Irani Cup Squads Mumbai vs Rest of India: ભારતીય ક્રિકેટ કંટ્રોલ બોર્ડ (BCCI)એ મંગળવારે ઈરાની કપ 2024 માટે મુંબઈ અને રેસ્ટ ઓફ ઈન્ડિયાના સ્કવોડની જાહેરાત કરી દીધી છે. આ સ્કવોડ એટલા માટે ચર્ચામાં આવ્યા છે કારણ કે તેમાં 3 એવા ખેલાડીઓ સામેલ છે, જેમને બાંગ્લાદેશ વિરુદ્ધ પસંદ કરાયેલી ભારતીય ટીમમાંથી બહાર કરીને ઈરાની કપમાં રમવા માટે કહેવામાં આવ્યું છે. આ 3 ખેલાડીઓના બહાર થવાથી શું બાંગ્લાદેશ માટે બીજી ટેસ્ટ જીતવી સરળ થઈ જશે? ભારત વિરુદ્ધ બાંગ્લાદેશની બીજી ટેસ્ટ મેચ 27 સપ્ટેમ્બરથી કાનપુરમાં રમાશે. બીજી ટેસ્ટ મેચ માટે વિરાટ કોહલી અને રોહિત શર્મા સહિત મોટાભાગના ખેલાડીઓ કાનપુર પહોંચી ગયા છે અને તેમની સુરક્ષાનું ખાસ ધ્યાન રાખવામાં આવી રહ્યું છે. પહેલી મેચના પ્રદર્શનને જોયા પછી બીજી ટેસ્ટની પ્લેઇંગ ઇલેવનમાં ફેરફાર થવાની સંભાવના ખૂબ જ ઓછી છે.
3 ખેલાડીઓ બીજી ટેસ્ટ નહીં રમે
આ ત્રણ ખેલાડીઓના નામ સરફરાજ ખાન, ધ્રુવ જુરેલ અને યશ દયાલ છે. જણાવી દઈએ કે આ ત્રણેય ખેલાડીઓ બાંગ્લાદેશ વિરુદ્ધની પહેલી ટેસ્ટની 15 સભ્યોની ટીમમાં પણ સામેલ હતા પરંતુ તેમને પ્લેઇંગ ઇલેવનમાં તક મળી શકી ન હતી. હવે ઈરાની કપની જવાબદારીને કારણે સરફરાજ, ધ્રુવ અને યશ બીજી ટેસ્ટ પણ ગુમાવવાના છે. એક તરફ સરફરાજ ખાન મુંબઈની ટીમ માટે રમશે, બીજી તરફ ધ્રુવ જુરેલ અને યશ દયાલને 'રેસ્ટ ઓફ ઇન્ડિયા' ટીમમાં સ્થાન મળ્યું છે.
શ્રેયસ અય્યર, ઈશાન કિશનથી લઈને શાર્દુલ ઠાકુર પણ ભારતની ટેસ્ટ ટીમમાં પાછા ફરવાની આશામાં છે. આ બધા ખેલાડીઓ ઈરાની કપમાં શ્રેષ્ઠ પ્રદર્શન કરીને આગામી શ્રેણીઓ માટે ટીમ ઇન્ડિયામાં સ્થાન માટે દાવેદારી કરી શકે છે. ઈરાની કપની વાત કરીએ તો ગયા વખતે રેસ્ટ ઓફ ઇન્ડિયાએ સૌરાષ્ટ્રને 175 રનના મોટા અંતરથી જીત નોંધાવીને ટ્રોફી પોતાના નામે કરી હતી.
ઈરાની કપ શું છે?
ઈરાની કપની શરૂઆત વર્ષ 1960માં કરવામાં આવી હતી અને ત્યારથી આ ટુર્નામેન્ટ ભારતીય ક્રિકેટનો અભિન્ન ભાગ બની રહી છે. ઈરાની કપમાં માત્ર એક જ મેચ રમાય છે, જેમાં ડિફેન્ડિંગ રણજી ટ્રોફી ચેમ્પિયન 'રેસ્ટ ઓફ ઈન્ડિયા'નો સામનો કરે છે. રેસ્ટ ઓફ ઈન્ડિયાની ટીમમાં અન્ય રાજ્યોના ખેલાડીઓ ભેગા થઈને એક જ ટીમમાં રમે છે. મુંબઈ વર્તમાન રણજી ટ્રોફી ચેમ્પિયન હોવાથી તેનો મુકાબલો બાકીના ભારત સાથે થશે.
આ પણ વાંચોઃ