બીસીસીઆઈ હવે વીડિયોની તપાસ કરશે. આ વીડિયોમાં ભારતીય ખેલાડીઓ રેસ્ટોરંટમાં બહાર બેસીને જમતા નજરે પડી રહ્યા છે. મેલબર્નમાં ટીમ ઈન્ડિયાના સ્ટાર ખેલાડીઓ એક હોટલમાં જમવા ગયા હતા. આ હોટલમાં એક ફેને 6683 રૂપિયા (118.69 ડોલર)નું બિલ ચૂકવ્યું હતું. જે બાદ રિષભ પંત ક્રિકેટ ફેનને ભેટ્યો હતો.
ક્રિકેટ ઓસ્ટ્રેલિયાએ આને બાયો બબલના નિયમોનું ઉલ્લંઘન માન્યું છે. ક્રિકેટ ઓસ્ટ્રેલિયા આ મુદ્દાની ગંભીરતાથી તપાસ કરી રહ્યું છે. પંત અને અન્ય ખેલાડીઓ પર તપાસની શું અસર થશે તે ન કહી શકાય. પરંતુ આ ખેલાડીઓએ કોવિડ ટેસ્ટમાંથી ચોક્કસ પસાર થવું પડશે.
ભારત ઓસ્ટ્રેલિયા વચ્ચે ચાર ટેસ્ટ મેચની શ્રેણી હાલ 1-1થી બરાબરી પર છે. સીરિઝનો ત્રીજો મુકાબલો 7 જાન્યુઆરીથી સિડનીમાં રમાશે.