RCB vs CSK Score: ચેન્નઈ સુપર કિંગ્સે બેંગ્લુરુને 8 રનથી હરાવ્યું, ડુપ્લેસીસ અને મેક્સવેલની ઈનિંગ્સ બેકાર

ઇન્ડિયન પ્રીમિયર લીગમાં આજે મહેન્દ્ર સિંહ ધોની અને વિરાટ કોહલી આમને સામને ટકરાશે. આજે IPLમાં ચેન્નઈ અને બેંગ્લુરુ વચ્ચે મુકાબલો છે.

gujarati.abplive.com Last Updated: 17 Apr 2023 11:22 PM

બ્રેકગ્રાઉન્ડ

RCB vs CSK, IPL 2023: ઇન્ડિયન પ્રીમિયર લીગમાં આજે મહેન્દ્ર સિંહ ધોની અને વિરાટ કોહલી આમને સામને ટકરાશે. આજે IPLમાં ચેન્નઈ અને બેંગ્લુરુ વચ્ચે મુકાબલો છે. રોયલ ચેલેન્જર્સ બેંગ્લુરુએ ટોસ જીતી પ્રથમ બોલિંગ કરવાનો નિર્ણય કર્યો છે. આ બંને દિગ્ગજો પર પોતપોતાની ટીમોને પૉઈન્ટ ટેબલમાં ઉપર લાવવાની જવાબદારી હશે. અત્યારે ધોનીની ચેન્નાઈ સુપર કિંગ્સ અને કોહલીની રૉયલ ચેલેન્જર્સ બેંગ્લૉર પૉઈન્ટ ટેબલમાં ટૉપ-5માંથી બહાર છે. આ બંને ટીમોએ આ સિઝનમાં ચાર-ચાર મેચ રમી છે જેમાં બે-બે મેચ જીતી ચૂકી છે, અને બેમાં હારનો સામનો કરવો પડ્યો છે.IPLની આ સિઝનમાં CSKની શરૂઆત હાર સાથે થઈ હતી, જોકે આ પછી ટીમે બે મેચ બેક ટૂ બેક જીતી અને પછી ચોથી મેચમાં આ ટીમને ફરી એકવાર હારનો સામનો કરવો પડ્યો. બીજીબાજુ આરસીબીએ આ સિઝનની શરૂઆત જીત સાથે કરી હતી પરંતુ પછીની બે મેચમાં સતત હારનો સામનો કરવો પડ્યો હતો. છેલ્લી મેચમાં આ ટીમ ફરીથી જીતના ટ્રેક પર આવી હતી. CSK અને RCB ભલે પૉઈન્ટ ટેબલમાં તળિયે હોય પરંતુ આ બંને ટીમ દરેક મેચ સાથે મજબૂત થઈ રહી છે. આ ટીમોના ખેલાડીઓ મેચથી ફૉર્મમાં આવી રહ્યાં છે.

17/04/2023 23:22:46

ચેન્નઈએ રોમાંચક મેચમાં બેંગ્લુરુને 8 રનથી હરાવ્યું

ચેન્નઈ સુપર કિંગ્સે રોમાંચક મેચમાં બેંગ્લુરુને આઠ રનથી હરાવ્યું. આ સિઝનમાં તેની ત્રીજી જીત છે. ચેન્નાઈના હવે પાંચ મેચમાં છ પોઈન્ટ છે. આ સાથે જ RCBની આ ત્રીજી હાર છે. તેમાં માત્ર ચાર અંક છે. આરસીબીને જીતવા માટે છેલ્લી ઓવરમાં 19 રનની જરૂર હતી. પ્રભુદેસાઈ અને વનિન્દુ હસરંગા ટીમને જીત અપાવી શક્યા ન હતા. પ્રભુદેસાઈએ છગ્ગો ફટકારીને આશા જગાવી પરંતુ તે હસરંગા સાથે માત્ર 10 રન જ ઉમેરી શક્યો. પ્રભુદેસાઈ પણ છેલ્લા બોલ પર આઉટ થયો હતો.