West Indies Squad for T20 World Cup: વેસ્ટ ઇન્ડિઝના ધાકડ બેટ્સમેન શિમરૉન હેટમાયર (Shimron Hetmyer) હવે ટી20 વર્લ્ડકપ 2022 (T20 World Cup 2022)માં નહીં દેખાય. વેસ્ટ ઇન્ડિઝ ક્રિકેટ બોર્ડે તેને ટીમમાંથી બહાર કરી દીધો છે. વિન્ડિઝ બોર્ડે આ ફેંસલો શિમરૉન હેટમાયરની બેદરકારી અને ટોલમટોલ વર્તનના કારણે લીધો છો. હેટમાયરને ટી20 વર્લ્ડકપ માટે ઓસ્ટ્રેલિયા જવાની ફ્લાઇટ બે-બે વાર ટાળવાની કોશિશ કરી, આ કારણે તેને સ્ક્વૉડમાથી બહાર કરી દીધો.
હેટમાયરને પહેલી ઓક્ટોબરે ઓસ્ટ્રેલિયા રવાના થવાનુ હતુ, પરંતુ તેને પર્સનલ કારણોનો હવાલો આપતા પોતાની ફ્લાઇટને આગળ વધારી દીધી. આ પછી વિન્ડિઝ ક્રિકેટ બોર્ડે તેના માટે 3જી ઓક્ટોબરની ફ્લાઇટ બુક કરી, આ ફ્લાઇટ માટે પણ શિમરૉન હેટમાયર અનઉપલબ્ધતા બતાવી. આ પછી બોર્ડે તમામ સભ્યોની સર્વસમંતિથી તેને ટીમમાંથી હટાવી દેવાનો ફેંસલો લીધો.
ગયા શનિવારે કેરેબિયન પ્રીમિયર લીગ ખતમ થઇ છે, તેના ઠીક બાદ વેસ્ટ ઇન્ડિઝની વર્લ્ડકપ સ્ક્વૉડને બે ભાગોમાં ઓસ્ટ્રેલિયા માટે રવાનગી નક્કી કરવામાં આવી, હેટમાયરને છોડીને બાકીની વેસ્ટ ઇન્ડિઝ ટીમ ઓસ્ટ્રેલિયો પહોંચી ચૂકી છે.
શમરા બ્રુક્સને મળ્યો મોકો -
શિમરૉન હેટમાયરના બહાર થતાં જ વેસ્ટ ઇન્ડિઝની પસંદગી સમિતિએ શમરા બ્રુક્સને વર્લ્ડકપ સ્ક્વૉડમાં સામેલ કરી લીધો. તે જલદી જ ઓસ્ટ્રેલિયા પહોંચશે. બોર્ડે ICC એ પણ આ ફેરફારની જાણકારી આપી દીધી છે. શમરા બ્રુક્સે કેરેબિયન પ્રીમિયર લીગ 2022માં દમદાર પ્રદર્શન કર્યુ હતુ, તેને આ પ્રદર્શનનો લાભ મળ્યો છે.