Namibia, T20 World Cup 2024: નામીબિયાએ 2024માં રમાનારી T20 વર્લ્ડકપ માટે ક્વૉલિફાય કર્યું છે. નામીબિયા આફ્રિકા ક્વૉલિફાયરમાંથી ક્વૉલિફાય થનારી પ્રથમ ટીમ બની. નામીબિયાની ટીમે પાંચમાંથી 5 મેચ જીતીને 2024 T20 ટૂર્નામેન્ટ માટે ક્વૉલિફાય કર્યું હતું. નામીબિયા ક્વૉલિફાઈંગ સાથે, T20 વર્લ્ડકપ માટે કુલ 19 સ્થાનો નિશ્ચિત થઈ ગયા છે અને માત્ર એક જ જગ્યા ખાલી રહી છે. બાકીની જગ્યાઓ ઝિમ્બાબ્વે, કેન્યા અને યુગાન્ડામાંથી એક-એક દ્વારા ભરવામાં આવે તેવી અપેક્ષા છે.


રિચાર્ડ ઇરાસ્મસની કેપ્ટનશીપ વાળી નામીબિયાએ ક્વૉલિફાયર્સની છેલ્લી મેચમાં તાન્ઝાનિયાને 58 રને હરાવીને T20 વર્લ્ડકપ 2024માં આગળ વધ્યું. નામીબિયા સમગ્ર ક્વૉલિફાયરમાં ખૂબ જ સારા ફોર્મમાં જોવા મળી રહ્યું હતું. ટીમે કોઈ પણ મેચમાં વિરોધી ટીમને પોતાની આગળ ટકવા ન દીધી.


તાંઝાનિયા સામે રમાયેલી મેચની વાત કરીએ તો ટૉસ હાર્યા બાદ નામીબિયાએ પ્રથમ બેટિંગ કરવા આવીને 20 ઓવરમાં 6 વિકેટે 157 રન બનાવ્યા હતા. ટીમ માટે, જેજે સ્મિતે 160ના સ્ટ્રાઈક રેટથી 25 બોલમાં 40* રનની સૌથી મોટી ઈનિંગ રમી હતી, જેમાં 1 ફોર અને 4 સિક્સ સામેલ હતી. તે પછી, લક્ષ્યનો પીછો કરતી વખતે, નામીબિયાના બોલરોએ તાન્ઝાનિયાની ટીમને 20 ઓવરમાં માત્ર 99/6 રન બનાવવા દીધા. આ રીતે નામીબિયા 58 રને જીતી ગયું.


ટી20 વર્લ્ડકપ 2024માં ક્વૉલિફાઇ કરી ચૂકી છે 19 ટીમો 
વેસ્ટ ઈન્ડિઝ, યૂએસએ, ઓસ્ટ્રેલિયા, ઈંગ્લેન્ડ, ભારત, નેધરલેન્ડ, ન્યૂઝીલેન્ડ, પાકિસ્તાન, દક્ષિણ આફ્રિકા, શ્રીલંકા, અફઘાનિસ્તાન, બાંગ્લાદેશ, આયર્લેન્ડ, સ્કૉટલેન્ડ, પાપુઆ ન્યૂ ગીની, કેનેડા, નેપાળ, ઓમાન, નામીબિયા.


આખી ટૂર્નામેન્ટમાં નામીબિયાએ કર્યો કમાલ 
ક્વૉલિફાયરની પ્રથમ મેચમાં નામીબિયાએ ઝિમ્બાબ્વે સામે 32 બોલ બાકી રહેતા 7 વિકેટે જીત મેળવી હતી. આ પછી ટીમે યુગાન્ડા સામેની બીજી મેચ 18 બોલ બાકી રહેતા 6 વિકેટે જીતી લીધી હતી. પછી આગળ વધીને નામીબિયાએ ડકવર્થ-લુઈસ નિયમ હેઠળ રવાંડા સામેની ત્રીજી મેચ 68 રનથી જીતી લીધી. ત્યાર બાદ ચોથી મેચમાં નામીબિયાએ કેન્યાને 6 વિકેટે હરાવ્યું હતું અને પાંચમી મેચમાં તાંઝાનિયાએ 58 રને હરાવ્યું હતું.


4 જૂનથી રમાશે 2024 ટી20 વર્લ્ડ કપ, ફાઈનલની તારીખ પણ આવી સામે 


આઈસીસી T20 વર્લ્ડ કપ 2024થી શરુઆત  4 જૂનથી થશે.  આ ટૂર્નામેન્ટની ટાઇટલ મેચ 20 જૂને રમાશે. ICC T20 વર્લ્ડ કપ 2024ની મેચો અમેરિકાના ફ્લોરિડા, ડલ્લાસ અને ન્યૂયોર્કમાં રમાશે.   અમેરિકા પ્રથમ વખત ICC T20 વર્લ્ડ કપનું આયોજન કરી રહ્યું છે. અગાઉ નવેમ્બર 2021માં વેસ્ટ ઈન્ડિઝ અને અમેરિકાને ICC T20 વર્લ્ડ કપ 2024ના હોસ્ટિંગ અધિકારો મળ્યા હતા.


ક્યાં થશે ભારત-પાકિસ્તાન મેચ?


મીડિયા રિપોર્ટ્સ અનુસાર, ભારત અને પાકિસ્તાન વચ્ચેની મેચ આઈઝનહોવર પાર્કમાં થઈ શકે છે. આ સ્ટેડિયમ ન્યૂયોર્ક સિટીથી લગભગ 30 માઈલ દૂર આવેલું છે. આ સિવાય ટી20 વર્લ્ડ કપ 2024માં કુલ 20 ટીમો રમશે. આ 20 ટીમોને 5 ટીમોના 4 ગ્રુપમાં વહેંચવામાં આવશે. તમામ ગ્રુપની ટોપ-2 ટીમ સુપર-8 રાઉન્ડ માટે ક્વોલિફાય થશે. આ પછી, 8 ટીમોને 4 દરેકના 2 જૂથોમાં વહેંચવામાં આવશે. બંને ગ્રૂપની ટોપ-2 ટીમ સેમિફાઇનલ માટે ક્વોલિફાય થશે.


ઈંગ્લેન્ડ ડિફેન્ડિંગ ચેમ્પિયન તરીકે ઉતરશે ઈંગ્લેન્ડ


ઓસ્ટ્રેલિયાની ધરતી પર ટી20 વર્લ્ડ કપ 2022નું આયોજન કરવામાં આવ્યું હતું. ઈંગ્લેન્ડે આ ટુર્નામેન્ટ જીતી હતી. ભારતીય ટીમની સફર સેમીફાઈનલમાં પૂરી થઈ. સેમીફાઈનલ મેચમાં ઈંગ્લેન્ડે ભારતીય ટીમને 10 વિકેટે હરાવ્યું હતું. ભારતીય ટીમે T20 વર્લ્ડ કપ 2007નો ખિતાબ જીત્યો હતો. આ T20 વર્લ્ડ કપની પ્રથમ આવૃત્તિ હતી. ત્યારથી ભારતીય ટીમ T20 વર્લ્ડ કપ જીતવામાં નિષ્ફળ રહી છે. જોકે, ICC T20 વર્લ્ડ કપ 2024માં ભારતીય ટીમ કેવું પ્રદર્શન કરે છે તે જોવું રસપ્રદ રહેશે.  પરંતુ ટીમ ઈન્ડિયાના ચાહકોને આશા છે કે રોહિત શર્માના નેતૃત્વમાં ભારત ચોક્કસપણે T20 વર્લ્ડ કપ જીતવામાં સફળ રહેશે.