Zakir Naik-Nawaz Sharif Meeting: ભાગેડુ ઇસ્લામિક ઉપદેશક ઝાકિર નાઈકની પાકિસ્તાનના ભૂતપૂર્વ વડાપ્રધાન નવાઝ શરીફ અને ક્રિકેટર મોહમ્મદ હાફીઝ સાથેની મુલાકાતે વિવાદ ઉભો કર્યો છે. એક્સપ્રેસ ટ્રિબ્યુનના અહેવાલ મુજબ, નાઈકે શરીફ પરિવારને રાયવિંડ સ્થિત તેમના નિવાસસ્થાને મળ્યા હતા પરંતુ વાતચીત અંગે કોઈ સત્તાવાર નિવેદન જાહેર કરવામાં આવ્યું નથી. બીજીતરફ, ઝાકિર નાઈક સાથેની મુલાકાતની તસવીરો સોશિયલ મીડિયા પર શેર કર્યા બાદ મોહમ્મદ હાફીઝને ભારે ટીકાનો સામનો કરવો પડ્યો છે.
એક્સપ્રેસ ટ્રિબ્યુન અનુસાર, નવાઝ શરીફ અને ઝાકિર નાઈક વચ્ચેની મુલાકાતમાં અનેક મુદ્દાઓ પર ચર્ચા થઈ હોવાના અહેવાલ છે. જોકે, કોઈ સત્તાવાર માહિતી આપવામાં આવી નથી. ઝાકિર નાઈક ભારતમાં મની લોન્ડરિંગ અને ઉગ્રવાદને ભડકાવવાના આરોપસર વોન્ટેડ છે. તેમની તાજેતરની મુલાકાત પાકિસ્તાનના રાજકારણ અને આંતરરાષ્ટ્રીય સંબંધોમાં એક સંવેદનશીલ મુદ્દો બની ગઈ છે.
મોહમ્મદ હાફિઝ અને ઝાકિર નાઇકઃ સોશ્યલ મીડિયા પર નિંદાઝાકિર નાઈક સાથેની મુલાકાતની તસવીરો શેર કરતા મોહમ્મદ હાફીઝે કહ્યું, "ઝાકિર નાઈકને મળીને આનંદ થયો." આ પોસ્ટ પછી, સોશિયલ મીડિયા પર ખાસ કરીને ભારતીય નાગરિકો તરફથી, તીવ્ર પ્રતિક્રિયાઓ આવી. ઘણા લોકોએ આ બેઠકની નિંદા કરી અને તેને ભારત-પાકિસ્તાન ક્રિકેટ સંબંધો સાથે જોડીને કહ્યું કે આવા વાતાવરણમાં ભારત પાકિસ્તાનમાં રમવા માટે તૈયાર ન હોઈ શકે.
ભારત-પાકિસ્તાન ક્રિકેટ પર અસર આ વિવાદે ફરી એકવાર ભારત દ્વારા ICC ચેમ્પિયન્સ ટ્રૉફી 2025 માટે પાકિસ્તાનમાં રમવાનો ઇનકાર કરવાની ચર્ચાઓને વેગ આપ્યો છે. એક સોશિયલ મીડિયા યુઝરે લખ્યું, "જ્યારે તમે એક નિયુક્ત આતંકવાદીનું સ્વાગત કરશો ત્યારે ભારત પાકિસ્તાનમાં કેવી રીતે રમશે?" આ મુદ્દો ભારત અને પાકિસ્તાન વચ્ચે પહેલાથી જ તણાવગ્રસ્ત ક્રિકેટ સંબંધોને વધુ ખરાબ કરી શકે છે.
ઝાકિર નાઇક પર લાગ્યો આરોપ ઝાકિર નાઈક પર ભારતમાં મની લોન્ડરિંગ અને ઉગ્રવાદને પ્રોત્સાહન આપવાનો આરોપ છે. ભારતીય અધિકારીઓ તેને શોધી રહ્યા છે. અને આ કારણે, પાકિસ્તાનમાં તેમનું રોકાણ ભારત-પાકિસ્તાન સંબંધોને વધુ તણાવપૂર્ણ બનાવી રહ્યું છે. આ વિવાદ માત્ર રાજકારણમાં જ નહીં પણ રમતગમતની દુનિયામાં પણ એક મહત્વપૂર્ણ મુદ્દો બની ગયો છે.
ICC ચેમ્પિયન્સ ટ્રૉફી 2025 ને લઇને વિવાદ ઝાકિર નાઈકની નવાઝ શરીફ અને મોહમ્મદ હાફીઝ સાથેની મુલાકાતે વિવાદોને જન્મ આપ્યો છે, જે ભારત-પાકિસ્તાન ક્રિકેટના ભવિષ્યને અસર કરી શકે છે. આ મુદ્દો હવે ICC ચેમ્પિયન્સ ટ્રોફી 2025 અંગે પહેલાથી ચાલી રહેલા વિવાદને વધુ ઘેરો બનાવી શકે છે, અને આ અંગે બંને દેશો વચ્ચે વાતચીતની શક્યતાઓને પણ અસર કરી શકે છે.