MI vs DC: દિલ્હી સામે મુંબઈની શાનદાર જીત, MI પ્લેઓફ માટે ક્વોલિફાય, દિલ્હી કેપિટલ્સ બહાર

MI vs DC Live Updates: આજે મુંબઈ ઈન્ડિયન્સ અને દિલ્હી કેપિટલ્સ વચ્ચે એક રોમાંચક મેચ રમાશે. અહીં તમને મુંબઈ-દિલ્હી મેચનો લાઈવ સ્કોર અને મેચ સંબંધિત તમામ અપડેટ્સ મળશે.

બ્રેકગ્રાઉન્ડ

Mumbai Indians vs Delhi Capitals Live Updates આજે ઈન્ડિયન પ્રીમિયર લીગ સીઝન 18 ની 63મી મેચ મુંબઈ ઈન્ડિયન્સ અને દિલ્હી કેપિટલ્સ (MI vs DC) વચ્ચે છે. વાનખેડે ક્રિકેટ સ્ટેડિયમ ખાતે યોજાનારી આ મેચ પ્લેઓફ માટે મહત્વપૂર્ણ છે. જો દિલ્હી હારી જશે તો તે પ્લેઓફની રેસમાંથી બહાર થઈ જશે અને મુંબઈ ક્વોલિફાય થનારી ચોથી ટીમ બનશે. જ્યારે જો દિલ્હી જીતશે તો હવે કોઈ પણ ટીમ ક્વોલિફાય થશે નહીં. પરંતુ જો વરસાદને કારણે મેચ રદ થાય છે તો દિલ્હીને મોટું નુકસાન થશે.મંગળવારે ભારતીય હવામાન વિભાગે આગામી 4 દિવસ માટે મુંબઈ માટે યલો એલર્ટ જાહેર કર્યું છે. જો વરસાદને કારણે મેચ રદ થાય છે તો બંને ટીમોને 1-1 પોઈન્ટ આપવામાં આવશે. આ સ્થિતિમાં મુંબઈના 15 પોઈન્ટ અને દિલ્હીના 14 પોઈન્ટ રહેશે. ત્યારબાદ બંને ટીમોની આગામી મેચ પંજાબ કિંગ્સ સાથે છે. જો મુંબઈ તે મેચ જીતી જાય તો દિલ્હી તેની છેલ્લી મેચ જીતી જાય તો પણ તે બહાર થઈ જશે.

21/05/2025 23:28:02

મુંબઈ ઇન્ડિયન્સે દિલ્હી કેપિટલ્સને 59 રને હરાવ્યું

MI vs DC Highlights IPL 2025:  મુંબઈ ઇન્ડિયન્સે દિલ્હી કેપિટલ્સને 59 રને હરાવ્યું. આ સાથે, મુંબઈએ પ્લેઓફમાં પોતાનું સ્થાન નિશ્ચિત કરી લીધું છે અને દિલ્હી પ્લેઓફમાંથી બહાર થઈ ગયું છે. આ મેચમાં, MI ટીમે પ્રથમ બેટિંગ કરી અને 180 રન બનાવ્યા. મુંબઈએ છેલ્લી 2 ઓવરમાં 48 રન ઉમેરીને આ મોટો સ્કોર બનાવ્યો હતો, જેના જવાબમાં દિલ્હી ફક્ત 121 રન જ બનાવી શક્યું હતું. ગુજરાત ટાઇટન્સ, રોયલ ચેલેન્જર્સ બેંગ્લોર અને પંજાબ કિંગ્સ પછી મુંબઈ હવે પ્લેઓફમાં પહોંચનારી ચોથી ટીમ બની ગઈ છે.

 

21/05/2025 23:06:50

દિલ્હીની 7મી વિકેટ પડી

દિલ્હી કેપિટલ્સની 7મી વિકેટ પડી ગઈ છે. આશુતોષ શર્મા 16 બોલમાં 18રન બનાવીને આઉટ થયો હતો. આ મેચ સંપૂર્ણપણે મુંબઈના નિયંત્રણમાં છે.

21/05/2025 22:55:41

13 ઓવર પછી ડીસીનો સ્કોર

13 ઓવર પછી દિલ્હી કેપિટલ્સનો સ્કોર 5 વિકેટના નુકસાને 95 રન છે. સમીર રિઝવી 29 બોલમાં 33 રન અને આશુતોષ શર્મા 13 બોલમાં 16 રન બનાવીને બેટિંગ કરી રહ્યા છે.

21/05/2025 22:15:04

દિલ્હીની ત્રીજી વિકેટ પડી

મુંબઈને ત્રીજી સફળતા મળી છે. અભિષેક પોરેલ 9 બોલમાં 6 રન બનાવીને આઉટ થયો હતો. વિલ જેક્સે મુંબઈને ત્રીજી સફળતા અપાવી.

21/05/2025 21:52:42

દિલ્હીની પહેલી વિકેટ પડી

દિલ્હી કેપિટલ્સને પહેલો ઝટકો લાગ્યો છે. કેપ્ટન ફાફ ડુ પ્લેસિસ 7 બોલમાં 6 રન બનાવીને આઉટ થયો હતો. દીપક ચહરે મુંબઈને પહેલી સફળતા અપાવી.

21/05/2025 21:30:29

દિલ્હી સામે 181 રનનો લક્ષ્યાંક

મુંબઈએ દિલ્હીને 181 રનનો લક્ષ્યાંક આપ્યો છે. MI એ છેલ્લી 2 ઓવરમાં 48 રન બનાવ્યા. સૂર્યકુમાર યાદવે 43 બોલમાં અણનમ 73 રનની સર્વોચ્ચ ઇનિંગ્સ રમી. નમન ધીર 8 બોલમાં 24 રન બનાવી અણનમ રહ્યા. આ જોડીએ મુંબઈનો સ્કોર 180 રન સુધી પહોંચાડ્યો.

21/05/2025 20:56:40

મુંબઈએ પોતાની ચોથી વિકેટ ગુમાવી

મુંબઈ ઈન્ડિયન્સની ચોથી વિકેટ પડી ગઈ છે. તિલક વર્મા 27 બોલમાં 27 રન બનાવીને આઉટ થયો. મુકેશ કુમારને બીજી સફળતા મળી.

21/05/2025 20:36:21

સૂર્યકુમાર અને તિલક મુંબઈની ઇનિંગ્સની કમાન સંભાળી

મુંબઈ ઈન્ડિયન્સની ગાડી ફરી પાટા પર આવી રહી હોય તેવું લાગે છે. MI એ 12 ઓવરમાં 3 વિકેટ ગુમાવીને 95 રન બનાવ્યા છે. સૂર્યકુમાર યાદવ 16 બોલમાં 19 રન અને તિલક વર્મા 20 બોલમાં 23 રન બનાવીને બેટિંગ કરી રહ્યા છે.

21/05/2025 21:47:06

મુંબઈનો સ્કોર 8 ઓવરમાં 38 રન

મુંબઈ ઈન્ડિયન્સે 8 ઓવરમાં 3 વિકેટ ગુમાવીને 38 રન બનાવ્યા છે. સૂર્યકુમાર યાદવ 7 બોલમાં 12 રન અને તિલક વર્મા 5 બોલમાં 4 રન બનાવીને બેટિંગ કરી રહ્યા છે.

21/05/2025 19:54:43

મુંબઈએ ચોથી ઓવરમાં 9 રન બનાવ્યા

દિલ્હી તરફથી વિપ્રાજ નિગમે ચોથી ઓવર ફેંકી. આ ઓવરમાં મુંબઈએ 9 રન બનાવ્યા. 4 ઓવરમાં, MIનો સ્કોર એક વિકેટના નુકસાન સાથે 34 રન છે.

21/05/2025 19:53:18

રોહિત 5 રન બનાવીને આઉટ થયો

મુંબઈએ ત્રીજી ઓવરમાં પોતાની પહેલી વિકેટ ગુમાવી દીધી. અહીં રોહિત શર્મા 5 રન બનાવીને આઉટ થયો હતો.

21/05/2025 19:52:14

દિલ્હી કેપિટલ્સ પ્લેઇંગ 11

 ફાફ ડુ પ્લેસિસ (કેપ્ટન), અભિષેક પોરેલ (વિકેટકીપર), સમીર રિઝવી, આશુતોષ શર્મા, ટ્રિસ્ટન સ્ટબ્સ, દુષ્મંથા ચમીરા, વિપરાજ નિગમ, માધવ તિવારી, કુલદીપ યાદવ, મુસ્તફિઝુર રહેમાન અને મુકેશ કુમાર.

21/05/2025 19:51:52

મુંબઈ ઈન્ડિયન્સ પ્લેઇંગ-11

હાર્દિક પંડ્યા (કેપ્ટન), રેયાન રિકલ્ટન (વિકેટકીપર), રોહિત શર્મા, વિલ જેક્સ, સૂર્યકુમાર યાદવ, તિલક વર્મા, નમન ધીર, મિચેલ સેન્ટનર, દીપક ચહર, ટ્રેન્ટ બોલ્ટ અને જસપ્રીત બુમરાહ.

21/05/2025 19:51:20

દિલ્હીએ ટૉસ જીતીને બોલિંગ પસંદ કરી

દિલ્હી કેપિટલ્સે ટૉસ જીતીને બોલિંગ પસંદ કરી. અક્ષર પટેલની જગ્યાએ ફાફ ડુ પ્લેસિસ ટૉસ કરવા આવ્યો છે. ફાફે જણાવ્યું કે અક્ષર પટેલ બીમાર છે.