KL Rahul Flew Stunt Plane: કેએલ રાહુલને T20 વર્લ્ડ કપ 2024માં ટીમ ઈન્ડિયાનો ભાગ બનાવવામાં આવ્યો ન હતો. T20 વર્લ્ડ કપ પછી, યુવા ટીમ ઈન્ડિયાએ પાંચ મેચની T20 શ્રેણી માટે ઝિમ્બાબ્વેની મુલાકાત લીધી. હવે ભારતીય ટીમ શ્રીલંકા સામે વનડે અને ટી-20 શ્રેણી રમશે. કેએલ રાહુલને શ્રીલંકા સામેની વનડે શ્રેણી માટે ટીમનો ભાગ બનાવવામાં આવ્યો છે. જો કે, શ્રીલંકા સિરીઝ પહેલા કેએલ રાહુલ 'સ્ટંટ પ્લેન' ઉડાડતો જોવા મળ્યો હતો.
રાહુલનો 'સ્ટંટ પ્લેન' ઉડાડતો વીડિયો સોશિયલ મીડિયા પર ઝડપથી વાયરલ થઈ રહ્યો છે. પ્લેન ઉડાડ્યા બાદ રાહુલે પોતાનો અનુભવ પણ શેર કર્યો હતો. વીડિયોમાં જોઈ શકાય છે કે રાહુલ પ્લેનની 'કોકપીટ' (જ્યાં પ્લેનને કંટ્રોલ કરવામાં આવે છે)માં બેઠો છે. જો કે રાહુલ સાથે અન્ય પાયલોટ પણ હાજર હતો. પ્લેન ઉડાડતા પહેલા રાહુલે કહ્યું, "હું ઉત્સાહિત છું, નર્વસ છું, ડરેલો અને બધું જ."
ત્યારપછી પ્લેન ઉડાડ્યા બાદ રાહુલે પોતાનો અનુભવ શેર કર્યો અને કહ્યું, "ડાબેથી જમણે ઊંધા ગયા. અમે આગળ ઉપર ગયા અને વધુ નીચે ગયા. પુરી 20 મિનિટ સુધી હું માત્ર સામે જ જોતો રહ્યો, બીજે ક્યાંય જોતો ન હતો. ખૂબ ડરામણું હતું."" અહીં વિડિયો જુઓ...
કેએલ રાહુલ ટી20 ટીમની યોજનામાંથી બહાર
તમને જણાવી દઈએ કે T20 અને ODI સીરીઝ માટે શ્રીલંકા રવાના થતા પહેલા ટીમ ઈન્ડિયાના નવા હેડ કોચ ગૌતમ ગંભીરે ચીફ સિલેક્ટર અજીત અગરકર સાથે પ્રેસ કોન્ફરન્સ કરી હતી. આ કોન્ફરન્સમાં કેએલ રાહુલ વિશે વાત કરતી વખતે અજીત અગરકરે કહ્યું હતું કે કેએલ રાહુલ હાલમાં ટી20 પ્લાનમાંથી બહાર છે. રાહુલને શ્રીલંકા સામેની ટી-20 શ્રેણી માટે પણ ટીમ ઈન્ડિયાનો ભાગ બનાવવામાં આવ્યો નથી. જોકે રાહુલ એવો ખેલાડી છે જે ટીમ ઈન્ડિયા માટે ત્રણેય ફોર્મેટ રમે છે.
ભારતની વન ડે ટીમ
રોહિત શર્મા (કેપ્ટન), શુભમન ગિલ (વાઈસ-કેપ્ટન), વિરાટ કોહલી, કેએલ રાહુલ, રિષભ પંત, શ્રેયસ અય્યર, શિવમ દુબે, કુલદીપ યાદવ, મોહમ્મદ સિરાજ, વોશિંગ્ટન સુંદર, અર્શદીપ સિંહ, રિયાન પરાગ, અક્ષર પટેલ, ખલીલ અહેમદ, હર્ષિત રાણા.