નવી દિલ્હીઃ આઈપીએલમાં 52મો મુકાબલો આઝે સનરાઇઝર્સ હૈદરાબાદ અને રોયલ ચેલેન્જર્સ બેંગ્લોર વચ્ચે રમાયો હતો. બેંગ્લોરે પ્રથમ બેટિંગ કરતાં 20 ઓવરમાં 7 વિકેટના નુકસાન પર 120 રન બનાવ્યા હતા. બેંગ્લોર તરફથી ફિલિપે 32, ડિવિલિયર્સે 24 રનનું યોગદાન આપ્યું હતું. કોહલી મોટી ઈનિંગ રમવામાં નિષ્ફળ ગયો હતો અને માત્ર 8 રન બનાવી શક્યો હતો. હૈદરાબાદ તરફથી સંદીપ શર્મા અને હોલ્ડરે 2-2 વિકેટ લીધી હતી.

મેચ જીતવા 121 રનના લક્ષ્યાંકને હૈદરાબાદની ટીમે 14.1 ઓવરમાં 5 વિકેટ ગુમાવી હાંસલ કરી લીધો હતો. વોર્નરે 8, સાહાએ 38, મનીષ પાંડેએ 26 રન બનાવ્યા હતા. હોલ્ડર 10 બોલમાં 26 રન ફટકારી નોટ આઉટ રહ્યો હતો. બેંગ્લોર તરફથી ચહલને 2 સફળતા મળી હતી.

મેચ હારવા છતાં આરસીબી પોઇન્ટ ટેબલમાં બીજા સ્થાને છે. 13 મેચમાં 7 જીત અને 6 હાર સાથે 14 પોઇન્ટ સાથે -0.145 રનરેટ સાથે આરસીબી પોઇન્ટ ટેબલમાં બીજા ક્રમે છે.