Virat Kohli & Hardik Pandya: ભારતીય ટીમના સ્ટાર બેટ્સમેન વિરાટ કોહલી અને ઓલરાઉન્ડર હાર્દિક પંડ્યાનો એક તાજો વીડિયો હાલમાં ખુબ વાયરલ થઇ રહ્યો છે. સોશ્યલ મીડિયા વાયરલ થઇ રહેલા આ વીડિયોમાં જોઇ શકાય છે કે, બન્ને ખેલાડીઓ વચ્ચે અત્યારે કંઇ ઠીક નથી ચાલી રહ્યું. આ વીડિયોના આધાર પર સવાલો કરી રહ્યાં છે. લોકો બન્ને વચ્ચે અણબનની વાતોને વેગ આપી રહ્યાં છે.
ખરેખરમાં, આ બન્નેનો ગૌવાહાટી વનડે મેચનો એક વીડિયો સોશ્યલ મીડિયા પર ઝડપથી વાયરલ થઇ રહ્યો છે, જે ભારત અને શ્રીલંકા વચ્ચેની પહેલી વનડે મેચનો છે. આ મેચમાં શ્રીલંકાને ભારતીય ટીમે 67 રનોથી હરાવ્યુ હતુ. ભારતીય ટીમે વર્ષ 2023ની આ પહેલી સીરીઝ જીતી છે.
આ વીડિયોમાં વિકેટ પડ્યા બાદ ટીમ ઇન્ડિયાના ખેલાડીઓ જશ્ન મનાવી રહ્યાં છે, પરંતુ વિરાટ કોહલી અને હાર્દિક પંડ્યા એકબીજાથી દુરી બનાવી રહ્યાં છે. આ વિકેટના સિલેબ્રેશનમાં તમામ ખેલાડીઓ એકબીજાને ‘હાઇ ફાઇવ’ કરી રહ્યાં હતા, તે સમયે ઓલરાઉન્ડર હાર્દિક પંડ્યાએ વિરાટ કોહલીને નજર અંદાજ કરી દીધો, તેને હાથ પણ ના મિલાવ્યો. આ દરમિયાન હાર્દિકે વિરાટના માથા પર લાગેલી કેપને પણ હલાવી દીધી. આ પછી વિરાટે હાર્દિક પંડ્યાને કહ્યું કે, થોડુ જોઇ તો લે ભાઇ. હાર્દિક પંડ્યાએ તેમ છતાં તેને નજર અંદાજ કરતાં વાત પણ ના કરી. જોકે, હાર્દિક પંડ્યાએ મજાકમાં કર્યુ કે હકીકતમાં તેના પર ફેન્સ ચર્ચા કરી રહ્યાં છે. જોકે, આ પાક્કી રીતે નથી કહી શકાતુ કે શું બન્યુ છે.
--