Shikhar Dhawan Retirement: ભારતીય ક્રિકેટના દિગ્ગજ બેટ્સમેન શિખર ધવને આંતરરાષ્ટ્રીય ક્રિકેટ અને સ્થાનિક ક્રિકેટમાંથી નિવૃત્તિ લઈ લીધી છે. 38 વર્ષનો ધવન લાંબા સમયથી ટીમ ઈન્ડિયાની બહાર હતો. તેણે છેલ્લી ટેસ્ટ 2018માં, છેલ્લી ODI 2022માં અને છેલ્લી T20 ઈન્ટરનેશનલ 2021માં રમી હતી. જોકે, ધવનને મિસ્ટર આઈસીસી તરીકે ઓળખવામાં આવે છે.
શિખર ધવન હવે IPLમાં પણ રમતા જોવા નહીં મળે. તેણે તમામ પ્રકારના ક્રિકેટને અલવિદા કહી દીધું છે. નિવૃત્તિની જાહેરાત કરતી વખતે ધવને કહ્યું, "મારા જીવનમાં એક જ લક્ષ્ય હતું, ભારત માટે રમવાનું. હું આ લક્ષ્યને હાંસલ કરવામાં સફળ રહ્યો, જેના માટે હું ઘણા લોકોનો આભારી છું. તેઓ કહે છે, હવે મેં આંતરરાષ્ટ્રીય અને સ્થાનિક ક્રિકેટમાંથી પણ નિવૃત્તિ લેવાનું નક્કી કર્યું છે અને હું મારા દેશ માટે ઘણી મેચ રમી શક્યો તે માટે હું બીસીસીઆઈ અને ફેન્સનો પણ આભાર માનું છું.
જાણો શા માટે ધવનને મિસ્ટર ICC કહેવામાં આવે છે
ICC ચેમ્પિયન્સ ટ્રોફી 2013માં ભારત માટે સૌથી વધુ રનICC ODI વર્લ્ડ કપ 2015માં ભારત માટે સૌથી વધુ રન ICC ચેમ્પિયન્સ ટ્રોફી 2017માં ભારત માટે સૌથી વધુ રન એશિયા કપ 2018માં ભારત માટે સૌથી વધુ રનઆંતરરાષ્ટ્રીય ક્રિકેટમાં કુલ 10,867 રન
2013ની ચેમ્પિયન્સ ટ્રોફીમાં ધવનનું પ્રદર્શન
દક્ષિણ આફ્રિકા સામે 94 બોલમાં 114 રનવેસ્ટ ઈન્ડિઝ સામે 107 બોલમાં નોટ આઉટ 102 રનપાકિસ્તાન સામે 41 બોલમાં 48 રનICC ચેમ્પિયન્સ ટ્રોફીની સેમિફાઇનલમાં 68 રનICC ચેમ્પિયન્સ ટ્રોફીની ફાઇનલમાં 31 રન
ભારતીય ક્રિકેટના દિગ્ગજ બેટ્સમેન શિખર ધવને આંતરરાષ્ટ્રીય ક્રિકેટ અને સ્થાનિક ક્રિકેટમાંથી નિવૃત્તિ લઈ લીધી છે.
વિવ રિચર્ડ્સ પણ ધવનથી પાછળ છે
ICC ODI ટૂર્નામેન્ટમાં શિખર ધવનની સરેરાશ (ઓછામાં ઓછા 1000 રન) વિશ્વના દરેક બેટ્સમેન કરતા વધારે છે. આ મામલે ધવન વિવ રિચર્ડ્સ, સૌરવ ગાંગુલી, રોહિત શર્મા અને સઈદ અનવર જેવા મહાન ખેલાડીઓથી આગળ છે. ICC ODI ટૂર્નામેન્ટમાં ધવનની એવરેજ 65.15 રહી છે, જે સૌથી વધુ માનવામાં આવે છે.