RCB vs MI Score: બેંગ્લુરુએ મુંબઈને 8 વિકેટથી હરાવ્યું, કોહલી-ડુપ્લેસિસની તોફાની ઈનિંગ

IPL 2023ની પાંચમી મેચ રોયલ ચેલેન્જર્સ બેંગ્લોર અને મુંબઈ ઈન્ડિયન્સ વચ્ચે રમાશે. બેંગ્લુરુની ટીમે ટોસ જીતી પ્રથમ બોલિંગ કરવાનો નિર્ણય કર્યો છે.

બ્રેકગ્રાઉન્ડ

IPL 2023 Live Cricket Score RCB vs MI: IPL 2023ની પાંચમી મેચ રોયલ ચેલેન્જર્સ બેંગ્લોર અને મુંબઈ ઈન્ડિયન્સ વચ્ચે રમાશે.  બેંગ્લુરુની ટીમે ટોસ જીતી પ્રથમ બોલિંગ કરવાનો નિર્ણય કર્યો છે.  બેંગ્લોરમાં રમાયેલી આ મેચમાં બંને ટીમો એકબીજાને ટક્કર આપતી જોવા મળશે. મુંબઈ આઈપીએલની ચેમ્પિયન ટીમ છે. જ્યારે RCB એક પણ વખત ટાઈટલ જીતી શક્યું નથી. ગત સિઝનની વાત કરીએ તો મુંબઈ પોઈન્ટ ટેબલમાં સૌથી નીચે હતું. જ્યારે RCBએ પ્લેઓફ સુધીનો પ્રવાસ કર્યો હતો. હવે ફરી એકવાર આ બંને ટીમો આમને-સામને છે.   

02/04/2023 23:08:23

બેંગ્લુરુએ મુંબઈને 8 વિકેટથી હરાવ્યું

પાંચ વખતની ચેમ્પિયન મુંબઈ ઈન્ડિયન્સને IPLની પાંચમી મેચમાં હારનો સામનો કરવો પડ્યો હતો. તેને રોયલ ચેલેન્જર્સ બેંગ્લોર  દ્વારા 8 વિકેટે હારનો સામનો કરવો પડ્યો. બેંગલુરુના એમ ચિન્નાસ્વામી સ્ટેડિયમમાં રમાયેલી મેચમાં આરસીબીએ ટોસ જીતીને પ્રથમ બોલિંગ કરવાનો નિર્ણય કર્યો હતો. મુંબઈ ઈન્ડિયન્સે 20 ઓવરમાં સાત વિકેટે 171 રન બનાવ્યા હતા. જવાબમાં આરસીબીની ટીમે 16.2 ઓવરમાં બે વિકેટે 172 રન બનાવીને મેચ જીતી લીધી હતી.

02/04/2023 22:12:12

આરસીબીએ 4 ઓવરમાં 40 રન બનાવ્યા

આરસીબીએ 4 ઓવરમાં 40 રન બનાવ્યા છે. કોહલી 17 રને અને ડુ પ્લેસિસ 19 રને રમી રહ્યા છે.

02/04/2023 21:32:32

મુંબઈએ RCBને 172 રનનો ટાર્ગેટ આપ્યો

મુંબઈએ RCBને 172 રનનો ટાર્ગેટ આપ્યો છે. મુંબઈ તરફથી સૌથી વધુ રન તિલક વર્માએ કર્યા છે. તિલકે 46 બોલમાં 84 રન બનાવ્યા હતા.

02/04/2023 20:53:44

મુંબઈનો સ્કોર 100 રનને પાર

મુંબઈ ઈન્ડિયન્સની ટીમે 15 ઓવર બાદ 5 વિકેટ ગુમાવીને 102 રન બનાવ્યા છે. તિલક 45 રન બનાવી રમતમાં છે. ટીમ ડેવિડ પણ હાલ મેદાનમાં છે. 

02/04/2023 20:29:34

સૂર્યકુમાર યાદવ ફરી ફેલ ગયો

મુંબઈ ઈન્ડિયન્સનો સૂર્યકુમાર યાદવ આરસીબી સામે ચાલ્યો નહોતો. તે 16 બોલમાં 15 રન બનાવીને આઉટ થયો હતો. નવમી ઓવરના પાંચમા બોલ પર પેવેલિયન પરત ફર્યો હતો. મુંબઈએ 10 ઓવરમાં ચાર વિકેટે 55 રન બનાવ્યા છે. 

02/04/2023 20:02:31

રોહિત શર્મા માત્ર 1 રન બનાવી આઉટ

મુંબઈ ઈન્ડિયન્સની ટીમને મોટો ઝટકો લાગ્યો છે. રોહિત શર્મા માત્ર 1 રન બનાવી આઉટ થયો છે. મુંબઈ ઈન્ડિયન્સની ટીમે 5.4 ઓવરમાં 3 વિકેટ ગુમાવીને 26 રન બનાવ્યા છે. 

02/04/2023 19:55:56

આરસીબીને બીજી સફળતા મળી

બેંગ્લુરુને બીજી સફળતા મળી. કેમરૂન ગ્રીન પાંચ રન  બનાવી આઉટ.  આ વખતે મુંબઈએ તેને હરાજીમાં 17.50 કરોડ રૂપિયામાં ખરીદ્યો હતો. મુંબઈએ ચાર ઓવરમાં બે વિકેટે 17 રન બનાવ્યા છે. રોહિત શર્મા સાથે સૂર્યકુમાર યાદવ ક્રિઝ પર છે.

02/04/2023 19:47:12

મુંબઈની ટીમને લાગ્યો પ્રથમ ઝટકો

મુંબઈ ઈન્ડિયન્સનો વિસ્ફોટક બેટ્સમેન ઈશાન કિશન આ મેચમાં નિષ્ફળ રહ્યો હતો. તેને ત્રીજી ઓવરમાં મોહમ્મદ સિરાજે આઉટ કર્યો હતો. ઇશાન કિશન ત્રીજા બોલ પર હર્ષલ પટેલના હાથે કેચ આઉટ થયો હતો. તેણે 10 રન બનાવ્યા હતા. 

02/04/2023 19:41:02

RCB vs MI Live: રોહિત અને ઈશાન મુંબઈ માટે ઓપનિંગ કરી રહ્યા છે

ઈશાન કિશન અને રોહિત શર્મા મુંબઈ ઈન્ડિયન્સ માટે ઓપનિંગ કરવા મેદાનમાં ઉતર્યા છે. જ્યારે મોહમ્મદ સિરાજ રોયલ ચેલેન્જર્સ બેંગ્લોર માટે પ્રથમ ઓવર ફેંકી રહ્યો છે.

02/04/2023 19:19:51

RCB vs MI Live: રોયલ ચેલેન્જર્સ બેંગ્લોરની પ્લેઇંગ ઈલેવન

રોયલ ચેલેન્જર્સ બેંગ્લોર પ્લેઈંગ ઈલેવન: વિરાટ કોહલી, ફાફ ડુ પ્લેસીસ (C), ગ્લેન મેક્સવેલ, માઈકલ બ્રેસવેલ, શાહબાઝ અહેમદ, દિનેશ કાર્તિક (WK), કર્ણ શર્મા, હર્ષલ પટેલ, આકાશ દીપ, રીસ ટોપલે, મોહમ્મદ સિરાજ

02/04/2023 19:18:57

RCB vs MI Live: મુંબઈ ઈન્ડિયન્સની પ્લેઈંગ ઈલેવન

મુંબઈ ઈન્ડિયન્સ પ્લેઈંગ ઈલેવન: રોહિત શર્મા (c), ઈશાન કિશન (wk), સૂર્યકુમાર યાદવ, કેમરુન ગ્રીન, તિલક વર્મા, ટિમ ડેવિડ, નેહાલ વઢેરા, રિતિક શોકીન, પીયૂષ ચાવલા, જોફ્રા આર્ચર, અરશદ ખાન

02/04/2023 19:18:04

બેંગ્લોરે ટોસ જીતીને પ્રથમ બોલિંગ કરવાનો નિર્ણય લીધો

રોયલ ચેલેન્જર્સ બેંગ્લોરે મુંબઈ સામેની મેચમાં ટોસ જીતીને પ્રથમ બોલિંગ કરવાનો નિર્ણય લીધો છે. રોહિત શર્માની કપ્તાનીવાળી મુંબઈ ઈન્ડિયન્સ પ્રથમ બેટિંગ કરવા ઉતરશે.