PAK vs SL Playing 11: શ્રીલંકા મંગળવારે બીજી મેચમાં પાકિસ્તાનના પડકારનો સામનો કરશે. બંને ટીમો વચ્ચેની મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. આ મેચ ભારતીય સમય અનુસાર 2 વાગ્યે શરૂ થશે. પરંતુ આ મેચ માટે પાકિસ્તાન અને શ્રીલંકાની પ્લેઈંગ 11 કેવી હશે?, મહિષ તિક્ષ્ણાની ફિટનેસ પર સવાલ છે.
શ્રીલંકાની સંભવિત પ્લેઈંગ 11
પથુમ નિસાંકા, કુસલ પરેરા, કુસલ મેન્ડિસ (વિકેટકીપર), સદિરા સમરવિક્રમા, ચરિથ અસલંકા, ધનંજય ડી સિલ્વા, દાસુન શનાકા (કેપ્ટન), દુનિથ વેલાલેજ, મથિશા પાથિરાના, દિલશાન મદુશંકા અને કસુન રજિથા.
પાકિસ્તાનની સંભવિત પ્લેઈંગ 11-
ઇમામ-ઉલ-હક, ફખર ઝમાન, બાબર આઝમ (કેપ્ટન), મોહમ્મદ રિઝવાન (વિકેટકીપર), સઉદ શકીલ, ઈફ્તિખાર અહેમદ, શાદાબ ખાન, મોહમ્મદ નવાઝ, હસન અલી, શાહીન આફ્રિદી અને હારિસ રઉફ.
પાકિસ્તાને તેની પ્રથમ મેચમાં નેધરલેન્ડને હરાવ્યું હતું. આ મેચમાં બાબર આઝમની ટીમે 81 રનથી જીત મેળવી હતી. શ્રીલંકાની ટીમને તેની પ્રથમ મેચમાં દક્ષિણ આફ્રિકાએ સરળતાથી પરાજય આપ્યો હતો. આ મેચમાં દાસુન શનાકાની ટીમને 102 રનથી હારનો સામનો કરવો પડ્યો હતો. જો કે શ્રીલંકા માટે આ ઘણી મહત્વની મેચ છે. જ્યારે બાબર આઝમની ટીમ જીત મેળવવાના ઈરાદા સાથે મેદાનમાં ઉતરશે.
ડિઝની પ્લસ હોટસ્ટાર પર ચાહકો વર્લ્ડ કપની મેચોનું લાઈવ સ્ટ્રીમિંગ જોઈ શકે છે. ચાહકો હોટસ્ટાર પર ડિઝની પ્લસનું સ્ટ્રીમિંગ હિન્દી અને અંગ્રેજી સહિત 12 વિવિધ ભાષાઓમાં જોઈ શકે છે. આ સિવાય ચાહકો સ્ટાર સ્પોર્ટ્સ નેટવર્ક પર લાઇવ મેચનો આનંદ માણી શકશે.
આજે વર્લ્ડકપની બીજી મેચ ડિફેન્ડિંગ ચેમ્પિયન ઈંગ્લેન્ડ અને બાંગ્લાદેશ સામે છે. ઇંગ્લેન્ડ અને બાંગ્લાદેશ વચ્ચેની મેચ ધર્મશાળામાં રમાવાની છે. ઇંગ્લેન્ડ અને બાંગ્લાદેશ વચ્ચેની મેચ ભારતીય સમય અનુસાર સવારે 10.30 વાગ્યે શરૂ થશે. ઇંગ્લેન્ડનો ઓલરાઉન્ડર બેન સ્ટોક્સ બાંગ્લાદેશ સામે રમી શકશે નહીં. આ પહેલા બેન સ્ટોક્સ ન્યૂઝીલેન્ડ સામે પણ રમી શક્યો ન હતો. વાસ્તવમાં ઇંગ્લેન્ડને ન્યૂઝીલેન્ડ સામે 9 વિકેટે કારમી હારનો સામનો કરવો પડ્યો હતો. બાંગ્લાદેશે તેની પ્રથમ મેચમાં અફઘાનિસ્તાનને 6 વિકેટથી હરાવ્યું હતું.