T20 World Cup 2022: શોએબ મલિક થઈ લઈને આંદ્રે રસેલ સુધી, T20 વર્લ્ડ કપમાં નહી જોવા મળે આ 15 દિગ્ગજ ખેલાડી

ટી20 વર્લ્ડ કપ શરૂ થવામાં બે અઠવાડિયા પણ બાકી નથી. પ્રથમ રાઉન્ડની મેચો 16 ઓક્ટોબરથી શરૂ થશે અને સુપર-12 રાઉન્ડની મેચ 22 ઓક્ટોબરથી શરૂ થશે.

T20 World Cup 2022: ટી20 વર્લ્ડ કપ શરૂ થવામાં બે અઠવાડિયા પણ બાકી નથી. પ્રથમ રાઉન્ડની મેચો 16 ઓક્ટોબરથી શરૂ થશે અને સુપર-12 રાઉન્ડની મેચ 22 ઓક્ટોબરથી શરૂ થશે. કુલ 45 મેચો રમાશે જેમાં વિશ્વભરના શ્રેષ્ઠ ટી20 ખેલાડીઓ પોતાની તાકાત બતાવતા જોવા મળશે. સર્વશ્રેષ્ઠ ટીમો અને શ્રેષ્ઠ ખેલાડીઓના આ મુકાબલામાં ઘણી મજા આવશે, પરંતુ અહીં કેટલાક મોટા ખેલાડીઓની ગેરહાજરી જોવા મળશે. આ વર્લ્ડ કપમાં ઘણા દિગ્ગજ ખેલાડીઓ જોવા મળશે નહીં. આ એવા ખેલાડીઓ છે જેઓ તેમના સમયના મજબૂત T20 ખેલાડી રહ્યા છે પરંતુ હવે આ ખેલાડીઓ કાં તો નિવૃત્ત થઈ ગયા છે અથવા તો તેમને ટીમમાં જગ્યા મળી નથી. કેટલાક ખેલાડીઓ એવા પણ છે જે ઈજાના કારણે આ વર્લ્ડ કપમાંથી બહાર થઈ ગયા છે.

પાકિસ્તાનના બે દિગ્ગજ નહી રમે T20 વર્લ્ડ કપ

પાકિસ્તાનના બે દિગ્ગજ ખેલાડીઓ આ વખતે T20 વર્લ્ડ કપમાં નહીં દેખાય. મોહમ્મદ હફીઝે આંતરરાષ્ટ્રીય ક્રિકેટમાંથી નિવૃત્તિ લઈ લીધી છે અને શોએબ મલિકને લાંબા સમયથી પાકિસ્તાનની ટીમમાં સ્થાન નથી મળ્યું. આ બંને દિગ્ગજ ખેલાડીઓએ પાકિસ્તાનને ઘણી મહત્વપૂર્ણ મેચોમાં જીત અપાવી છે. છેલ્લા ટી20 વર્લ્ડ કપમાં પણ આ બંને ખેલાડીઓએ જોરદાર પ્રદર્શન કર્યું હતું.

વેસ્ટ ઈન્ડિઝના 4 દિગ્ગજ ખેલાડીઓ નહીં રમેઃ

વેસ્ટ ઈન્ડિઝના ઓલરાઉન્ડર ડ્વેન બ્રાવોએ ગયા વર્ષે T20 વર્લ્ડ કપ બાદ આંતરરાષ્ટ્રીય ક્રિકેટમાંથી નિવૃત્તિ લીધી હતી. કિરોન પોલાર્ડે પણ આ વર્ષે આંતરરાષ્ટ્રીય ક્રિકેટને અલવિદા કહી દીધું છે. તે જ સમયે, ક્રિસ ગેલ અને આન્દ્રે રસેલ લાંબા સમયથી વિન્ડીઝ ટીમની બહાર છે. આવી સ્થિતિમાં, આ વખતે વેસ્ટ ઈન્ડિઝના આ 4 મોટા સ્ટાર ખેલાડીઓ ટી-20 વર્લ્ડ કપમાં જોવા મળશે નહીં.

ઈયોન મોર્ગન સહિતના આ ખેલાડીઓની ગેરહાજરી રહેશેઃ

ઈંગ્લેન્ડના વિસ્ફોટક બેટ્સમેન ઈયોન મોર્ગને આ વર્ષે આંતરરાષ્ટ્રીય ક્રિકેટને અલવિદા કહી દીધું છે. અફઘાનિસ્તાનના પૂર્વ કેપ્ટન અસગર અફઘાને ગયા વર્ષે ટી20 વર્લ્ડ કપ દરમિયાન નિવૃત્તિ લીધી હતી. આયરિશ બેટ્સમેન કેવિન ઓ બ્રાયન પણ નિવૃત્તિ લઈ ચૂક્યો છે. આવી સ્થિતિમાં આ સ્ટાર ખેલાડીઓ પણ આ વખતે જોવા નહીં મળે.

આ સ્ટાર ખેલાડી ઈજાના કારણે નહી રમે વર્લ્ડ કપઃ

ઘણા સ્ટાર ખેલાડીઓ ઈજાના કારણે આ વર્લ્ડ કપમાં જોવા મળશે નહીં. તેમાંથી ભારતનો જસપ્રિત બુમરાહ અને રવિન્દ્ર જાડેજાનું નામ પ્રથમ છે. બંને ખેલાડીઓ ભારતની વર્લ્ડ કપ ટીમમાંથી બહાર છે. પાકિસ્તાનનો શાહીન આફ્રિદી અને ઈંગ્લેન્ડનો જોની બેરસ્ટો અને જોફ્રા આર્ચર પણ ઈજાના કારણે આ વર્લ્ડ કપમાંથી બહાર છે. આ યાદીમાં વેસ્ટ ઈન્ડિઝના શિમરોન હેટમાયર પણ સામેલ છે. જો કે તેની બેદરકારીના કારણે તે T20 વર્લ્ડ કપમાંથી બહાર થઈ ગયો છે. હેટમાયર બે વખત ઓસ્ટ્રેલિયાની ફ્લાઇટ ચૂકી ગયો અને તેના કારણે વિન્ડીઝ ક્રિકેટ બોર્ડે તેને ટીમમાંથી બહાર કરી દીધો.