MI vs KKR, IPL 2023: મુંબઈ ઈન્ડિયન્સે કોલકાતાએ 5 વિકિટે હરાવ્યું, ઈશાન અને સૂર્યાની તોફાની બેટિંગ
MI vs KKR, IPL 2023 Live Score: મેચ મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે રમાશે. આ મેચ સંબંધિત લાઇવ અપડેટ્સ અહીં વાંચો.
વાનખેડે ખાતે રમાયેલી IPL 2023 ની 22મી મેચમાં, મુંબઇ ઇન્ડિયન્સે કોલકાતા નાઇટ રાઇડર્સને 5 વિકેટથી હરાવ્યું છે. કોલકાતાએ પ્રથમ બેટિંગ કરતા 20 ઓવરમાં 185 રન બનાવીને મુંબઈને 186 રનનો ટાર્ગેટ આપ્યો હતો. જવાબમાં મુંબઈએ 17.4 ઓવરમાં ખૂબ જ સરળતાથી લક્ષ્યનો પીછો કરી લીધો હતો. મુંબઈ તરફથી ઈશાન કિશને 58, તિલક વર્માએ 30 અને સૂર્યકુમાર યાદવે 43 રન બનાવ્યા હતા. તો બીજી તરફ કેકેઆરના વેંકટેશ ઐયરની સદી વ્યર્થ ગઈ હતી.
સૂર્ય કુમાર યાદવ 25 બોલમાં 42 રન કરી આઉટ થયો છે
મુંબઈ ઈન્ડિયન્સ તરફથી સૂર્યકુમાર યાદવ અને તિલક વર્મા વચ્ચે ત્રીજી વિકેટ માટે અડધી સદીની ભાગીદારી પૂરી થતાં ટીમનો સ્કોર 13 ઓવર પછી 147 રન થઈ ગયો હતો. હવે જીતવા માટે 43 બોલમાં 39 રનની જરૂર છે. જો કે, તિલક વર્મા 30 રનના અંગત સ્કોરે આઉટ થયો છે.
10 ઓવર બાદ મુંબઈ ઈન્ડિયન્સનો સ્કોર બે વિકેટે 100 રન થઈ ગયો છે. સૂર્યકુમાર યાદવ અને તિલક વર્મા રમી રહ્યા છે. મુંબઈને જીતવા માટે હજુ 84 રન બનાવવાના છે.
માત્ર 21 બોલમાં અડધી સદી ફટકારનાર ઈશાન કિશન 25 બોલમાં 58 રન બનાવીને આઉટ થયો હતો. તેને મિસ્ટ્રી સ્પિનર વરુણ ચક્રવર્તીએ બોલ્ડ કર્યો હતો. ઈશાને પાંચ ચોગ્ગા અને પાંચ છગ્ગા ફટકાર્યા હતા. 7.3 ઓવર બાદ મુંબઈ ઈન્ડિયન્સનો સ્કોર 2 વિકેટે 87 રન છે.
3 ઓવર પછી મુંબઈ ઈન્ડિયન્સનો સ્કોર કોઈ પણ વિકેટ વિના 35 રન છે. ઈશાન કિશન 10 બોલમાં 26 રન બનાવીને રમી રહ્યો છે. આ દરમિયાન તેના બેટમાંથી 3 ચોગ્ગા અને 2 છગ્ગા નીકળ્યા છે. તે જ સમયે, રોહિત શર્મા એક સિક્સરની મદદથી 9 રન પર છે.
કોલકાતા નાઈટ રાઈડર્સે 20 ઓવરના અંતે 6 વિકેટે 185 રન બનાવ્યા છે. કોલકાતા તરફથી વેંકટેશ અય્યરે સૌથી વધુ 51 બોલમાં 104 રન બનાવ્યા હતા. જ્યારે અંતમાં રસેલે 11 બોલમાં 21 રન બનાવ્યા હતા.
વેંકટેશ અય્યરે પોતાની સદી પુરી કરી છે. તેણે 49 બોલમાં 100 રન બનાવ્યા છે.
15 ઓવર ના અંતે કોલકાતાએ 4 વિકેટ ગુમાવીને 140 રન રન બનાવી લીધા છે. રિંકુ સિંહ અને વૈંકટેશ બેટિંગ કરી રહ્યા છે.
વેંકટેશ એય્યરે ફિફ્ટી ફટકારી છે. હાલમાં કોલકાતાએ 10 ઓવરના અંતે 3 વિકેટે 90 રન બનાવ્યા છે.
કેપ્ટન નીતિશ રાણા 5 રને આઉટ થયો છે. 8.1 ઓવરમાં 3 વિકેટે કોલકાતાએ 73 રન બનાવ્યા છે.
5 ઓવર પછી કોલકાતા નાઈટ રાઈડર્સનો સ્કોર 55 રન છે. વેંકટેશ અય્યર અત્યંત તોફાની બેટિંગ કરી રહ્યો છે. વેંકટેશ 15 બોલમાં 38 રન બનાવીને રમી રહ્યો છે. આ દરમિયાન તેના બેટમાંથી 2 ચોગ્ગા અને 4 છગ્ગા નીકળ્યા હતા. રહેમાનુલ્લા ગુરબાઝ 8 રન કરી આઉટ થયો છે.
કોલકાતાની પ્રથમ વિકેટ પડી છે. જગદીસન ઝીરો પર આઉટ થયો છે.
ઈશાન કિશન (wk), કેમરોન ગ્રીન, તિલક વર્મા, સૂર્યકુમાર યાદવ (કેપ્ટન), ટિમ ડેવિડ, નેહલ વઢેરા, અર્જુન તેંડુલકર, હૃતિક શોકીન, પીયૂષ ચાવલા, ડ્વેન જોન્સન, રિલે મેરેડિથ
રહેમાનુલ્લા ગુરબાઝ (વિકેટ), વેંકટેશ ઐયર, એન જગદીસન, નીતિશ રાણા (કેપ્ટન), રિંકુ સિંહ, આન્દ્રે રસેલ, સુનીલ નરેન, શાર્દુલ ઠાકુર, ઉમેશ યાદવ, લોકી ફર્ગ્યુસન, વરુણ ચક્રવર્તી
બ્રેકગ્રાઉન્ડ
MI vs KKR, IPL 2023 Live Score: IPL 2023 ની 22મી મેચ મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે રમાશે. રોહિત શર્માની કેપ્ટન્સીમાં મુંબઈ હોમ ગ્રાઉન્ડ પર મેચ રમશે. ટીમે છેલ્લી મેચમાં દિલ્હી કેપિટલ્સને 6 વિકેટે હરાવ્યું હતું. હવે તે ફરી એકવાર જીતનો સિલસિલો જારી રાખવાના ઈરાદા સાથે મેદાનમાં ઉતરશે. નીતિશ રાણાની કપ્તાનીવાળી KKRને છેલ્લી મેચમાં હારનો સામનો કરવો પડ્યો હતો. તેના માટે આ મેચ જીતવી આસાન નહીં હોય.
- - - - - - - - - Advertisement - - - - - - - - -