નવી દિલ્હીઃ ટીમ ઇન્ડિયાનો ફાસ્ટ બોલર જશપ્રીત બુમરાહે 15 માર્ચે ટીવી એન્કર સંજના ગણેશન સાથે લગ્ન કરી લીધા છે. બુમરાહે સાઉથ ઇન્ડિયન એક્ટ્રેસ અને હૉટ એન્કર સાથે પ્રભુતામાં પગલા પાડી દીધા છે. બુમરાહ સ્પોર્ટસ એન્કર સંજના સાથે ઘણા લાંબા સમયથી રિલેશનશિપમાં હતો. જોકે બંને એકબીજાને ખૂબ છુપી છૂપી રીતે ડેટ કરી રહ્યાં હતા. આ વાત તેમણે જાહેર ન હતી કરી.
બુમરાહે ઈંગ્લેન્ડ સામેની ચોથી અને અંતિમ ટેસ્ટ મેચમાંથી પોતાનું નામ પરત લઈ લીધું હતું. બુમરાહે ચોથી ટેસ્ટમાં ન રમવાનો નિર્ણય લીધો હતો. તેઓ T-20 શ્રેણી પણ ન હતી રમી, હવે લગ્ન બાદ બુમરાહ સીધો આઈપીએલ 2021માં ફરી ક્રિકેટના મેદાન પર જોવા મળશે.
સાઉથ ઇન્ડિયન એક્ટ્રેસ કોણ છે?
સંજના ગણેશન સાઉથ ઇન્ડિયન સ્પોર્ટસ એન્કર છે. સંજનાએ સિમ્બાયોસીસ ઇન્સ્ટિટ્યૂટ ઓફ ટેક્નોલોજીમાંથી બી.ટેક કર્યું છે. બીટેક બાદ તેમણે થોડો સમય સંજનાએ સોફ્ટવેર એન્જીનિયર તરીકે કામ કર્યું હતું.સંજનાએ MTVના શો સ્પ્લિટ્સવિલાની 14મી સીઝનમાં પણ ભાગ લીધો હતો.MTVના શોમાં કામ કર્યા પછી સંજનાએ નક્કી કર્યું કે, તે સ્પોર્ટ્સ એન્કર બનશે.
કૌણ છે સંજના ગણેશન?
28 વર્ષની સંજના ગણેશન એક ક્રિકેટ એન્કર છે. છેલ્લા કેટલાય સમયથી તે કેટલીય ટૂર્નામેન્ટોનો ભાગ રહી છે. તે આઇપીએલમાં એક્ટિવ રહેવાની સાથે સ્ટાર સ્પૉર્ટ્સ સાથે પણ જોડાયેલી છે. સંજના વર્લ્ડકપ 2019થી લઇને ઇન્ડિયન પ્રીમિયર લીગ સુધી હૉસ્ટ કરી ચૂકી છે. આ ઉપરાંત સંજના કોલકત્તા નાઇટ રાઇડર્સની એન્કર પર રહી છે. સંજનાએ વર્ષ 2013માં ફેમિના ગૉર્જિયસનો ખિતાબ પણ જીત્યો હતો.