Shardul Thakur Engagement: ભારતના ફાસ્ટ બોલર શાર્દુલ ઠાકુર તેની ગર્લફ્રેન્ડ મિતાલી પારુલકર સાથે સગાઈ કરી છે. શાર્દુલ અને પારુલકરની સગાઈનો વીડિયો અને ફોટા સોશિયલ મીડિયા પર વાયરલ થયા છે. મુંબઈના બાંદ્રા-કુર્લા કોમ્પલેક્સમાં બંનેએ સગાઇ કરી છે. આ પ્રોગામમાં બંનેના પરિવારના નજીકના સભ્યો જ સામેલ થયા હતા. સગાઈમાં આશરે 75 લોકો સામેલ થયા હતા. રિપોર્ટ મુજબ, શાર્દુલે ખુલાસો કર્યો કે તે આગામી વર્ષે ઓસ્ટ્રેલિયામાં રમાનારા ટી20 વર્લ્ડકપ બાદ લગ્ન કરશે.
30 વર્ષીય શાર્દુલ ભારત માટે અત્યાર સુધીમાં ચાર ટેસ્ટ, 15 વન ડે અને 24 ટી20 ઈન્ટરનેશનલ રમી ચુક્યો છે. તેના વર્કલોડને જોતાં બીસીસીઆઈએ આરામ આપ્યો છે. ઓસ્ટ્રેલિયા અને ઈંગ્લેન્ડ સામે ટેસ્ટમાં અડધી સદી ફટકારીને એક બેટ્સમેન તરીકે પણ ઓળખ બનાવી હતી. શાર્દુલ તાજેતરમાં રમાયેલા ટી20 વર્લ્ડકપમાં પણ ભારતીય ટીમનો હિસ્સો હતો. પરંતુ બે મેચ રમ્યો હતો અને એક પણ વિકેટ ઝડપી શક્યો નહોતો.
શાર્દુલ મુંબઈના પાલઘરમાં રહે છે. તેમે 2017માં ટીમ ઈન્ડિયા માટે લિમિટેડ ઓવરની ક્રિકેટ અને 2018માં ટેસ્ટ ડેબ્યૂ કર્યુ હતું. તે મુંબઈની રણજી ચેમ્પિયન ટીમનો પણ હિસ્સો રહ્યો છે. આઈપીએલમાં તેણે કિંગ્સ ઈલેવન પંજાબ સાથે શરૂઆત કરી હતી. પરંતુ બાદમાં ચેન્નઈ સુપરકિંગ્સ સાથે જોડાયો હતો અને 2018 તથા 2021માં આઈપીએલ ખિતાબ જીતનારી મહેન્દ્ર સિંહ ધોનીની ટીમનો હિસ્સો હતો.