India vs Bangladesh Live Streaming Details: ભારત અને બાંગ્લાદેશની વચ્ચે ત્રણ મેચોની વનડે સીરીઝની અંતિમ વનડે મેચ આવતીકાલે 10 ડિસેમ્બરે રમાશે, આ સીરીઝમાં બાંગ્લાદેશ 2-0 ની અજય લીડ બનાવી ચૂક્યુ છે. બન્ને ટીમો સીરીઝની છેલ્લી વનડે મેચ ચટગ્રામના મેદાનમાં રમવા માટે ઉતરશે. 


આવતીકાલની ત્રીજી અને અંતિમ વનડે એકબાજુ ભારતીય ટીમ માટે માત્ર ઔપચારિક બની રહેશે, ટીમ ઇન્ડિયા જીત સાથે સીરીઝની પુરી કરવા ઇચ્છશે તો, વળી બાંગ્લાદેશ ત્રીજી વનડેમાં જીત સાથે ભારતને ક્લિન સ્વિપ કરવાની કોશિશ કરશે. જાણો સીરીઝની ત્રીજી અને અંતિમ વનડે ક્યારે ને ક્યાંથી જોઇ શકાશે લાઇવ........ 


અંતિમ વનડે મેચનું લાઇવ સ્ટ્રીમિંગ - 
ભારત અને બાંગ્લાદેશ વચ્ચે ત્રણ મેચોની વનડે સીરીઝ રમાઇ રહી છે, અને આવતીકાલે ત્રીજી વનડે મેચ રમાશે. છેલ્લી મેચ 10 ડિસેમ્બર, શનિવારે ભારતીય સમયાનુસર સવારે 11:30 વાગ્યાથી શરૂ થશે. 


આ સીરીઝનું પ્રસારણ સોની સ્પોર્ટ્સ પર થઈ રહ્યું છે. સોની સ્પોર્ટ્સ ટેનની વિવિધ ચેનલો પર લાઈવ મેચ જોવા મળશે. લાઈવ સ્ટ્રીમિંગ સોની લિવ પર થશે. વળી, ક્રિકેટ ફેન્સ આ મેચનો આનંદ ડીડી સ્પૉર્ટ્સ પરથી પણ લઇ શકે છે. આ ઉપરાંત તમે જિઓ ટીવી પરથી પણ મેચ જોઇ શકો છો.


બાંગ્લાદેશ પ્રવાસ માટે ભારતીય ટીમ


ભારતની વનડે ટીમ - 
રોહિત શર્મા (કેપ્ટન), કેએલ રાહુલ, શિખર ધવન, વિરાટ કોહલી, રજત પાટીદાર, શ્રેયસ અય્યર, રાહુલ ત્રિપાઠી, ઋષભ પંત (વિકેટકીપર), ઇશાન કિશન (વિકેટકીપર), રવીન્દ્ર જાડેજા, અક્ષર પટેલ, વૉશિંગટન સુંદર, શાર્દૂલ ઠાકુર, મોહમ્મદ શમી, મોહમ્મદ સિરાજ, દીપક ચાહર, યશ દલાલ.


બાંગ્લાદેશની વનડે ટીમ - 
નજમૂલ હુસૈન શાન્તિ, યાસિર અલી, આસિફ હુસેન, મહામુદ્દુલ્લાહ રિયાદ, મેહન્દી હસન, શાકિબ અલ હસન, અનામુલ હક (વિકેટકીપર), લિટન દાસ (કેપ્ટન, વિકેટકીપર), મુશફિકૂર રહીમ (વિકેટકીપર), નુરુલ હસન (વિકેટકીપર), ઇબાદત હુસેન, હસન મહેમૂદ, મુસ્તફિજૂર રહેમાન, નાસમ અહેમદ, તસ્કીન અહેમદ. 


 


રોહિત, કુલદીપ, દીપક મુંબઈ પરત ફરશે


પરંતુ હવે સિરીઝની ત્રીજી વનડે 10 ડિસેમ્બરે ચટગાંવમાં રમાશે. આ પહેલા પણ ટીમ ઈન્ડિયા માટે ખરાબ સમાચાર સામે આવ્યા છે. બીજી વનડેમાં હાર્યા બાદ કોચ રાહુલ દ્રવિડે આ અપડેટ આપ્યું હતું. તેમણે કહ્યું હતું કે ચોક્કસપણે કુલદીપ, દીપક અને રોહિત આગામી મેચમાં રમી શકશે નહીં. કુલદીપ અને દીપક શ્રેણીમાંથી બહાર છે. રોહિત આગામી મેચ પણ રમી શકશે નહીં.


કોચ દ્રવિડે કહ્યું હતું કે તે મુંબઈ પરત ફરશે , જ્યાં નિષ્ણાતો તેની તપાસ કરશે. આ પછી જ ખબર પડશે કે તે ટેસ્ટ શ્રેણી માટે ઉપલબ્ધ રહેશે કે નહીં. પરંતુ આ ત્રણેય સિરીઝની છેલ્લી વનડે રમી શકશે નહીં તે નિશ્ચિત છે.


વાસ્તવમાં રોહિતને આ ઈજા બાંગ્લાદેશની ઈનિંગ દરમિયાન બીજી ઓવરમાં જ થઈ હતી. આ ઓવર ફાસ્ટ બોલર મોહમ્મદ સિરાજે કરી હતી. રોહિત બીજી સ્લિપમાં ફિલ્ડિંગ કરી રહ્યો હતો અને ઓવરના ચોથા બોલ પર અનામુલ હકનો કેચ પકડવા જતા રોહિતને બોલ વાગતાં તેના ડાબા હાથના અંગૂઠામાંથી લોહી નીકળવા લાગ્યું હતું.


ભારતીય ક્રિકેટ બોર્ડ (BCCI) એ ટ્વિટ કર્યું કે BCCI મેડિકલ ટીમ તેની ઈજાની તપાસ કરી રહી છે. તેને સ્કેન માટે હોસ્પિટલમાં લઈ જવામાં આવ્યો હતો. જ્યારે કુલદીપ સેનને પીઠની સમસ્યા છે.