IND vs SA 5th T20 Live: ભારતે દક્ષિણ આફ્રિકાને 232 રનનો આપ્યો લક્ષ્યાંક, હાર્દિકની વિસ્ફોટક બેટિંગ

IND vs SA 5th T20: અહીં તમને ભારત અને દક્ષિણ આફ્રિકા વચ્ચેની પાંચમી T20 મેચનો લાઈવ સ્કોર અને તમામ અપડેટ્સ મળશે.

બ્રેકગ્રાઉન્ડ

IND vs SA 5th T20 Live Cricket Score: આજે ભારત અને દક્ષિણ આફ્રિકા વચ્ચે પાંચમી અને સીરીઝની અંતિમ ટી20 મેચ અમદાવાદમાં રમાશે, સાંજે 7 વાગ્યે મેચ શરૂ થશે પરંતુ આ પહેલા જાણી લઇએ કે શું લખનઉ જેવું વાતાવરણ અમદાવાદમાં રહેશે કે પછી બદલાશે ? ભારતીય ટીમ દક્ષિણ આફ્રિકા સામેની પાંચ મેચની T20 સીરીઝમાં 2-1થી આગળ છે. લખનઉમાં રમાયેલી ચોથી મેચ ભારે ધુમ્મસને કારણે શરૂ થઈ શકી ન હતી, જેના કારણે તેને રદ કરવી પડી હતી. હવે, ચાહકોને ડર છે કે અમદાવાદના નરેન્દ્ર મોદી ક્રિકેટ સ્ટેડિયમમાં રમાનારી પાંચમી મેચમાં પણ આવું જ થઈ શકે છે. મેચ દરમિયાન ત્યાં હવામાન કેવું રહેશે તે જાણો.પાંચ મેચની T20 સીરીઝની પહેલી મેચ કટકમાં રમાઈ હતી, જેમાં ટીમ ઈન્ડિયાએ 101 રનથી જીત મેળવી હતી. બીજી મેચ ન્યૂ ચંદીગઢમાં રમાઈ હતી, જેમાં દક્ષિણ આફ્રિકાએ 51 રનથી જીત મેળવી હતી. ભારતે ધર્મશાળામાં 7 વિકેટથી જીત મેળવીને શ્રેણીમાં ફરી એકવાર લીડ મેળવી હતી. બુધવારે લખનૌના એકાના ખાતે યોજાનારી ચોથી મેચ ભારે ધુમ્મસને કારણે શરૂ થઈ શકી ન હતી. ટોસ પણ થયો ન હતો. હવે, ભારત પાંચમી મેચ જીતીને શ્રેણી 3-1થી જીતવા પર ધ્યાન કેન્દ્રિત કરશે, જ્યારે મુલાકાતી ટીમ આ મેચ જીતીને શ્રેણીનો અંત ડ્રોમાં કરી શકે છે.શુક્રવારે અમદાવાદમાં હવામાન કેવું રહેશે?ચાહકો જાણવા માંગે છે કે ભારત અને દક્ષિણ આફ્રિકા વચ્ચેની પાંચમી T20I દરમિયાન હવામાન કેવું રહેશે. તેઓ વરસાદની શક્યતા અને અમદાવાદમાં ધુમ્મસ હશે કે કેમ તે અંગે ચિંતિત છે. જો આવું થાય, તો ત્યાં મેચ કેવી રીતે રમાશે? અહેવાલો અનુસાર, શુક્રવારની મેચ દરમિયાન અમદાવાદમાં ધુમ્મસની કોઈ શક્યતા નથી. આકાશ સંપૂર્ણપણે સ્વચ્છ રહેવાની અપેક્ષા છે, એટલે કે મેચ 40 ઓવર સુધી ચાલી શકે છે. શુક્રવારે અમદાવાદમાં વરસાદની કોઈ શક્યતા નથી. જોકે, બીજી ઇનિંગ દરમિયાન વધુ ઝાકળ પડી શકે છે, તેથી ટોસ જીતનાર કેપ્ટન પહેલા બોલિંગ કરવાનો નિર્ણય લઈ શકે છે.

19/12/2025 23:05:13

ભારતે દક્ષિણ આફ્રિકાને 30 રનથી હરાવ્યું

અમદાવાદના નરેન્દ્ર મોદી સ્ટેડિયમ ખાતે રમાયેલી પાંચમી T20I મેચમાં ભારતે દક્ષિણ આફ્રિકાને 30 રનથી હરાવ્યું. આનાથી પાંચ મેચની T20I શ્રેણી 3-1થી જીતી લીધી. પાંચમી T20I મેચમાં, ભારતે પ્રથમ બેટિંગ કરતા 231 રનનો વિશાળ સ્કોર બનાવ્યો. દક્ષિણ આફ્રિકાનો સ્કોર એક સમયે 10 ઓવરમાં 1 વિકેટે 118 હતો. જોકે, 11મી ઓવરથી, ભારતીય બોલરોએ તરખાટ મચાવ્યો અને ઝડપથી વિકેટો લઈને મેચ જીતી લીધી. ભારતે પાંચમી T20I મેચ 30 રનથી જીતી. દક્ષિણ આફ્રિકા ફક્ત 201 રન જ બનાવી શક્યું. ભારત તરફથી બેટિંગ કરતા, સંજુ સેમસનએ 22 બોલમાં 37 રન, અભિષેક શર્માએ 21 બોલમાં 34 રન, હાર્દિક પંડ્યાએ 25 બોલમાં 63 રન અને તિલક વર્માએ 42 બોલમાં 73 રન બનાવ્યા. ત્યારબાદ બોલિંગમાં વરુણ ચક્રવર્તીએ 4 વિકેટ લીધી જ્યારે જસપ્રીત બુમરાહે 4 ઓવરમાં 17 રન આપીને 2 વિકેટ લીધી.

Continues below advertisement

19/12/2025 22:57:07

દક્ષિણ આફ્રિકાનો સ્કોર 185-8

18 ઓવર પછી, દક્ષિણ આફ્રિકાનો સ્કોર 8 વિકેટે 185 રન છે. દક્ષિણ આફ્રિકાને જીતવા માટે 12 બોલમાં 47 રનની જરૂર છે. ભારતનો વિજય લગભગ નિશ્ચિત છે. કોર્બિન બોશ અને લુંગી ન્ગીડી ક્રીઝ પર છે. બુમરાહની એક ઓવર બાકી છે.

19/12/2025 22:41:31

ડેવિડ મિલર પણ પેવેલિયન પાછો ફર્યો

દક્ષિણ આફ્રિકાએ 15મી ઓવરમાં પોતાની છઠ્ઠી વિકેટ ગુમાવી દીધી અને તેનો કુલ સ્કોર 154 હતો. ડેવિડ મિલર 14 બોલમાં 18 રન બનાવીને આઉટ થયો. તેને અર્શદીપ સિંહે આઉટ કર્યો.

Continues below advertisement

19/12/2025 22:40:06

વરુણ ચક્રવર્તીએ બે બોલમાં બે વિકેટ લીધી

વરુણ ચક્રવર્તીએ 13મી ઓવરમાં સતત બે વિકેટ લીધી. ચક્રવર્તીએ પહેલા કેપ્ટન એડન માર્કરમને આઉટ કર્યો અને પછી ડોનાવન ફરેરાને બોલ્ડ કર્યો. છેલ્લા 15 બોલમાં દક્ષિણ આફ્રિકાએ 15 રન બનાવ્યા અને 4 વિકેટ ગુમાવી દીધી.

19/12/2025 22:17:02

દક્ષિણ આફ્રિકાની ત્રીજી વિકેટ પડી

હાર્દિક પંડ્યાએ 12મી ઓવરના પહેલા બોલ પર ડેવાલ્ડ બ્રેવિસને આઉટ કર્યો. તે 17 બોલમાં 31 રન બનાવીને આઉટ થયો. દક્ષિણ આફ્રિકાની ત્રીજી વિકેટ 11.1 ઓવરમાં કુલ 122 રન પર પડી. 

19/12/2025 22:15:44

દક્ષિણ આફ્રિકાએ પોતાની બીજી વિકેટ ગુમાવી

દક્ષિણ આફ્રિકાએ 11મી ઓવરમાં પોતાની બીજી વિકેટ ગુમાવી, કુલ સ્કોર 120 હતો. 35 બોલમાં 65 રન બનાવીને ક્વિન્ટન ડી કોક આઉટ થયો. જસપ્રીત બુમરાહના ડી કોકને આઉટ કરવાથી ભારતની આશાઓ ફરી જીવંત થઈ ગઈ.

19/12/2025 21:01:10

ભારતે દક્ષિણ આફ્રિકાને 232 રનનો લક્ષ્યાંક આપ્યો

અમદાવાદના નરેન્દ્ર મોદી સ્ટેડિયમમાં પ્રથમ બેટિંગ કર્યા બાદ, ભારતે 20 ઓવરમાં 5 વિકેટે 231 રન બનાવ્યા. ભારત માટે, સંજુ સેમસનએ 22 બોલમાં 37 રન, અભિષેક શર્માએ 21 બોલમાં 34 રન અને તિલક વર્માએ 42 બોલમાં 73 રન બનાવ્યા. હાર્દિક પંડ્યાએ માત્ર 16 બોલમાં અડધી સદી ફટકારી. તે 25 બોલમાં 63 રન બનાવ્યા બાદ આઉટ થયો. આંતરરાષ્ટ્રીય T20 ક્રિકેટ ઇતિહાસમાં ભારત માટે બીજા ક્રમની સૌથી ઝડપી અડધી સદીનો રેકોર્ડ તેના નામે છે.

 

19/12/2025 20:47:36

હાર્દિક પંડ્યાએ 16 બોલમાં અડધી સદી ફટકારી

હાર્દિક પંડ્યાએ ચાર ચોગ્ગા અને પાંચ છગ્ગા ફટકારીને માત્ર 16 બોલમાં પોતાની અડધી સદી પૂરી કરી. ટી20 આંતરરાષ્ટ્રીય ક્રિકેટમાં આ કોઈ ભારતીય દ્વારા ફટકારવામાં આવેલી બીજી સૌથી ઝડપી અડધી સદી છે. ભારતનો સ્કોર 17 ઓવર પછી 3 વિકેટે 195 રન છે. તિલક વર્મા 35 બોલમાં 60 રન બનાવીને રમી રહ્યો છે.

19/12/2025 20:32:07

જ્યોર્જ લિન્ડેની ઓવરમાં 27 રન આવ્યા

14મી ઓવરમાં 27 રન આવ્યા. 14 ઓવર પછી, ભારતનો સ્કોર 3 વિકેટે 158 રન છે. હાર્દિક પંડ્યા સાત બોલમાં 31 રન બનાવીને રમતમાં છે. તેણે ત્રણ ચોગ્ગા અને ત્રણ છગ્ગા ફટકાર્યા છે. તિલક વર્મા 27 બોલમાં 46 રન બનાવીને રમતમાં છે. તેણે છ ચોગ્ગા અને એક છગ્ગો ફટકાર્યો છે.

19/12/2025 20:21:27

ભારતની ત્રીજી વિકેટ પડી

ભારતની ત્રીજી વિકેટ 13મી ઓવરમાં પડી, કુલ સ્કોર 115 હતો. કોર્બિન બોશે સૂર્યકુમાર યાદવને આઉટ કર્યો. સૂર્યા સાત બોલમાં ફક્ત પાંચ રન બનાવી શક્યો. બોશની આ બીજી સફળતા હતી.

19/12/2025 19:36:52

અભિષેક શર્મા 34 રન બનાવીને આઉટ

અભિષેક શર્મા 21 બોલમાં છ ચોગ્ગા અને એક છગ્ગાની મદદથી 34 રન બનાવીને આઉટ થયો. તેને કોર્બિન બોશ દ્વારા આઉટ કરવામાં આવ્યો. ભારતે છઠ્ઠી ઓવરમાં પોતાની પહેલી વિકેટ ગુમાવી દીધી અને કુલ સ્કોર 63 થયો છે.

19/12/2025 19:16:15

અભિષેકે ચોગ્ગાની હેટ્રિક ફટકારી, સેમસને છગ્ગો ફટકાર્યો

અભિષેક શર્માએ બીજી ઓવરમાં ચોગ્ગાની હેટ્રિક ફટકારી. ત્યારબાદ સંજુ સેમસને છગ્ગો ફટકાર્યો. માર્કો જેનસેનની ઓવરમાં 19 રન બન્યા. બે ઓવર પછી, ભારતે કોઈ નુકસાન ન થતાં 25 રન બનાવ્યા. અભિષેક શર્મા આઠ બોલમાં 18 રન બનાવીને ચાર ચોગ્ગા ફટકાર્યા છે. સંજુ સેમસને ચાર બોલમાં સાત રન બનાવીને એક છગ્ગો ફટકાર્યો છે.

19/12/2025 19:02:20

સાઉથ આફ્રિકા ( પ્લેઇંગ-11

એડન માર્કરમ (કેપ્ટન), રીઝા હેન્ડ્રિક્સ, ક્વિન્ટન ડી કોક (વિકેટકીપર), ડેવોલ્ડ બ્રેવિસ, ડેવિલ મીલર, ડોનોવન ફરેરા, જ્યોર્જ લિન્ડે, માર્કો યાન્સેન, કોર્બિન બોશ, લુંગી એન્ગિડી અને ઓટ્ટનીલ બાર્ટમેન.

 

19/12/2025 19:01:15

ભારત પ્લેઇંગ-11

સૂર્યકુમાર યાદવ (કેપ્ટન), અભિષેક શર્મા, સંજુ સેમસન, તિલક વર્મા, હાર્દિક પંડ્યા, શિવમ દુબે, જિતેશ શર્મા (વિકેટકીપર), વોશિંગ્ટન સુંદર, વરુણ ચક્રવર્તી, જસપ્રીત બુમરાહ અને અર્શદીપ સિંહ.