IND vs SA 2nd T20I Indian Team Playing XI: ભારત અને દક્ષિણ આફ્રિકા વચ્ચે ચાર મેચની T20 સિરીઝ રમાઈ રહી છે. સિરીઝની પ્રથમ મેચ ટીમ ઈન્ડિયા જીતી ચૂકી છે. હવે બીજી T20 આજે એટલે કે 10 નવેમ્બર (રવિવાર)ના રોજ ગકબેરાહના સેન્ટ જ્યોર્જ પાર્કમાં રમાશે. મેચમાં ટીમ ઈન્ડિયા જીતનું મોમેન્ટમ જાળવી રાખવા માંગશે. તો શું પ્રથમ T20માં શતક ફટકારનાર સંજુ સેમસન બીજી મેચમાંથી બહાર થશે? ચાલો જાણીએ બીજી T20માં ભારતની સંભવિત પ્લેઇંગ ઇલેવન.
આફ્રિકા સામે બીજી T20માં ભારતની પ્લેઇંગ ઇલેવન
ઓપનિંગમાં સંજુ સેમસન અને અભિષેક શર્મા એકવાર ફરી દેખાઈ શકે છે. સંજુએ પ્રથમ T20માં શાનદાર શતકીય ઇનિંગ્સ રમી હતી. જ્યારે અભિષેક શર્મા પ્રથમ મેચમાં ઓછા સ્કોરમાં આઉટ થયા હતા. જોકે તેમને બીજી T20માં એકવાર ફરી તક મળી શકે છે.
મિડલ ઓર્ડરની શરૂઆત એકવાર ફરી કેપ્ટન સૂર્યકુમાર યાદવ સાથે થઈ શકે છે અને નંબર ચાર પર તિલક વર્મા દેખાઈ શકે છે. પાંચમા ક્રમે ઓલરાઉન્ડર હાર્દિક પંડ્યા રમી શકે છે. ત્યારબાદ છઠ્ઠા ક્રમે ફિનિશર રિંકુ સિંહ દેખાઈ શકે છે. પછી સાતમા ક્રમે રમતા ઓલરાઉન્ડર અક્ષર પટેલની જગ્યાએ રમનદીપ સિંહને તક મળી શકે છે.
બોલિંગ એટેકમાં થઈ શકે છે ફેરફાર
બોલિંગ એટેકમાં સ્પિનર રવિ બિશ્નોઈ આઠમા ક્રમે અને મિસ્ટ્રી સ્પિનર વરુણ ચક્રવર્તી નવમા ક્રમે દેખાઈ શકે છે. જોકે ટીમ ઈન્ડિયા બીજી T20માં ત્રણ ફાસ્ટ બોલર સાથે પણ જઈ શકે છે. આવા કિસ્સામાં બિશ્નોઈની જગ્યાએ યશ દયાલ પ્લેઇંગ ઇલેવનનો ભાગ બની શકે છે, જેનાથી તેમને ડેબ્યૂ કરવાની તક મળી શકે છે. આ ઉપરાંત અર્શદીપ સિંહ અને આવેશ ખાન ફાસ્ટ બોલર તરીકે દેખાઈ શકે છે.
પ્રથમ T20 મેચમાં ટીમ ઈન્ડિયાના બોલરો ખાસ કરીને વરુણ ચક્રવર્તી અને રવિ બિશ્નોઈએ શાનદાર પ્રદર્શન કર્યું હતું. રવિ અને વરુણે ત્રણ-ત્રણ વિકેટ લીધી હતી. આવી સ્થિતિમાં સુકાની સૂર્યકુમાર બોલિંગ કોમ્બિનેશનમાં કોઈ ફેરફાર કરવા ઈચ્છતો નથી. જો બોલિંગ યુનિટમાં કોઈ ફેરફાર થશે તો લેફ્ટ આર્મ ફાસ્ટ યશ દયાલને ડેબ્યૂ કરવાની તક મળી શકે છે. આવી સ્થિતિમાં અવેશ ખાને આ મેચમાંથી બહાર રહેવું પડશે. અવેશે પ્રથમ T20માં 2 વિકેટ ઝડપી હતી, પરંતુ તે થોડો મોંઘો સાબિત થયો હતો.
બીજી T20માં ભારતની સંભવિત પ્લેઇંગ ઇલેવન
અભિષેક શર્મા, સંજુ સેમસન (વિકેટકીપર), સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, રિંકુ સિંહ, અક્ષર પટેલ/રમનદીપ સિંહ, રવિ બિશ્નોઈ/યશ દયાલ, વરુણ ચક્રવર્તી, અર્શદીપ સિંહ, આવેશ ખાન.
આ પણ વાંચોઃ