IND vs BAN, Cricket: નવી દિલ્હી હાલમાં ભારતીય ક્રિકેટ ટીમ બાંગ્લાદેશ સામે ત્રણ મેચની ટી20 સીરીઝ રમી રહી છે. સીરીઝની પ્રથમ મેચ પૂરી થઈ ગઈ છે. સીરીઝની વચ્ચે જ એક ભારતીય ક્રિકેટરે કહ્યું છે કે તે જલ્દી જ પિતા બનવા જઈ રહ્યો છે. આ ભારતીય ક્રિકેટર છે અક્ષર પટેલ.
જોકે, અક્ષર ટી20 સીરીઝ માટે ટીમનો ભાગ નથી. તેને બાંગ્લાદેશ સામેની ભારતની ટેસ્ટ સીરીઝમાં સામેલ કરવામાં આવ્યો હતો પરંતુ તે મેચ રમ્યો નહોતો. હાલમાં તે બ્રેક પર છે.
ઇન્સ્ટાગ્રામ પર આપવામાં આવી જાણકારી
ભારતીય ટીમના ઓલરાઉન્ડરે સોમવારે ઈન્સ્ટાગ્રામ પર એક વીડિયો જાહેર કર્યો અને કહ્યું કે તેની પત્ની મેહા ગર્ભવતી છે અને બંને જલ્દી માતા-પિતા બનવાના છે. અક્ષરે તેની પત્ની સાથે ફોટોશૂટ પણ કરાવ્યું છે. તેણે બેબી શાવરનો વીડિયો શેર કર્યો છે. આ પ્રસંગે બંનેના પરિવારજનો હાજર રહ્યા હતા. વીડિયોની સાથે અક્ષરે કેપ્શનમાં લખ્યું છે કે, "બહુજ મોટી ખુશીઓ આવવાની છે."
કપિલ શર્મા શૉ પર આપી હતી હિન્ટ
અક્ષરે તાજેતરમાં જ કપિલ શર્મા શોમાં ભાગ લીધો હતો. આ શોમાં તેણે સંકેત આપ્યો હતો કે ટૂંક સમયમાં તેના ઘરે સારા સમાચાર આવવાના છે. અક્ષરે શોમાં કહ્યું હતું કે, "એવું થઈ શકે છે. મેં પહેલા કહ્યું હતું કે મારી ફેવરિટ હિરોઈન દીપિકા પાદુકોણ છે. કારણ કે તેની સાથે કંઈક સારું થયું છે, શક્ય છે કે અમારી સાથે પણ કંઈક સારું થઈ શકે."
આ પણ વાંચો
ભારત ન્યૂઝીલેન્ડની ધમાકેદાર વનડે સીરિઝની જાહેરાત, ટી20 વર્લ્ડ કપનો બદલો લેવા ઉતરશે ટીમ ઇન્ડિયા