IND Vs WI 5th T20 Live: ભારતે વેસ્ટ ઈન્ડિઝને 166 રનનો ટાર્ગેટ આપ્યો, સૂર્યકુમારની ફિફ્ટી

IND Vs WI 5th T20 Live Updates: અહીં તમને લાઇવ સ્કોર અને ભારત અને વેસ્ટ ઇન્ડિઝ વચ્ચેની T20 શ્રેણી સંબંધિત તમામ અપડેટ્સ મળશે.

બ્રેકગ્રાઉન્ડ

India vs West Indies 5th T20: હવેથી થોડીવારમાં ભારત અને વેસ્ટ ઈન્ડિઝ વચ્ચે પાંચ મેચની T20 શ્રેણીની નિર્ણાયક મેચ ફ્લોરિડામાં રમાશે. ફ્લોરિડાના સેન્ટ્રલ બ્રોવર્ડ રિજનલ પાર્ક સ્ટેડિયમમાં ભારતીય સમય અનુસાર રાત્રે 8 વાગ્યે મેચ શરૂ થશે. પાંચ મેચોની આ શ્રેણી હાલમાં 2-2થી બરાબર છે. આવી સ્થિતિમાં આજની મેચ જે પણ ટીમ જીતશે, સીરીઝ તેના નામે થશે.શું કહે છે આજની ફ્લૉરિડાની પીચ - ફ્લૉરિડાનું લૉડરહિલ મેદાન બેટ્સમેનો માટે વધારે અનુકુળ રહેતું હોય છે. આ મેદાન પર બેટિંગ કરવી ખૂબ જ આસાની રહી છે. અહીં ટાર્ગેટનો પીછો કરતી ટીમ પણ 200નો સ્કૉર આસાનીથી હાંસલ કરતી જોવા મળી છે. અહીં પ્રથમ ઇનિંગનો અત્યાર સુધીનો સરેરાશ સ્કૉર 180 રનનો જોવા મળ્યો છે.

13/08/2023 23:37:29

ખરાબ હવામાનને કારણે રમત બંધ

ખરાબ હવામાનને કારણે ફરી એકવાર રમત રોકવી પડી હતી. જોકે, વેસ્ટ ઈન્ડિઝની ટીમ મજબૂત સ્થિતિમાં જોવા મળી રહી છે. અત્યારે વેસ્ટ ઈન્ડિઝને 45 બોલમાં 49 રન બનાવવાના છે, જ્યારે 9 વિકેટ બાકી છે.

13/08/2023 22:57:11

નિકોલસ પૂરન અને બ્રેન્ડન કિંગ ક્રિઝ પર જામ્યા

વેસ્ટ ઈન્ડિઝનો સ્કોર 6 ઓવર પછી 1 વિકેટે 61 રન છે. નિકોલસ પૂરન 10 બોલમાં 20 રન બનાવીને રમી રહ્યો છે. જ્યારે બ્રેન્ડન કિંગ 21 બોલમાં 29 રન બનાવીને રમી રહ્યો છે. બંને ખેલાડીઓ વચ્ચે ત્રીજી વિકેટ માટે 28 બોલમાં 49 રનની ભાગીદારી થઈ છે. હવે વેસ્ટ ઈન્ડિઝને જીતવા માટે 84 બોલમાં 101 રન બનાવવાના છે.

13/08/2023 22:42:38

અર્શદીપ સિંહે કાઈલી મેયર્સને આઉટ કર્યો

અર્શદીપ સિંહે વેસ્ટ ઈન્ડિઝને પહેલો ઝટકો આપ્યો હતો. ભારતીય ફાસ્ટ બોલરે કાઈલી મેયર્સને આઉટ કર્યો હતો. કાઈલી મેયર્સે 5 બોલમાં 10 રન બનાવ્યા હતા. કાઈલી મેયર્સની જગ્યાએ નિકોલસ પૂરન બેટિંગ કરવા આવ્યો છે. વેસ્ટ ઈન્ડિઝનો સ્કોર 2 ઓવર પછી 1 વિકેટે 18 રન છે.

13/08/2023 22:16:25

વેસ્ટ ઈન્ડિઝ સામે 166 રનનો ટાર્ગેટ

ભારતે વેસ્ટ ઈન્ડિઝ સામે જીતવા માટે 166 રનનો ટાર્ગેટ આપ્યો હતો. ભારત તરફથી સૂર્યકુમાર યાદવે 45 બોલમાં સૌથી વધુ 61 રનનું યોગદાન આપ્યું હતું. તો બીજી તરફ, તિલક વર્માએ 18 બોલમાં 27 રન બનાવ્યા હતા. વેસ્ટ ઈન્ડિઝ માટે રોમારીયો શેફર્ડે સૌથી વધુ 4 વિકેટ લીધી હતી. જ્યારે ઓકિલ હોસેન અને જેસન હોલ્ડરને 2-2 સફળતા મળી હતી. આ સાથે જ રોસ્ટન ચેઝે 1 વિકેટ પોતાના નામે કરી હતી. હાલમાં ભારત અને વેસ્ટ ઈન્ડિઝ વચ્ચે 5 T20 મેચોની સિરીઝ 2-2 થી બરાબર છે. જે ટીમ આ મેચ જીતશે તે શ્રેણી જીતશે. જો કે એ જોવાનું રસપ્રદ રહેશે કે વેસ્ટ ઈન્ડિઝની ટીમ રનનો પીછો કરી શકશે કે નહીં? 

13/08/2023 22:01:08

શેફર્ડે સતત બીજો ફટકો આપ્યો

અર્શદીપ સિંહ બાદ રોમારિયો શેફર્ડે કુલદીપ યાદવને આઉટ કર્યો છે. રોમારિયો શેફર્ડે અર્શદીપ સિંહ અને કુલદીપ યાદવને સતત બોલ પર આઉટ કર્યા હતા. આ રીતે ભારતને આઠમો ઝટકો લાગ્યો છે.

13/08/2023 21:42:52

સૂર્યકુમાર યાદવે ફિફ્ટી ફટકારી

સૂર્યકુમાર યાદવે શાનદાર અડધી સદી ફટકારી હતી. સૂર્યકુમાર યાદવ 39 બોલમાં 53 રન બનાવીને રમી રહ્યો છે. અત્યાર સુધી સૂર્યકુમાર યાદવે પોતાની ઇનિંગમાં 3 ફોર અને 3 સિક્સર ફટકારી છે.

13/08/2023 21:18:24

ભારતે 100 રનનો આંકડો પાર કર્યો

ભારતનો સ્કોર 14 ઓવર પછી 4 વિકેટે 102 રન છે. સૂર્યકુમાર યાદવ 33 બોલમાં 44 રન બનાવીને રમી રહ્યો છે. જ્યારે હાર્દિક પંડ્યા 12 બોલમાં 6 રન બનાવીને ક્રિઝ પર છે.

13/08/2023 20:54:52

તિલક વર્માને રોસ્ટન ચેઝે આઉટ કર્યો

રોસ્ટન ચેઝ ટીમ ઈન્ડિયાને મોટો ફટકો આપ્યો. વાસ્તવમાં આ ઓફ સ્પિનરે આક્રમક બેટિંગ કરી રહેલા તિલક વર્માને પેવેલિયનનો રસ્તો બતાવ્યો હતો. આ રીતે ભારતને ત્રીજો ઝટકો લાગ્યો છે. તિલક વર્માએ 18 બોલમાં 27 રનની સારી ઇનિંગ રમી હતી. ભારતનો સ્કોર 3 વિકેટે 67 રન છે.

13/08/2023 20:16:20

ટીમ ઈન્ડિયા મુશ્કેલીમાં, બન્ને ઓપનર થયા પેેવેલિયન ભેગા

ટીમ ઈન્ડિયા મુશ્કેલીમાં મુકાઈ છે. બન્ને ઓપનર પેેવેલિયન ભેગા થઈ ગયા છે. યશસ્વી 5 અને ગીલ 9 રન બનાવી આઉટ થયા છે. 

13/08/2023 19:47:55

ભારત પ્લેઇંગ-11

હાર્દિક પંડ્યા (કેપ્ટન), યશસ્વી જયસ્વાલ, શુભમન ગિલ, સૂર્યકુમાર યાદવ, તિલક વર્મા, સંજુ સેમસન (વિકેટકીપર), અક્ષર પટેલ, કુલદીપ યાદવ, યુઝવેન્દ્ર ચહલ, મુકેશ કુમાર અને અર્શદીપ સિંહ.

13/08/2023 19:47:01

વેસ્ટઈન્ડિઝ પ્લેઇંગ-11

રોવમેન પોવેલ (કેપ્ટન), બ્રેન્ડોન કિંગ, કાઇલ મેયર્સ, શાઈ હોપ (વિકેટકીપર), નિકોલસ પૂરન, શિમરોન હેટમાયર, રોમારિયો શેફર્ડ, જેસન હોલ્ડર, અકીલ હોસેન, ઓડિયન સ્મિથ અને અલ્ઝારી જોસેફ.

13/08/2023 19:46:19

હાર્દિક પંડ્યાએ ટોસ જીત્યો

ભારતીય કેપ્ટન હાર્દિક પંડ્યાએ ટોસ જીતીને પ્રથમ બેટિંગ કરવાનો નિર્ણય કર્યો છે. ટીમ ઈન્ડિયાએ પોતાની પ્લેઈંગ ઈલેવનમાં કોઈ ફેરફાર કર્યો નથી. વેસ્ટ ઈન્ડિઝની ટીમ પ્રથમ બોલિંગ કરી રહી છે. 

13/08/2023 18:50:39

વેસ્ટ ઇન્ડિઝની ભારતની સંભવિત પ્લેઇંગ ઇલેવન

બ્રેન્ડન કિંગ, કાઇલી મેયર્સ, શાઇ હૉપ, નિકોલસ પૂરન (વિકેટકીપર), રૉવમેન પૉવેલ (કેપ્ટન), શિમરૉન હેટમાયર, જેસન હૉલ્ડર, રોમારિયો શેફર્ડ, ઓડિયન સ્મિથ, અકીલ હૌસેન, ઓબેડ મેકૉય.

13/08/2023 18:49:59

ભારતની સંભવિત પ્લેઇંગ ઇલેવન

યશસ્વી જાયસ્વાલ, શુભમન ગીલ, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), સંજૂ સેમસન (વિકેટકીપર), અક્ષર પટેલ, કુલદીપ યાદવ, અર્શદીપ સિંહ, યુજવેન્દ્ર ચહલ, મુકેશ કુમાર.