IND v ENG 3rd Test Match : ટીમ ઈન્ડિયાના નામે રહ્યો ડે-નાઈટ ટેસ્ટનો પ્રથમ દિવસ, રમત પૂરી થાય ત્યાં સુધી ટીમ ઈન્ડિયાનો સ્કોર 99/3
India vs England Pink Ball Test: અત્યાર સુધીમાં ભારત પિંક બોલ ટેસ્ટથી માત્ર બે ટેસ્ટ મેચ રમી છ. ગત વર્ષે ઓસ્ટ્રેલિયાના એડિલેડમાં રમાયેલી પ્રથમ ટેસ્ટ પિંક બોલ ટેસ્ટ હતી. જેમાં ભારતે હારનો સામનો કરવો પડ્યો હતો. 2019માં બાંગ્લાદેશ સામે રમેલી ડે નાઇટ ટેસ્ટમાં ભારતનો વિજય થયો હતો.
પ્રથમ દિવસની રમત પુરી થાય ત્યાં સુધી ટીમ ઈન્ડિયાએ ત્રણ વિકેટના નુકસાન પર 99 રન બનાવી લીધા છે. રોહિત શર્મા 57 રન અને રહાણે 1 રન પર અણનમ રહ્યાં. કોહલી 27 રન બનાવી આઉટ થયો હતો. ઈંગ્લેન્ડ તરફથી જેક લિચે બે વિકેટ અને આર્ચરે એક વિકેટ ઝડપી.
ઈંગ્લેન્ડની ટીમે ટોસ જીતીને પ્રથમ બેટિંગ કરતા પ્રથમ ઈનિંગમાં ધબડકો થયો હતો. 112 રનમાં ટીમ ઓલઆઉટ થઈ ગઈ હતી. અક્ષર પટેલે 6 વિકેટ ઝડપી હતી. જ્યારે અશ્વિને 3 અને ઈશાંતે 1 વિકેટ ઝડપી હતી.
ભારતની ત્રીજી વિકેટ ગઈ છે. વિરાટ કોહલી લિચની ઓવરમાં 27 રન બનાવી આઉટ થઈ ગયો છે. ભારતનો સ્કોર ત્રણ વિકેટે 99 રન
શુભમન ગિલ બાદ ચેતેશ્વર પુજારા આઉટ થઈ ગયો છે. પુજારા ઝીરો રને લીચની ઓવરમાં આઉટ થયો હતો, જ્યારે ગિલ આર્ચરની ઓવરમાં કેચ આઉટ થયો હતો. ભારતનો સ્કોર હાલમાં 2 વિકેટના નુકસાન પર 34 રન છે. કોહલી અને રોહિત શર્મા રમતમાં છે.
ઈંગ્લેન્ડના 112 રનોના જવાબમાં ભારતની શાદાર શરુઆત થઈ છે. ટીમ ઈન્ડિયાએ 33 રન બનાવી લીધા છે. રોહિત શર્મા અને શુભમન ગીલ રમતમાં છે.
ટીમ ઈન્ડિયાએ પોતાની પ્રથમ ઇનિંગમાં ડિનર બ્રેક સુધી 5 રન બનાવ્યા છે. રોહિત શર્મા અને શુભમન ગિલ રમતમાં છે.
ઈંગ્લેન્ડની સાતમી વિકેટ ગઈ છે, જોફ્રા આર્ચર 11 રન બનાવી અક્ષર પટેલની ઓવરમાં આઉટ થયો હતો. તેની સાથે અક્ષર પટેલે અત્યાર સુધી ચાર વિકેટ ઝડપી છે. ઈંગ્લેન્ડનો સ્કોર 7 વિકેટે 93 રન છે.
ઈંગ્લેન્ડે 6 વિકેટના નુકસાન પર 86 નરન બનાવી લીધા છે
ઈંગ્લેન્ડને વધુ એક ઝટકો લાગ્યો છે. જેક ક્રાઉલી 53 રને આઉટ થઈ ગયો છે. અક્ષર પટેલે તેને lbw આઉટ કર્યો હતો. આ સાથે પટેલે અત્યાર સુધી બે વિકેટ ઝડપી છે.
ઈંગ્લેન્ડે 4 વિકેટેના નુકસાન પર 80 રન બનાવી લીધા છે.
ઈંગ્લેન્ડની ત્રીજી વિકેટ ગઈ છે. જો રૂટ 17 રન પર અશ્વિનના હાથે lbw થયો હતો.
બેરિસ્ટો આઉટ થયા બાદ કેપ્ટન જો રૂટ બેટિંગ માટે આવ્યો છે. 10 ઓવરમાં ઈંગ્લેન્ડનો સ્કોર 2 વિકેટે 30 રન છે.
બ્રેકગ્રાઉન્ડ
અમદાવાદઃ ભારત અને ઇંગ્લેન્ડ વચ્ચે ચાર ટેસ્ટ શ્રેણીની ત્રીજી ટેસ્ટ મેચ અમદાવાદના નવનિર્મિત મોટેરા સ્ટેડિયમ ખાતે રમાશે. રાષ્ટ્રપતિ રામનાથ કોવિંદ સ્ટેડિયમને ખુલ્લું મુકશે. આ પ્રસંગે ગૃહમંત્રી અમિત શાહ સહિત બીસીસીઆઈ, ગુજરાત ક્રિકેટ એસોસિએશનના હોદ્દેદારો ઉપસ્થિત રહેશે. રાષ્ટ્રપતિ કોવિંદ ત્રણ વાગ્યા સુધી મેચ નિહાળશે અને ત્યાંથી સીધા અમદાવાદ એરપોર્ટ માટે રવાના થશે. 3.30 વાગ્યે એરપોર્ટથી દિલ્હી માટે રવાના થશે.
પિંક બોલ ટેસ્ટમાં કેવો છે ભારતનો દેખાવ
અત્યાર સુધીમાં ભારત પિંક બોલ ટેસ્ટથી માત્ર બે ટેસ્ટ મેચ રમી છ. ગત વર્ષે ઓસ્ટ્રેલિયાના એડિલેડમાં રમાયેલી પ્રથમ ટેસ્ટ પિંક બોલ ટેસ્ટ હતી. જેમાં ભારતે હારનો સામનો કરવો પડ્યો હતો. 2019માં બાંગ્લાદેશ સામે રમેલી ડે નાઇટ ટેસ્ટમાં ભારતનો વિજય થયો હતો.
સીરિઝ 1-1થી બરાબર
હાલ ચાર ટેસ્ટ મેચની સીરિઝ 1-1થી બરાબર છે. તેથી બંને ટીમો ડે નાઇટ ટેસ્ટ મેચ જીતીને સીરિઝમાં લીડ લેવા માંગશે. પ્રથમ ટેસ્ટમાં ઈંગ્લેન્ડનો 227 રનથી વિજય થયો હતો. જ્યારે બીજી ટેસ્ટમાં ભારતે ઈંગ્લેન્ડને 317 રનથી હરાવી શ્રેણી સરભર કરી હતી.
કેટલા વાગે શરૂ થશે મેચ
ભારતીય સમય મુજબ બપોરે 2.30 કલાકે મેચ શરૂ થશે. 2.00 કલાકે ટોસ થશે. ટેસ્ટ મેચનું લાઇવ ટેલિકાસ્ટ સ્ટાર સ્પોર્ટ્સ નેટવર્ક પરથી થશે. જ્યારે ઓનલાઈન સ્ટ્રીમિગ હોટસ્ટાર નેટવર્કથી જોઈ શકાશે.
અંતિમ બે ટેસ્ટ માટે જાહેર થયેલી ભારતીય ટીમ
કોહલી (કેપ્ટન), રોહિત શર્મા, મયંક અગ્રવાલ, શુબમન ગીલ, ચેતેશ્વર પૂજારા, અજિન્ક્યા રહાણે (વાઇસ કેપ્ટન), કે.એલ. રાહુલ, હાર્દિક પંડયા, રિષભ પંત (વિકેટ કિપર), રીધ્ધીમાન સહા (વિકેટ કિપર), આર અશ્વિન, કુલદિપ યાદવ, અક્ષર પટેલ, વોશિંગ્ટન સુંદર, ઇશાંત શર્મા, જસપ્રીત બુમરાહ, મોહમ્મદ સિરાજ, ઉમેશ યાદવ
- - - - - - - - - Advertisement - - - - - - - - -