મીડિયા રિપોર્ટ પ્રમાણે, ગયા મહિને આઇપીએલ ગવર્નિગ કાઉન્સિંલની બેઠકમાં મિની આઇપીએલને લઇને ચર્ચા થઇ હતી. આ પ્લાનનો પ્રસ્તાવ સૌરવ ગાંગુલીએ મુક્યો હતો. બીસીસીઆઇ અધ્યક્ષનુ માનવુ છે કે મિની આઇપીએલ ટૂર્નામેન્ટ બંધ પડી ગયેલી ચેમ્પિયન લીગની જગ્યાએ ગોઠવવામાં આવે.
ઉલ્લેખનીય છે કે, ચેમ્પિયન લીગ સપ્ટેમ્બર-ઓક્ટોબર મહિનામાં 15-20 દિવસ માટે રમાતી હતી, પણ 2014થી આને બંધ કરી દેવામાં આવી છે. આવામાં આ સમયગાળામાં ગાંગુલીના મતે એક મિની આઇપીએલ ટૂર્નામેન્ટ રમાડાઇ શકાય છે. જો પ્રસ્તાવ મંજૂર થશે તો વર્ષમાં બે વાર આઇપીએલ રમાશે.
ગાંગુલીના મતે આનાથી આઇપીએલની બ્રાન્ડિંગ પણ કરી શકાશે અને સાથે સાથે બીસીસીઆઇને નાણાંકીય ફાયદો પણ થઇ શકે છે.