Yash Dayal News: ઇન્ડિયન પ્રીમિયર લીગ (IPL) માં રોયલ ચેલેન્જર્સ બેંગલુરુ (RCB) તરફથી રમતા ફાસ્ટ બોલર યશ દયાલ ચર્ચામાં છે. ગાઝિયાબાદની એક છોકરીએ યશ દયાલ પર માનસિક અને શારીરિક શોષણનો આરોપ લગાવ્યો છે. હવે યશ દયાલ સામે કેસ નોંધવામાં આવ્યો છે.
ગાઝિયાબાદના ઇન્દિરાપુરમ પોલીસ સ્ટેશન વિસ્તારમાં રહેતી એક છોકરીએ ક્રિકેટર યશ દયાલ પર શારીરિક શોષણનો આરોપ લગાવ્યો હતો. આરોપ મુજબ, યશ દયાલે લગ્નની લાલચ આપીને છોકરીનું આર્થિક, માનસિક અને શારીરિક શોષણ કર્યું છે. BNSની કલમ 69 હેઠળ યશ દયાલ વિરુદ્ધ કેસ નોંધવામાં આવ્યો છે.
નોંધનીય છે કે આરસીબીના સ્ટાર ફાસ્ટ બોલર યશ દયાલ વિરુદ્ધ એક મહિલાએ ફરિયાદ નોંધાવી હતી. મહિલાએ તેમના પર શારીરિક અને માનસિક ઉત્પીડનનો આરોપ લગાવ્યો હતો. મુખ્યમંત્રી યોગીના કાર્યાલયમાં સત્તાવાર ફરિયાદ કરવામાં આવી હતી. યશ દયાલને આ મામલે જવાબ આપવા માટે કહેવામાં આવ્યું હતું. જોકે, હવે તેમની સામે કેસ નોંધવામાં આવ્યો છે.
પીડિતાએ પોતાની ફરિયાદમાં આરોપ લગાવ્યો હતો કે તે છેલ્લા 5 વર્ષથી યશ દયાલ સાથે સંબંધમાં હતી. ફરિયાદમાં કહેવામાં આવ્યું હતું કે યશ દયાલ તેને શારીરિક અને માનસિક રીતે હેરાન કરતો હતો. પીડિતાએ એવો પણ આરોપ લગાવ્યો હતો કે યશ દયાલ તેના સિવાય બીજી ઘણી છોકરીઓ સાથે સંબંધમાં હતો. હાલમાં પોલીસે કેસ નોંધ્યો છે.
પીડિત મહિલાએ પોલીસને યશ દયાલ સાથેના તેના સંબંધોના વોટ્સએપ ચેટ સ્ક્રીનશોટ, વીડિયો કોલ અને ફોટાના પુરાવા આપ્યા હતા. પીડિતાએ કડક કાર્યવાહીની માંગ કરી છે. યશ દયાલના પિતા કહે છે કે તે છોકરીને ઓળખતો નથી. આ છોકરીએ આ આરોપો કેમ લગાવ્યા છે તે સમજની બહાર છે. યશ દયાલે છોકરીના તમામ આરોપોને ખોટા ગણાવ્યા હતા.
યુવતીએ પોલીસને જણાવ્યું કે તે સોશિયલ મીડિયા મારફતે યશ દયાલને મળી હતી. ત્યારબાદ બંને મિત્ર બન્યા હતા. ધીમે ધીમે બંને વચ્ચે પ્રેમ સંબંધ બંધાયો હતો. પીડિતાનો આરોપ છે કે આ દરમિયાન યશે લગ્નના બહાને તેની સાથે ઘણી વખત શારીરિક સંબંધો બાંધ્યા હતા. લાંબા સમયના સંબંધ દરમિયાન યશે તેના પરિવારને આર્થિક મદદ પણ કરી હતી. પીડિતાએ પોલીસને જણાવ્યું કે બંને વચ્ચે છેલ્લા 5 વર્ષથી સંબંધ હતો.