Cricket News: શુક્રવારે દક્ષિણ આફ્રિકાના યુવા બેટ્સમેન મેથ્યુ બ્રીત્જકેએ ઓસ્ટ્રેલિયા સામે ODI ક્રિકેટમાં એક એવી સિદ્ધિ મેળવી છે, જે આજ સુધી કોઈ બેટ્સમેન કરી શક્યો નથી. બ્રીત્જકે ઓસ્ટ્રેલિયા સામેની બીજી ODIમાં શાનદાર અડધી સદી ફટકારીને ઇતિહાસના પાનામાં પોતાનું નામ નોંધાવ્યું છે. બીજી ODIમાં 88 રનની ઇનિંગ રમીને, બ્રીત્જકે પોતાની બધી પહેલી ચાર ODI મેચમાં 50 કે તેથી વધુ રન બનાવનાર પ્રથમ ક્રિકેટર બન્યો.
બ્રીત્જકે ODI ક્રિકેટમાં શાનદાર શરૂઆત કરીને ઇતિહાસ રચ્યો
બ્રીત્જકે પાકિસ્તાન સામે ODI ડેબ્યૂ કર્યું. તે મેચમાં બ્રીત્જકેએ 150 રનની ઇનિંગ રમી. ODI ડેબ્યૂમાં કોઈપણ ખેલાડી દ્વારા રમાયેલી આ સૌથી મોટી ઇનિંગ છે. આ પછી, તેણે ફરીથી પાકિસ્તાન સામે 83 રનની ઇનિંગ રમી. હવે બ્રીત્જકે ઓસ્ટ્રેલિયા સામેની પહેલી ODIમાં 57 રન બનાવ્યા. આ પછી, તેણે બીજી ODIમાં 88 રનની ઇનિંગ રમીને ઇતિહાસ રચ્યો. બ્રીત્જકે ODI ઇતિહાસમાં પોતાની પહેલી ચારેય ODI મેચમાં 50 કે તેથી વધુ રન બનાવનાર પ્રથમ ખેલાડી બન્યો.
ડેબ્યૂ વનડે મેચમાં સૌથી વધુ સ્કોરનો રેકોર્ડબાય ધ વે, મેથ્યુ બ્રીત્જકે નો પહેલેથી જ એક વર્લ્ડ રેકોર્ડ છે, જે પોતાની ડેબ્યૂ મેચમાં સૌથી વધુ રન બનાવનાર ખેલાડી બન્યો. તેણે લાહોરમાં આ સિદ્ધિ મેળવી હતી, જ્યાં તેણે ન્યૂઝીલેન્ડ સામેની પોતાની પહેલી વનડેમાં 150 રન બનાવ્યા હતા, જે તેનો પહેલો 50+ સ્કોર હતો. તેની બીજી અડધી સદી પાકિસ્તાન સામેની તે જ શ્રેણીમાં આવી હતી, જ્યાં તેણે 83 રનની મહત્વપૂર્ણ ઇનિંગ રમી હતી. ઓસ્ટ્રેલિયા સામેની વર્તમાન ODI શ્રેણીની પહેલી મેચ કેર્ન્સમાં રમાઈ હતી, જ્યાં તેણે 57 રનની ઇનિંગ રમી હતી.
દક્ષિણ આફ્રિકાએ શ્રેણી પર કબજો કર્યો
દક્ષિણ આફ્રિકાએ બીજી ODIમાં ઓસ્ટ્રેલિયાને રનથી હરાવીને ત્રણ મેચની ODI શ્રેણી પર કબજો કર્યો છે. દક્ષિણ આફ્રિકાએ પહેલી મેચ 98 રનથી જીતી હતી. હવે બીજી ODI જીતીને, દક્ષિણ આફ્રિકાએ શ્રેણીમાં 2-0ની અજેય લીડ મેળવી છે.
દક્ષિણ આફ્રિકાએ પહેલા બેટિંગ કરીને 277 રન બનાવ્યા. બ્રીત્જકેએ 88 અને ટ્રિસ્ટન સ્ટબ્સે 74 રન બનાવ્યા. જવાબમાં, આખી ઓસ્ટ્રેલિયન ટીમ 193 રનમાં ઓલઆઉટ થઈ ગઈ. દક્ષિણ આફ્રિકાએ બીજી મેચ 84 રનથી જીતીને શ્રેણી જીતી લીધી. દક્ષિણ આફ્રિકા માટે લુંગી ન્ગીડીએ 5 વિકેટ લીધી. ઓસ્ટ્રેલિયા માટે, જોશ ઇંગ્લિસે 74 બોલમાં 87 રનની ઇનિંગ રમી. પરંતુ તેને બીજા છેડેથી વધુ ટેકો મળ્યો ન હતો. જેના કારણે તે ટીમને જીત અપાવવામાં નિષ્ફળ ગયો.