IND Vs WI, 1st T20: રોમાંચક મેચમાં વેસ્ટ ઈન્ડિઝે ભારતને 4 રને હરાવ્યું
IND Vs WI 1st T20 Score Live: ભારત અને વેસ્ટ ઈન્ડિઝ વચ્ચે રમાઈ રહેલી પ્રથમ T20 મેચના અપડેટ્સ મેળવવા માટે એબીપી સાથે જોડાયેલા રહો.
વેસ્ટ ઈન્ડિઝે ભારતીય ટીમ સામે 5 મેચની T20 શ્રેણીમાં જીત સાથે મજબૂત શરૂઆત કરી છે. પ્રથમ મેચ પોર્ટ ઓફ સ્પેનમાં રમાઈ હતી, જેમાં યજમાન વેસ્ટ ઈન્ડિઝનો 4 રને વિજય થયો હતો. આ સાથે તેણે શ્રેણીમાં 1-0ની સરસાઈ મેળવી લીધી છે. ભારતીય ટીમ 20 ઓવરના અંતે 9 વિકેટ 145 રન જ બનાવી શકી હતી. ભારત તરફથી સૌથી વધુ રન તિલક વર્માએ 39 બનાવ્યા હતા.
કેપ્ટન હાર્દિક પંડ્યા 19 રન બનાવીને આઉટ થયો હતો. સંજુ સેમસન 12 રન બનાવીને ક્રિઝ પર હાજર છે. ભારતને 29 બોલમાં 37 રનની જરૂર છે. ભારતની પાંચ વિકેટ પડી ગઈ છે.
ભારતને મોટો ઝટકો લાગ્યો છે. તિલક વર્મા આઉટ થયો છે. તિલક વર્માએ ડેબ્યૂમાં 39 રનની ઇનિંગ રમી હતી. 11.4 ઓવર પછી ભારતનો સ્કોર 78 રન છે. ભારતની ચાર વિકેટ પડી ગઈ છે. સંજુ હાર્દિકને સપોર્ટ કરવા માટે ક્રિઝ પર છે.
ભારતને મોટો ઝટકો લાગ્યો છે. 67ના સ્કોર પર ત્રીજી વિકેટ પડી. સૂર્યકુમાર યાદવ 21 રન બનાવીને આઉટ થયો હતો. તિલક વર્માને સપોર્ટ કરવા માટે હાર્દિક પંડ્યા ક્રિઝ પર આવ્યો છે.
ભારતને વધુ એક ઝટકો લાગ્યો છે. કિશન 6 રન બનાવીને આઉટ થયો હતો. 4.5 ઓવર પછી ભારતનો સ્કોર 28 રન છે. સૂર્યકુમાર યાદવ અને તિલક વર્મા ક્રીઝ પર છે.
ભારતની પ્રથમ વિકેટ પડી છે. ધીમી શરૂઆતનું દબાણ ગિલ પર બની રહ્યું હતું. ભારતનો સ્કોર બે ઓવરમાં માત્ર 5 રન હતો. ત્રીજી ઓવરના બીજા બોલ પર ગિલ સ્ટમ્પ આઉટ થયો હતો.
વેસ્ટ ઈન્ડિઝે ભારતને જીતવા માટે 150 રનનો પડકાર આપ્યો છે. પુરને 41 અને પોવેલે 48 રન બનાવ્યા હતા. અર્શદીપ સિંહે બે અને યુઝવેન્દ્ર ચહલે પણ બે વિકેટ લીધી હતી. હાર્દિક પંડ્યા અને કુલદીપ યાદવ એક-એક વિકેટ લેવામાં સફળ રહ્યા હતા.
વેસ્ટ ઈન્ડિઝની પાંચમી વિકેટ 19મી ઓવરના પ્રથમ બોલ પર પડી. શિમરન હેટમાયર અર્શદીપ સિંહની બોલ પર કવર પર સિક્સર મારવાના પ્રયાસમાં અક્ષર પટેલના હાથે કેચ આઉટ થયો હતો.
11 ઓવર પછી, વેસ્ટ ઇન્ડિઝે 3 વિકેટના નુકસાન પર 80 રન બનાવ્યા છે. ભારતીય સ્પિનરોએ વેસ્ટ ઈન્ડિઝની ગતિ પર બ્રેક લગાવી દીધી છે. નિકોલસ પૂરન 34 અને રોવમન પોવેલ 12 રને રમી રહ્યા છે.
કુલદીપ યાદવે આવતાની સાથે જ પ્રથમ ઓવરમાં વિકેટ લીધી છે. વિન્ડીઝની ત્રીજી વિકેટ પડી છે. સ્કોર 57 રન છે. 7.3 ઓવર થઈ ગઈ. પુરનને સપોર્ટ કરવા માટે કેપ્ટન પોવેલ ક્રિઝ પર આવ્યો છે.
ચહલે કમાલ કરી બતાવી છે. ચહલ પાંચમી ઓવરના પ્રથમ ત્રણ બોલમાં બે વિકેટ લેવામાં સફળ રહ્યો હતો. વેસ્ટ ઈન્ડિઝે 34 રનમાં બે વિકેટ ગુમાવી દીધી છે.
કાયલ મેયર્સ, બ્રેન્ડન કિંગ, જોહ્નસન ચાર્લ્સ (વિકી), નિકોલસ પૂરન, શિમરોન હેટમાયર, રોવમન પોવેલ (કેપ્ટન), જેસન હોલ્ડર, રોમારિયો શેફર્ડ, અકીલ હુસૈન, અલઝારી જોસેફ, ઓબેડ મેકોય.
શુભમન ગિલ, ઈશાન કિશન, સંજુ સેમસન (વિકેટકીપર), સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), અક્ષર પટેલ, કુલદીપ યાદવ, યુઝવેન્દ્ર ચહલ, મુકેશ કુમાર, અર્શદીપ સિંહ.
ભારત તરફથી બે ખેલાડીઓને ડેબ્યૂ કરવાની તક આપવામાં આવી છે. તિલક વર્મા અને મુકેશ કુમાર તેમની પ્રથમ આંતરરાષ્ટ્રીય T20 મેચ રમી રહ્યા છે. મુકેશ કુમારને વેસ્ટ ઈન્ડિઝના પ્રવાસ પર જ ટેસ્ટ અને વનડેમાં ડેબ્યૂ કરવાની તક મળી હતી.
બ્રેકગ્રાઉન્ડ
IND Vs WI 1st T20 Live Updates: વેસ્ટ ઈન્ડિઝના લાંબા પ્રવાસ પર ટીમ ઈન્ડિયા છેલ્લા પડકાર માટે તૈયાર છે. આજથી ભારત અને વેસ્ટ ઈન્ડિઝ વચ્ચે પાંચ T20 મેચોની સિરીઝ શરૂ થઈ રહી છે. આ શ્રેણીમાં ભારતીય ક્રિકેટ ટીમની કમાન હાર્દિક પંડ્યા સંભાળી રહ્યો છે. આવતા વર્ષે યોજાનાર 20-20 વર્લ્ડ કપને ધ્યાનમાં રાખીને આ શ્રેણી ભારત માટે ખૂબ જ મહત્વપૂર્ણ માનવામાં આવે છે. ટીમ ઈન્ડિયા આ શ્રેણીમાં જેમના પર દાવ લગાવશે તેમાંથી મોટાભાગના ખેલાડીઓનું આવતા વર્ષે વર્લ્ડ કપમાં રમવાનું લગભગ નિશ્ચિત છે.
- - - - - - - - - Advertisement - - - - - - - - -