'Kohli Ko Bowling Do': ODI વર્લ્ડ કપ 2023માં ભારતે શ્રીલંકાને 302 રને હરાવીને સેમીફાઈનલમાં પ્રવેશ કર્યો છે. આ મેચમાં શુભમન ગિલ, વિરાટ કોહલી, શ્રેયસ અય્યરે બેટિંગમાં ઉત્કૃષ્ટ દેખાવ કર્યો હતો, જ્યારે મોહમ્મદ શમી અને સિરાજે બોલિંગમાં તબાહી મચાવી હતી. મેચ દરમિયાન ક્રિકેટ ચાહકોએ વિરાટ કોહલીને બોલિંગ કરવાની માંગ કરી હતી, જે બાદ કોહલીની સ્ટાઈલએ ચાહકોનું દિલ જીતી લીધું હતું.
શ્રીલંકાના છ બેટ્સમેનો માત્ર 14 રનના સ્કોર પર પેવેલિયન પરત ફર્યા હતા, ત્યારબાદ સ્ટેડિયમમાં હાજર ક્રિકેટ ચાહકોએ 'કોહલીને બોલિંગ આપો, કોહલીને બોલિંગ આપો'ના નારા લગાવવાનું શરૂ કર્યું હતું.
વાનખેડે ખાતે ભીડ 'કોહલીને બોલિંગ આપો...' ના નારા લગાવી રહી હતી.
બોલિંગની માંગ પર વિરાટ કોહલીએ ફની જવાબ આપ્યો.
દર્શકોની આ માંગ બાદ વિરાટ કોહલી પણ મસ્તીના મૂડમાં જોવા મળ્યો હતો. કોહલીની આ તસવીર સોશિયલ મીડિયા પર વાયરલ થઈ રહી છે. ક્રિકેટ ચાહકોએ કોહલીની આ સ્ટાઇલની ખૂબ પ્રશંસા કરી છે.
નોંધનીય છે કે, ભારતીય ક્રિકેટ ટીમના અનુભવી બેટ્સમેન વિરાટ કોહલીએ આજે શ્રીલંકા (IND vs SL) વિરૂદ્ધ ODI ક્રિકેટમાં એક મોટો રેકોર્ડ બનાવ્યો છે. તેણે સચિન તેંડુલકરના એક વર્ષમાં સૌથી વધુ 7 વખત 1000 રન બનાવવાનો રેકોર્ડને પાર કર્યો છે. વિરાટ કોહલીએ આ વર્ષે 1000 રનના આંકડાને સ્પર્શ કર્યો છે અને તેણે એક વર્ષમાં 8 વખત આ સિદ્ધિ મેળવી છે. વિરાટ કોહલીએ આ રેકોર્ડમાં મહાન બેટ્સમેન સચિન તેંડુલકરને પાછળ છોડી દીધો છે.
તમને જણાવી દઈએ કે સચિન તેંડુલકરે વર્ષ 1994, 1996, 1997, 1998, 2000, 2003 અને 2007માં ODI ક્રિકેટમાં 1000 રન બનાવ્યા હતા, પરંતુ હવે આ રેકોર્ડ વિરાટ કોહલીના નામે 8 વખત બની ગયો છે. વિરાટ કોહલીએ 2011, 2012, 2013, 2014, 2017, 2018, 2019 અને 2023માં ODI ક્રિકેટમાં 1000 રન બનાવ્યા છે. વિરાટ કોહલી માટે આ વર્લ્ડ કપ અત્યાર સુધીનો સર્વશ્રેષ્ઠ રહ્યો છે. તેણે આ ટૂર્નામેન્ટમાં 400થી વધુ રન બનાવ્યા છે.