નવી દિલ્હીઃ ક્રિકેટની દુનિયામાં ટી20 ફોર્મેટ આવતાની સાથે જ નવી નવી ટેકનિકોએ જન્મ લીધો છે. ટી20 બાદ આખી દુનિયામાં ક્રિકેટ વધી છે અને દુનિયાભરના ક્રિકેટરો એકસાથે રમી રહ્યાં છે, એટલુ જ નહીં નવી નવી વસ્તુઓ પણ સામે આવી રહી છે. હવે આ લિસ્ટમાં એક વિચિત્ર એક્શનથી બૉલિંગ કરતો બૉલર પણ જોવા મળ્યો છે.


તાજેતરમાં રમાઇ રહેલી મંજાસી સુપર લીગમાં દક્ષિણ આફ્રિકાના બૉલરે બધાને ચોંકાવી દીધા છે. આ બૉલરે ડાબા અને જમણા એમ બન્ને હાથે બૉલિંગ કરીને આદર્શ બૉલિંગનુ ઉદાહરણ આપ્યુ છે. એટલુ જ નહીં તેને મેચમાં બન્ને હાથથી એક-એક વિકેટ પણ ઝડપી છે. તેનો વીડિયો હાલ સોશ્યલ મીડિયામાં ખુબ વાયરલ થઇ રહ્યો છે.


વાયરલ થયેલા વીડિયોમાં દક્ષિણ આફ્રિકાના સ્પીન બૉલર ગ્રેગોરી માહલોકવાના ડાબા અને જમણા હાથથી બૉલિંગ કરતો દેખાઇ રહ્યો છે. મજાંસી સુપર લીગમાં તેને બન્ને હાથથી બૉલિંગ કરી છે તેના બે અલગ અલગ વીડિયો સામે આવ્યા છે જેમાં તે વિકેટ લેતો દેખાઇ રહ્યો છે.