IND vs SL 1st Test Day 2 Live: શ્રીલંકા 100 રનને પાર, અશ્વિને અપાવી ચોથી સફળતા

IND vs SL: ટોસ જીતીને બેટીંગ પસંદ કરનારા ભારતે શ્રીલંકાના સરેરાશ લાગતાં બોલિંગ આક્રમણ પર પ્રથમ દિવસે પ્રભુત્વ જમાવ્યું હતુ.

બ્રેકગ્રાઉન્ડ

IND vs SL 1st Test: ટોસ જીતીને બેટીંગ પસંદ કરનારા ભારતે શ્રીલંકાના સરેરાશ લાગતાં બોલિંગ આક્રમણ પર પ્રથમ દિવસે પ્રભુત્વ જમાવ્યું હતુ. રિષભ પંતની વન ડે સ્ટાઈલની 97 બોલમાં 96 રનની વિસ્ફોટક ઈનિંગ તેમજ વનડાઉન આવેલા વિહારીના 58 રનની મદદથી ભારતે શ્રીલંકા સામે મોહાલીમાં શરૃ થયેલી શ્રેણીની પ્રથમ ટેસ્ટમાં પ્રથમ દિવસની રમતના અંતે 6 વિકેટે 357 રન કર્યા હતા. વિરાટ કોહલી કારકિર્દીની 100મી ટેસ્ટમાં પાંચ રન માટે અડધી સદી ચૂક્યો હતો. જ્યારે કેપ્ટન તરીકે પ્રથમ ટેસ્ટમાં રોહિત પણ પ્રભાવ પાડી શક્યો નહતો અને 29 રને આઉટ થયો હતો. રમતના અંતે જાડેજા 45 અને અશ્વિન 10 રને રમતમાં હતા.

05/03/2022 16:50:08

શ્રીલંકાની ચારેય વિકેટ એલબીડબલ્યુ

શ્રીંલકાના ઓપનરોએ મક્કમ શરૂઆત કરી હતી. પ્રથમ વિકેટ માટે કરૂણારત્ને અને થિરીમાનેએ 48 રનની ભાગીદારી કરી હતી. કરુણારત્ને 28 રન બનાવી જાડેજાની ઓવરમાં એલબીડબલ્યુ થયો હતો. થિરામાને પણ 17 રન બનાવી અશ્વિનની એલબીડબલ્યુ આઉટ થયો હતો.  એંજેલો મેથ્યૂસ પણ 22 રન બનાવી બુમરાહની ઓવરમાં એલબીડલબ્યુ આઉટ થયો હતો ધનંજય ડિસિલ્વા 1 રન બનાવી અશ્વિનની ઓવરમાં એલબીડબલ્યુ આઉત થયો હતો. શ્રીલંકાના ચારેય બેટ્સમેન એલબીડલબ્યુ આઉટ થયા. હાલ લંકાનો સ્કોર 4 વિકેટના નુકસાન પર 104 રન છે.

05/03/2022 13:57:24

ભારતે ઈનિંગ કરી ડિકલેર

ભારતે બીજા દિવસે 8 વિકેટના નુકસાન પર 574 રન બનાવી દાવ ડિકેલર કર્યો હતો. રવિન્દ્ર જાડેજા 175 રને અને શમી 20 રને નોટઆઉટ રહ્યા હતા

05/03/2022 13:09:31

જાડેજાએ ફોર મારી 150 રન કર્યા પૂરા

ભારતનો સ્કોર 8 વિકેટના નુકસાન પર 525 રન છે. જાડેજાએ ફોર મારી 150 રન પૂરા કર્યા હતા. જાડેજા 152 અને શમી 1 રને રમતમાં છે.

05/03/2022 11:42:58

લંચ સમયે ભારતની શું છે સ્થિતિ

બીજા દિવસે લંચ સમયે ભારતનો સ્કોર 7 વિકેટના નુકસાન પર 468 રન છે. રવિન્દ્ર જાડેજા 102 રન અને જયંત યાદવ 2 રને રમતમાં છે. રવિચંદ્રન અશ્વિન 61 રન બનાવી આઉટ થયો હતો. અશ્વિન અને જાડેજાએ સાતમી વિકેટ માટે સર્વોચ્ચ રનની પાર્ટનરશિપ કરી હતી.

05/03/2022 11:27:38

રવિન્દ્ર જાડેજાએ શ્રીલંકા સામે સદી ફટકારી

રવિન્દ્ર જાડેજાએ શ્રીલંકા સામે સદી ફટકારી છે. 160 બોલમાં 100 રન પુરા કરીને જાડેજાએ સદી ફટકારી છે. આ સાથે ભારતનો સ્કોર પર 463 પહોંચ્યો છે. ભારતની અત્યાર સુધી 7 વિકેટ પડી ચુકી છે. હાલ રવિન્દ્ર જાડેજા અને જયંત યાદવ રમી રહ્યા છે.

05/03/2022 11:15:28

અશ્વિનની ફિફ્ટી

108 ઓવરના અંતે ભારતનો સ્કોર  6 વિકેટના નુકસાન પર 451 રન છે. જાડેજા 93 અને અશ્વિન 56 રને રમતમાં છે.

05/03/2022 10:30:38

ભારત 400 રનને પાર

ભારતનો સ્કોર 400 રનને પાર થઈ ગયો છે. ટીમ ઈન્ડિયાનો સ્કોર 98.3 ઓવરે 411 રન પર 6 વિકેટ છે.  રવિન્દ્ર જાડેજા 77 અને અશ્વિન 32 રને રમતમાં છે.

05/03/2022 10:01:16

ભારત 380/6

ભારતનો સ્કોર 6 વિકેટના નુકસાન પર 380 રન છે. રવિન્દ્ર જાડેજા 60 અને અશ્વિન 18 રને રમતમાં છે. જાડેજાએ ફિફ્ટી પૂરી કરતાં તલવારબાજી સ્ટાઈલમાં સેલિબ્રેશન કર્યું હતું.

05/03/2022 09:57:42

બંને ટીમોએ પાળ્યું મૌન

ભારત-શ્રીલંકાના ખેલાડીઓએ બીજા દિવસની રમતની શરૂઆત પહેલા ઓસ્ટ્રેલિયાના ભૂતપૂર્વ ખેલાડીઓ રોડની માર્શ અને શેન વોર્નને શ્રદ્ધાંજલિ આપી હતી. બંને ટીમો અને સ્ટેડિયમમાં હાજર લોકોએ એક મિનિટનું મૌન પાળ્યું હતું. આ બંને ભૂતપૂર્વ ખેલાડીઓની યાદમાં તમામ ખેલાડીઓએ પોતાના હાથમાં કાળી પટ્ટી પણ બાંધી છે