KL Rahul and Athiya Shetty wedding: ટીમ ઇન્ડિયાના સ્ટાર બેટ્સમેન કેએલ રાહુલ અને બૉલીવુડ એક્ટ્રેસ આથિયા શેટ્ટી બહુ જલદી લગ્ન કરવાના છે, બન્નેના લગ્નની તારીખો લગભગ કન્ફોર્મ થઇ ચૂકી છે, હવે આ બધાની વચ્ચે વેડિંગ વેન્યૂને લઇને પણ સમાચાર સામે આવ્યા છે. રિપોર્ટ છે કે, સ્ટાર કપલના લગ્ન મુંબઇની બહાર ખંડાલામાં થશે. તાજેતરમાં બન્ને લવ બર્ડ રૉમાન્ટિક ટૂર પર ન્યૂ ઇયર સેલિબ્રેશન કરવા નીકળ્યા હતા.
ખંડાલાના આલિશાન બંગલામાં થશે ભવ્ય લગ્ન -
રિપોર્ટમાં એવું પણ કહેવામાં આવ્યું છે કે અથિયા-કેએલ રાહુલના લગ્ન સુનીલ અને માના શેટ્ટીના લવિશ ખંડાલાના ઘર 'જહાં'માં થશે. 'જહાં' બંગલો સુનીલ શેટ્ટીનો છે, અને મુંબઇથી લગભગ 78 કિલોમીટર દુર છે. આ લગ્નમાં બન્ને પરિવારના સભ્યો ઉપરાંત મિત્રો જ હાજર રહેશે. એક્ટર સુનીલ શેટ્ટીનો આ ખંડાલા વાળો 'જહાં' બંગલો પહાડી વિસ્તારમાં છે અને આલીશાન છે.
Athiya Shetty- KL Rahulના લગ્નની તારીખ નજીક! આ દિવસે ભવ્ય લગ્ન યોજાશે
Athiya Shetty KL Rahul Wedding Date: બોલિવૂડના દિગ્ગજ અભિનેતા સુનિલ શેટ્ટીની દીકરી આથિયા શેટ્ટી અને ક્રિકેટર KL રાહુલના લગ્ન હવે બહુ દૂર નથી. આથિયા શેટ્ટી અને ક્રિકેટર કેએલ રાહુલ આવતા વર્ષે જાન્યુઆરીમાં લગ્ન કરવાના અહેવાલ છે. લવ બર્ડ્સ આથિયા શેટ્ટી અને કેએલ રાહુલ જાન્યુઆરી 2023ના ચોથા સપ્તાહમાં એટલે કે 21થી 23 જાન્યુઆરી વચ્ચે લગ્ન કરી શકે છે. આ ભવ્ય લગ્નની તૈયારીઓમાં પરિવાર અને નજીકના મિત્રો સામેલ થશે.
આથિયા-કેએલ રાહુલના લગ્નની કંકોત્રી ક્યારે મોકલાશે ?
કેએલ રાહુલની નજીકના એક સૂત્રએ જણાવ્યું હતું કે દંપતી થોડા દિવસોમાં જ આમંત્રણ કાર્ડ મોકલવાનું શરૂ કરશે અને મહેમાનોને 21થી 23 જાન્યુઆરી સુધી લગ્નના સમારોહમાં આવવાનું આમંત્રણ આપશે. આવી સ્થિતિમાં લગ્ન આડે હવે ગણતરીના દિવસો જ બાકી છે ત્યારે તૈયારીઓ પૂરજોશમાં ચાલી રહી છે.
લાંબા સમયથી એકબીજાને ડેટ કરી રહ્યાં છે -
ભારતીય ટીમના વર્તમાન વાઇસ કેપ્ટન કેએલ રાહુલ અને બોલિવૂડ અભિનેત્રી આથિયા શેટ્ટી લાંબા સમયથી એકબીજાને ડેટ કરી રહ્યાં છે. તેઓ ઘણી જગ્યાએ એકસાથે પણ જોવા મળ્યા છે. હવે આ કપલના લગ્ન જાન્યુઆરી 2023માં થવાના છે. રાહુલ અને આથિયાના લગ્ન સુનીલ શેટ્ટીની ખંડાલા મેન્શનમાં થશે.