RCB vs GT: બેંગલુરુએ ગુજરાતને 4 વિકેટે હરાવ્યું, પ્લેઓફની આશા રાખી જીવંત

IPL 2024, RCB vs GT LIVE Score: અહીં તમને રોયલ ચેલેન્જર્સ બેંગ્લુરુ અને ગુજરાત ટાઇટન્સ વચ્ચેની મેચનો લાઇવ સ્કોર અને મેચ સંબંધિત તમામ અપડેટ્સ મળશે.

બ્રેકગ્રાઉન્ડ

Royal Challengers Bengaluru vs Gujarat Titans: આજે IPL 2024 માં રોયલ ચેલેન્જર્સ બેંગલુરુ અને ગુજરાત ટાઇટન્સ વચ્ચે મેચ રમાશે. બંને ટીમો RCBના હોમ ગ્રાઉન્ડ એમ ચિન્નાસ્વામી સ્ટેડિયમમાં ટકરાશે. આ મેદાનને બોલરોનું કબ્રસ્તાન કહેવામાં આવે છે. હાઈ સ્કોરિંગ મેચો અહીં વારંવાર જોવા મળે છે. આવી સ્થિતિમાં આજે પણ અહીં મોટો સ્કોર બની શકે છે.આ સિઝનમાં બેંગલુરુ અને ગુજરાત વચ્ચેની આ બીજી ટક્કર હશે. આ પહેલા અમદાવાદના નરેન્દ્ર મોદી સ્ટેડિયમમાં બંને ટીમો વચ્ચે મેચ રમાઈ હતી. ત્યારે RCBએ ગુજરાતને કારમી હાર આપી હતી. આવી સ્થિતિમાં શુભમન ગિલની ટીમ અગાઉની હારનો બદલો લેવાના ઈરાદા સાથે આજે મેદાનમાં ઉતરશે.

04/05/2024 23:01:06

RCB vs GT Full Highlights: બેંગલુરુએ ગુજરાતને 4 વિકેટે હરાવ્યું

IPL 2024ની 52મી મેચમાં રોયલ ચેલેન્જર્સ બેંગ્લોરે ગુજરાત ટાઇટન્સને 4 વિકેટે હરાવ્યું હતું. ગુજરાતે પ્રથમ બેટિંગ કરતાં 147 રન બનાવ્યા હતા. જવાબમાં આરસીબીએ 13.4 ઓવરમાં 6 વિકેટ ગુમાવીને લક્ષ્યનો પીછો કરી લીધો હતો. બેંગલુરુની 11 મેચોમાં આ ચોથી જીત છે અને તે હવે પોઈન્ટ ટેબલમાં 10માથી સાતમા સ્થાને પહોંચી ગઈ છે. આરસીબી તરફથી ફાફ ડુ પ્લેસિસે 64 રન અને વિરાટ કોહલીએ 42 રન બનાવ્યા હતા.

04/05/2024 22:38:21

બેંગ્લોરની છઠ્ઠી વિકેટ પડી, વિરાટ કોહલી પણ આઉટ

બેંગલુરુની છઠ્ઠી વિકેટ 11મી ઓવરમાં 117 રનમાં પડી હતી. વિરાટ કોહલી 27 બોલમાં 42 રન બનાવીને આઉટ થયો હતો. વિરાટે 2 ચોગ્ગા અને 4 છગ્ગા ફટકાર્યા હતા. વિરાટને નૂર અહેમદે આઉટ કર્યો હતો.

04/05/2024 22:09:11

RCBનો સ્કોર 6 ઓવર પછી 1 વિકેટે 92 રન

આરસીબીનો કેપ્ટન ફાફ ડુ પ્લેસિસ 23 બોલમાં 63 રનની તોફાની ઇનિંગ રમીને પેવેલિયન પરત ફર્યો છે. જોશુઆ લિટલે ફાફ ડુ પ્લેસિસને પોતાનો શિકાર બનાવ્યો હતો. આરસીબીના કેપ્ટને પોતાની ઇનિંગમાં 10 ચોગ્ગા અને 3 છગ્ગા ફટકાર્યા હતા. હવે વિરાટ કોહલી સાથે વિલ જેક્સ ક્રિઝ પર છે. તે જ સમયે, RCBનો સ્કોર 6 ઓવર પછી 1 વિકેટે 92 રન છે.

04/05/2024 21:59:04

આરસીબીનો સ્કોર 46/0

3 ઓવર પછી બેંગલુરુનો સ્કોર કોઈ વિકેટ વિના 46 રન છે. વિરાટ કોહલી અને ફાફ ડુ પ્લેસિસ માત્ર ચોગ્ગા અને છગ્ગામાં જ ડીલ કરી રહ્યા છે. વિરાટ છ બોલમાં 14 રન અને પ્લેસિસ 12 બોલમાં 32 રન બનાવીને રમતમાં છે. આરસીબીને હવે જીતવા માટે માત્ર 102 રન બનાવવાના છે.

04/05/2024 21:35:53

ગુજરાત 147 રનમાં ઓલ આઉટ

બેંગલુરુના એમ ચિન્નાસ્વામી સ્ટેડિયમમાં ટોસ હાર્યા બાદ પ્રથમ બેટિંગ કરવા આવેલી ગુજરાત ટાઇટન્સ 147 રનમાં ઓલઆઉટ થઈ ગઈ હતી. ગુજરાતની શરૂઆત ખૂબ જ ખરાબ રહી હતી. પ્રથમ 6 ઓવરમાં ટીમનો સ્કોર 3 વિકેટે માત્ર 23 રન હતો. જો કે, રાહુલ તેવટિયાના 21 બોલમાં 35 રન, શાહરૂખ ખાનના 24 બોલમાં 37 રન, ડેવિડ મિલરના 20 બોલમાં 30 રન અને રાશિદ ખાનના 14 બોલમાં 18 રનની ઉપયોગી ઇનિંગ્સે ગુજરાતને સન્માનજનક સ્કોર સુધી પહોંચાડ્યું હતું.

 

04/05/2024 20:26:52

9 ઓવર પછી ગુજરાત ટાઇટન્સનો સ્કોર 3 વિકેટે 49 રન

9 ઓવર પછી ગુજરાત ટાઇટન્સનો સ્કોર 3 વિકેટે 49 રન છે. શાહરૂખ ખાન 14 બોલમાં ચાર ચોગ્ગાની મદદથી 23 રન અને ડેવિડ મિલર 12 બોલમાં 12 રન બનાવીને રમતમાં છે. બંને વચ્ચે 21 બોલમાં 30 રનની ભાગીદારી છે.

04/05/2024 20:00:58

ગુજરાતનો સ્કોર 18-2

5 ઓવર પછી ગુજરાત ટાઇટન્સનો સ્કોર બે વિકેટે 18 રન છે. સાઈ સુદર્શન 12 બોલમાં છ રન પર છે. જ્યારે શાહરૂખ ખાન ચાર બોલમાં સાત રન પર છે. આરસીબીના બોલરો યોગ્ય લાઇન લેન્થ પર બોલિંગ કરી રહ્યા છે. આવી સ્થિતિમાં ગુજરાતના બેટ્સમેનો રન બનાવવા માટે સંઘર્ષ કરી રહ્યા છે.

04/05/2024 19:45:48

રિદ્ધિમાન સાહા આઉટ

ગુજરાતે બીજી ઓવરના ત્રીજા બોલ પર પ્રથમ વિકેટ ગુમાવી હતી. અહીં રિદ્ધિમાન સાહા એક રન બનાવીને આઉટ થયો હતો. તેને મોહમ્મદ સિરાજે વિકેટકીપર દિનેશ કાર્તિકના હાથે કેચ આઉટ કરાવ્યો હતો.

 

04/05/2024 19:23:26

ગુજરાત ટાઇટન્સ પ્લેઇંગ-11

શુભમન ગિલ (કેપ્ટન),રિદ્ધિમાન સાહા (વિકેટકીપર), સાઈ સુદર્શન, ડેવિડ મિલર, શાહરૂખ ખાન, રાહુલ તેવટિયા, રાશિદ ખાન, માનવ સુથાર, નૂર અહમદ, મોહિત શર્મા અને જોશુઆ લિટલ.

04/05/2024 19:22:57

રોયલ ચેલેન્જર્સ બેંગલુરુ પ્લેઇંગ-11

ફાફ ડુ પ્લેસિસ (કેપ્ટન), વિરાટ કોહલી, વિલ જેક્સ, ગ્લેન મેક્સવેલ, કેમરૂન ગ્રીન, દિનેશ કાર્તિક (વિકેટકીપર), કર્ણ શર્મા, સ્વપ્નિલ સિંહ, મોહમ્મદ સિરાજ, યશ દયાલ અને વિજયકુમાર વૈશાખ.

04/05/2024 19:17:15

બેંગલુરુએ ટૉસ જીતીને બોલિંગ લીધી

બેંગલુરુએ ટૉસ જીતીને પહેલા બોલિંગ લીધી છે. કેપ્ટન ફાફ ડુ પ્લેસિસે છેલ્લી મેચના પ્લેઇંગ-11માં કોઈ ફેરફાર કર્યો નથી. જ્યારે ગુજરાત બે ફેરફારો સાથે આવી છે. જોશુઆ લિટલ પ્લેઇંગ-11માં પરત ફર્યો છે. માનવ સુથાર IPLમાં ડેબ્યૂ કરી રહ્યો છે.