IPL 2020 SRH v DC:  આજે ઈન્ડિયન પ્રીમિયર લીગમાં 47મો મુકાબલો સનરાઇઝર્સ હૈદરાબાદ અને દિલ્હી કેપિટલ્સ વચ્ચે રમાઇ રહ્યો છે.  મેચમાં દિલ્હી કેપિટલ્સે ટોસ જીતીને પ્રથમ ફિલ્ડિંગનો નિર્ણય લીધો હતો. જોકે દિલ્હીના કેપ્ટનનો આ નિર્ણય ઉંધો પડ્યો હતો. સનરાઇઝર્સના બેટ્સમેનોએ શરૂઆતથી જ આક્રમક બેટિંગ કરી હતી. હૈદરાબાદે 20 ઓવરમાં 2 વિકેટના નુકસાન પર 219 રન બનાવ્યા હતા.

સનરાઇઝર્સના ઓપનરોએ ટીમને શાનદાર શરૂઆત અપાવી હતી. કેપ્ટન ડેવિડ વોર્નર (34 બોલમાં 66 રન) અને રિદ્ધીમાન સાહાએ (45 બોલમાં 87 રન) પ્રથમ વિકેટ માટે 107 રનની પાર્ટનરશિપ કરી હતી. મનીષ પાંડે 31 બોલમાં 44 રન બનાવી નોટ આઉટ રહ્યો હતો.



દિલ્હી કેપિટલ્સની આજની ટીમ: શિખર ધવન, અજિંક્ય રહાણે, શ્રેયસ ઐયર (કેપ્ટન), ઋષભ પંત(વિકેટકીપર), માર્કસ સ્ટોઈનિસ, શિમરોન હેટમાયર, અક્ષર પટેલ, રવિચંદ્રન અશ્વિન, કગીસો રબાડા, તુષાર દેશપાંડે અને એનરિચ નોર્ટજે

સનરાઇઝર્સ હૈદરાબાદની આજની ટીમ: ડેવિડ વોર્નર (કપ્તાન), કેન વિલિયમ્સન, મનીષ પાંડે, વિજય શંકર, રિદ્ધિમાન સાહા(વિકેટકીપર), અબ્દુલ સમદ, જેસન હોલ્ડર, શાહબાઝ નદીમ, રાશિદ ખાન, સંદીપ શર્મા અને ટી. નટરાજન