PBKS vs RCB Qualifier 1 Live: IPL 2025ની ફાઇનલમાં પહોંચી RCB, પંજાબ કિંગ્સને આઠ વિકેટથી હરાવ્યું

IPL 2025 Qualifier 1 PBKS vs RCB Live score: અહીં તમને પંજાબ કિંગ્સ અને રોયલ ચેલેન્જર્સ બેંગ્લોર વચ્ચેની ક્વોલિફાયર મેચનો લાઈવ સ્કોર અને મેચ સંબંધિત તમામ અપડેટ્સ મળશે.

બ્રેકગ્રાઉન્ડ

IPL 2025 Qualifier 1 PBKS vs RCB Live score: IPL 2025 ની પહેલી ક્વૉલિફાયર મેચ આવતીકાલે એટલે કે 29 મે ના રોજ રમાશે. રોયલ ચેલેન્જર્સ બેંગ્લોર અને પંજાબ કિંગ્સ ન્યૂ ચંદીગઢના મુલ્લાનપુર સ્ટેડિયમ ખાતે ફાઇનલ ટિકિટ માટે ટકરાશે. અહીં જાણો આ મેચમાં RCB ની પ્લેઇંગ ઇલેવન કઈ હોઈ શકે છે.તમને જણાવી દઈએ કે ક્વૉલિફાયર-1 ની વિજેતા ટીમ સીધી ફાઇનલમાં પ્રવેશ કરશે. એટલે કે, બેંગ્લોર અને પંજાબની વિજેતા ટીમને ફાઇનલની ટિકિટ મળશે. લીગ સ્ટેજના અંતે, પંજાબ કિંગ્સ પોઈન્ટ ટેબલમાં પ્રથમ અને આરસીબી બીજા સ્થાને રહી. ક્વૉલિફાયર મેચમાં RCBની ટીમ ઘણી બદલાયેલી દેખાઈ શકે છે. ન્યૂઝીલેન્ડના ટિમ સીફર્ટ, જેકબ બેથલની જગ્યાએ પ્લેઓફ મેચો માટે RCB ટીમમાં જોડાયા છે. ઉપરાંત, જોશ હેઝલવુડ પણ ટીમમાં પાછા ફર્યા છે. તેમનું રમવું લગભગ નિશ્ચિત છે.આ ખેલાડીઓને સ્થાન મળી શકે છે ઓપનિંગની વાત કરીએ તો, ક્વૉલિફાયરમાં પણ ફિલ સોલ્ટ અને વિરાટ કોહલી ઇનિંગ્સ ઓપનિંગ કરતા જોવા મળશે. આ પછી, ટિમ સીફર્ટને ત્રીજા નંબર પર અજમાવી શકાય છે. કેપ્ટન રજત પાટીદાર ચોથા નંબર પર રમતા જોવા મળશે. ત્યારબાદ જીતેશ શર્મા પાંચમા નંબર પર અને મયંક અગ્રવાલ છઠ્ઠા નંબર પર આવી શકે છે.આ પછી, ટિમ ડેવિડ ફિનિશરની ભૂમિકા માટે ટીમમાં પાછો ફરી શકે છે. તે સાતમા નંબર પર રમી શકે છે, અને કૃણાલ પંડ્યા આઠમા નંબર પર એક્શનમાં જોવા મળી શકે છે. આ સિઝનમાં, કૃણાલે જરૂર પડ્યે ટીમ માટે ઉપયોગી ઇનિંગ્સ રમી છે. બોલિંગમાં, જોશ હેઝલવુડ, ભુવનેશ્વર કુમાર અને યશ દયાલ એક્શનમાં જોવા મળી શકે છે. સુયશ શર્મા એક પ્રભાવશાળી ખેલાડી તરીકે રમી શકે છે.ક્વૉલિફાયર-1માં RCBની સંભવિત પ્લેઈંગ ઈલેવન: ફિલ સોલ્ટ, વિરાટ કોહલી, ટિમ સેફર્ટ, રજત પાટીદાર (કેપ્ટન), જીતેશ શર્મા (વિકેટકીપર), મયંક અગ્રવાલ, ટિમ ડેવિડ, કૃણાલ પંડ્યા, જોશ હેઝલવુડ, ભુવનેશ્વર કુમાર અને યશ દયાલ.ઇમ્પેક્ટ પ્લેયર - સુયેશ શર્મા 

29/05/2025 22:15:32

ક્વોલિફાયર-2 માં પંજાબ કિંગ્સનો સામનો એલિમિનેટર મેચના વિજેતા સાથે થશે

હવે પંજાબ કિંગ્સ બીજી ક્વોલિફાયર મેચ રમશે, જે 1 જૂને અમદાવાદમાં રમાશે. ક્વોલિફાયર-2 માં પંજાબ કિંગ્સનો સામનો એલિમિનેટર મેચના વિજેતા સાથે થશે. એલિમિનેટર મેચ 30 મેના રોજ મુંબઈ ઇન્ડિયન્સ અને ગુજરાત ટાઇટન્સ વચ્ચે યોજાવાની છે.

લક્ષ્યનો પીછો કરતી વખતે રોયલ ચેલેન્જર્સ બેંગલુરુની શરૂઆત સારી નહોતી અને તેને 30 રનના સ્કોર પર પહેલો ઝટકો લાગ્યો હતો. વિરાટ કોહલી વિકેટકીપર જોશ ઇંગ્લિસના હાથે ફાસ્ટ બોલર કાયલ જેમિસનના હાથે કેચ આઉટ થયો હતો. કિંગ કોહલીએ 100ના સ્ટ્રાઇક રેટ અને બે ચોગ્ગાની મદદથી 12 રન બનાવ્યા હતા.

વિરાટ કોહલીના આઉટ થયા પછી ફિલ સોલ્ટ અને 'ઇમ્પેક્ટ સબ' મયંક અગ્રવાલ વચ્ચે 54 રનની ભાગીદારી થઈ હતી, જેણે પંજાબ કિંગ્સ પાસેથી મેચ સંપૂર્ણપણે છીનવી લીધી હતી. મયંક 19 રન બનાવીને મુશીર ખાનનો શિકાર બન્યો હતો. મયંકના આઉટ થયા પછી સોલ્ટ અને રજત પાટીદાર (અણનમ 15) એ આરસીબીને જીત અપાવી હતી. સોલ્ટે 27 બોલમાં 6 ચોગ્ગા અને 3 છગ્ગાની મદદથી 56 રન કર્યા હતા.

29/05/2025 22:13:46

રોયલ ચેલેન્જર્સ બેંગલુરુએ ચોથી વખત ફાઇનલમાં પ્રવેશ કર્યો

IPL 2025 Qualifier 1: રોયલ ચેલેન્જર્સ બેંગલુરુએ શાનદાર પ્રદર્શન સાથે ઇન્ડિયન પ્રીમિયર લીગ (IPL) 2025ની ફાઇનલમાં સ્થાન મેળવ્યું હતું. 29 મે (ગુરુવાર) ના રોજ, મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે યોજાયેલી ક્વોલિફાયર-1 મેચમાં બેંગલુરુએ પંજાબ કિંગ્સને 8 વિકેટથી હરાવ્યું હતું. આ મેચમાં RCB ને જીતવા માટે 102 રનનો ટાર્ગેટ મળ્યો હતો, જે તેણે માત્ર 10 ઓવરમાં જ હાંસલ કરી લીધો હતો.

રોયલ ચેલેન્જર્સ બેંગલુરુએ ચોથી વખત ફાઇનલમાં પ્રવેશ કર્યો છે. આ પહેલા તે 2009, 2011 અને 2016 સીઝનમાં ફાઇનલમાં પહોંચી હતી. જોકે, તેને ત્રણેય વખત હારનો સામનો કરવો પડ્યો હતો.

29/05/2025 21:01:38

પંજાબ ટીમ 14.1 ઓવરમાં 101 રનમાં ઓલઆઉટ

ઇન્ડિયન પ્રીમિયર લીગ (IPL) 2025 ની ક્વોલિફાયર-1 મેચમાં આજે પંજાબ કિંગ્સ (PBKS) રોયલ ચેલેન્જર્સ બેંગ્લોર (RCB) સામ સામે છે. બંને ટીમો વચ્ચેનો આ મુકાબલો મુલ્લાનપુરના મહારાજા યાદવિન્દ્ર સિંહ ઇન્ટરનેશનલ ક્રિકેટ સ્ટેડિયમ ખાતે રમાઈ રહ્યો છે. આ મેચમાં પંજાબ કિંગ્સે RCB ને જીતવા માટે 102 રનનો ટાર્ગેટ આપ્યો છે. આખી પંજાબ ટીમ 14.1 ઓવરમાં 101 રનમાં ઓલઆઉટ થઈ ગઈ. આરસીબી તરફથી હેઝલવુડ અને સુયશ શર્માએ 3-3 વિકેટ લીધી હતી. જ્યારે યશ દયાલને 2 ઉપરાંત રોમારિયો શેફર્ડ અને ભુવનેશ્વર કુમારને 1-1 વિકેટ મળી હતી.

 

29/05/2025 20:52:16

રોમારિયો શેફર્ડે હરપ્રીત બ્રારને બોલ્ડ કર્યો

પંજાબની 14મી ઓવરમાં 9મી વિકેટ પડી. અહીં હરપ્રીત બ્રાર (4 રન) રોમારિયો શેફર્ડના બોલ પર બોલ્ડ થયો.

29/05/2025 20:47:18

પંજાબનો સ્કોર 92/8

પંજાબ કિંગ્સનો સ્કોર 13 ઓવર પછી 8 વિકેટે 92 રન છે. અઝમતુલ્લાહ ઓમરઝાઈ 13 રન બનાવીને રમી રહ્યો છે અને હરપ્રીત બ્રાર 4 રન બનાવીને રમી રહ્યો છે.

29/05/2025 20:40:00

પંજાબે 8મી વિકેટ ગુમાવી

પંજાબ કિંગ્સે 10.3 ઓવરમાં 78 રનના સ્કોર પર તેમની 8મી વિકેટ ગુમાવી દીધી. માર્કસ સ્ટોઈનિસ 17 બોલમાં 26 રન બનાવીને આઉટ થયો. સુયશ શર્માએ તેની વિકેટ લીધી.

29/05/2025 20:29:03

પંજાબે 7મી વિકેટ ગુમાવી

પંજાબ કિંગ્સે 8.5 ઓવરમાં 60 રનના સ્કોર પર 7મી વિકેટ ગુમાવી દીધી. પંજાબનો ઈમ્પેક્ટ ખેલાડી મુશીર ખાન ખાતું ખોલાવ્યા વિના આઉટ થઈ ગયો. સુયશ શર્માએ તેની વિકેટ લીધી.

29/05/2025 20:28:28

પંજાબે છઠ્ઠી વિકેટ ગુમાવી

પંજાબ કિંગ્સે છઠ્ઠી વિકેટ ગુમાવી. સુયશ શર્માએ શશાંક સિંહની વિકેટ લીધી. શશાંક સિંહ 5 બોલમાં 3 રન બનાવીને આઉટ થયો. 8.2 ઓવર પછી પંજાબનો સ્કોર 6 વિકેટે 60 રન છે.

29/05/2025 20:13:43

પંજાબ કિંગ્સની 5મી વિકેટ પડી

પંજાબની અડધી ટીમ પેવેલિયનમાં પાછી ફરી છે. પંજાબ કિંગ્સની 5મી વિકેટ પડી. નેહલ વાઢેરા 10 બોલમાં 8 રન બનાવીને આઉટ થયો. યશ દયાલે તેની વિકેટ લીધી. પંજાબનો સ્કોર 7 ઓવર પછી 5 વિકેટે 52 રન છે.

29/05/2025 20:05:13

પંજાબની ચોથી વિકેટ પડી

પંજાબ કિંગ્સની ચોથી વિકેટ 5.1 ઓવરમાં 38 રનના સ્કોરે પડી ગઈ. જોશ ઈંગ્લિસ 7 બોલમાં 4 રન બનાવીને આઉટ થયો. જોશ હેઝલવુડે તેની વિકેટ લીધી.

29/05/2025 19:58:47

પંજાબને મોટો ઝટકો લાગ્યો

પંજાબ કિંગ્સને મોટો ઝટકો લાગ્યો છે. શ્રેયસ ઐયર 3 બોલમાં 2 રન બનાવીને આઉટ થયો હતો. જોશ હેઝલવુડે તેની વિકેટ લીધી. પંજાબનો સ્કોર 4 ઓવર પછી ત્રણ વિકેટે 31 રન છે.

29/05/2025 19:58:06

પ્રભસિમરન આઉટ થયો

ત્રણ ઓવર પછી, પંજાબ કિંગ્સની બીજી વિકેટ પડી ગઈ. પ્રભસિમરન સિંહ 10 બોલમાં 18 રન બનાવીને આઉટ થયો. ભુવનેશ્વર કુમારે તેની વિકેટ લીધી. 3 ઓવર પછી પંજાબનો સ્કોર બે વિકેટે 27 રન છે.

29/05/2025 19:57:35

પંજાબને પહેલો ઝટકો લાગ્યો

પંજાબ કિંગ્સે 1.2 ઓવરમાં 9 રનના સ્કોર પર પોતાની પહેલી વિકેટ ગુમાવી દીધી. પ્રિયાંશ આર્ય  5 બોલમાં 7 રન બનાવીને આઉટ થયો. યશ દયાલે તેની વિકેટ લીધી.

29/05/2025 19:13:52

પંજાબની પ્લેઈંગ ઈલેવન

પ્રિયાંશ આર્ય, પ્રભસિમરન સિંહ, જોશ ઈંગ્લિસ (વિકેટકીપર), શ્રેયસ ઐયર (કેપ્ટન), નેહલ વઢેરા, શશાંક સિંહ, માર્કસ સ્ટોઈનીસ, અઝમતુલ્લાહ ઉમરઝાઈ, હરપ્રીત બ્રાર, અર્શદીપ સિંહ અને કાયલ જેમિસન

29/05/2025 19:12:35

આરસીબીની પ્લેઈંગ ઈલેવન

વિરાટ કોહલી, ફિલ સોલ્ટ, રજત પાટીદાર (કેપ્ટન), લિયામ લિવિંગસ્ટોન, જીતેશ શર્મા (વિકેટકીપર), રોમારીયો શેફર્ડ, કૃણાલ પંડ્યા, ભુવનેશ્વર કુમાર, યશ દયાલ, જોશ હેઝલવુડ અને સુયશ શર્મા

29/05/2025 19:09:31

બેંગ્લોરે ટોસ જીત્યો

આજે RCB નો કેપ્ટન રજત પાટીદાર છે. પાટીદારે ટોસ જીતીને પહેલા બોલિંગ કરવાનો નિર્ણય લીધો. પંજાબ કિંગ્સ ક્વોલિફાયર-1 માં પહેલા બેટિંગ કરશે. માર્કો જેન્સન આજે રમી રહ્યો નથી. જોશ હેઝલવુડ RCB માં પાછો ફર્યો છે.