ઘણી વખત ક્રિકેટમાં બેટ્સમેન અલગ જ રીતે આઉટ થતા હોય છે અથવા બોલર તેને નવી રીતે પેવેલિયન મોકલવાનો રસ્તો શોધે છે. આવું જ કંઈક દક્ષિણ આફ્રિકામાં ચાલી રહેલી કાઉન્ટી ટી20 કપની મેચમાં થયું છે. નાઈટ્સ સામેની મેચમાં ટાઈટન્સના બેટ્સમેન આયાબુલેલા જિકમેને વિચિત્ર રીતે પોતાની વિકેટ ગુમાવી હતી. તેનો વીડિયો હવે સોશિયલ મીડિયા પર વાયરલ થઈ રહ્યો છે. ચાહકો માને છે કે આયાબુલેલાએ બહાર આઉટ થવાનો નવી રીત શોધી કાઢી છે.
સાઉથ આફ્રિકન ક્રિકેટ (CSA) દ્વારા આયોજીત આ મેચમાં અયાબુલેલાએ ઓફ-સ્ટમ્પ પર તેનું બેટ ફટકાર્યું હતું. તેઓ લેટ કટ મારવાનો પ્રયાસ કરી રહ્યા હતા. શોટ મારવાના ચક્કરમાં તે ક્રિઝની ખૂબ અંદર વયો ગયો. આયાબુલેલાના પેવેલિયનમાં પરત ફરતી વખતે કોમેન્ટેટરે કહ્યું કે આઉટ થવાની આ સૌથી આશ્ચર્યજનક રીત છે. આ પછી, આ વિશે સોશિયલ મીડિયા પર ચર્ચા શરૂ થઈ છે. વીડિયોને લઈને ચાહકોમાં ઘણો ક્રેઝ છે.
એક ફેન્સે લખ્યું - ના આ આઉટ થવાની નવી રીત નથી. અગાઉ સર ડોન બ્રેડમેન પણ આ રીતે આઉટ થયા છે. તે 1947/48 માં બ્રિસ્બેનમાં વિકેટ માટે આઉટ થયા હતા. આનો જવાબ આપતા અન્ય યુઝરે લખ્યું કે તમારો જવાબ સાચો છે, પરંતુ છેલ્લા કેટલાય વર્ષોથી આવું કશું જોવા મળ્યું નથી.
અન્ય એક સોશિયલ મીડિયા યુઝરે લખ્યું કે આ ઘટના અન્ય હિટ વિકેટ પદ્ધતિઓથી અલગ છે. મેં બ્રાયન લારાને હિટ વિકેટ થતા પણ જોયા છે, પરંતુ તેમાંથી કોઈએ શોટ મારતી વખથે સ્ટમ્પને જ બેટ ફટકાર્યું નથી. આ બધું એટલા માટે થયું કારણ કે તેનું સંતુલન ખોરવાઈ ગયું હતું.
આ મેચમાં ટાઇટન્સે 20 ઓવરમાં આઠ વિકેટે 143 રન બનાવ્યા હતા. જવાબમાં નાઈટ્સે 19.1 ઓવરમાં લક્ષ્યાંકનો પીછો કરતા ચાર વિકેટ ગુમાવી દીધી હતી.