અને કબાયોમઝી પીટર.

 

10/11/2024 19:11:52

ભારતે પ્લેઈંગ ઈલેવનમાં કોઈ ફેરફાર કર્યો નથી

ભારતે પ્લેઈંગ ઈલેવનમાં કોઈ ફેરફાર કર્યો નથી. તેથી સંજુ સેમસન અભિષેક શર્મા સાથે ઓપનિંગ કરશે.

ભારતની પ્લેઈંગ ઈલેવન: સંજુ સેમસન (વિકેટકીપર), અભિષેક શર્મા, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, રિંકુ સિંહ, અક્ષર પટેલ, અર્શદીપ સિંહ, રવિ બિશ્નોઈ, વરુણ ચક્રવર્તી, આવેશ ખાન.

 

10/11/2024 19:09:51

દક્ષિણ આફ્રિકાએ ટોસ જીતીને બોલિંગ લીધી

દક્ષિણ આફ્રિકાએ ભારત સામે ટોસ જીતીને પ્રથમ બોલિંગ કરવાનો નિર્ણય લીધો હતો. ટીમ ઈન્ડિયા પ્રથમ બેટિંગ કરવા મેદાનમાં ઉતરશે.