WPL 2023 Opening Ceremony: કિઆરા અને કૃતિએ ખૂબ જ શાનદાર પરફોર્મન્સ આપ્યું, જુઓ વીડિયો

મહિલા  પ્રીમિયર લીગ શરૂ થઈ ગઈ છે.  ટૂર્નામેન્ટની પ્રથમ મેચ મુંબઈ ઈન્ડિયન્સ અને ગુજરાત જાયન્ટ્સ વચ્ચે રમાઈ હતી.  

WPL 2023: મહિલા  પ્રીમિયર લીગ શરૂ થઈ ગઈ છે.  ટૂર્નામેન્ટની પ્રથમ મેચ મુંબઈ ઈન્ડિયન્સ અને ગુજરાત જાયન્ટ્સ વચ્ચે રમાઈ હતી.  મેચ પહેલા મહિલા IPL માટે ભવ્ય ઓપનિંગ સેરેમનીનું આયોજન કરવામાં આવ્યું હતું. ક્રિકેટની આ શાનદાર સાંજની શરૂઆત બોલિવૂડના સ્ટાર્સે કરી હતી.   મહિલા IPLની ઓપનિંગ સેરેમનીમાં ઘણા સુપરસ્ટાર્સે પરફોર્મ કર્યું હતું.

ટાટા વીપીએલની પ્રથમ સિઝન એટલે કે મહિલા પ્રીમિયર લીગ 4 માર્ચની સાંજથી શરૂ થઈ હતી. તેની શરૂઆત પહેલા, ઓપનિંગ સેરેમનીનું આયોજન કરવામાં આવ્યું હતું, જેમાં બોલિવૂડમાં ઘણી સુપરહિટ ફિલ્મો આપનાર કિયારા અડવાણી દ્વારા પ્રથમ પરફોર્મન્સ આપવામાં આવ્યું હતું. ગુલાબી પોશાકમાં નૃત્ય કરતી, કિયારા મેદાનની મધ્યમાં સ્ટેજ પર ગઈ અને એક પછી એક અનેક ગીતો પર ડાન્સ કરીને ચાહકોને દિવાના બનાવ્યા હતા. 

કિઆરા અને કૃતિએ શાનદાર પ્રદર્શન કર્યું હતું

કિઆરાના શાનદાર ડાન્સ પર્ફોર્મન્સ બાદ બોલિવૂડ એક્ટ્રેસ કૃતિએ પણ જબરદસ્ત પ્રદર્શન કર્યું. કૃતિએ પહેલા ખેલાડીઓના ડ્રેસિંગ રૂમમાં ચક દે ઈન્ડિયા ગીત પર ડાન્સ કર્યો અને પછી મેદાનની વચ્ચે સ્ટેજ પર તેના ઘણા સુપરહિટ ગીતો પર સુપર-ડુપર હિટ ડાન્સ પરફોર્મન્સ આપ્યું. આ બંને અભિનેત્રીઓના ડાન્સે દર્શકોને નચાવ્યા હતા, પરંતુ પંજાબના લોકપ્રિય સિંગર એપી ધિલ્લોને પણ પોતાના સુપરહિટ ગીતો ગાઈને દર્શકોને નચાવ્યા હતા. 

WPLની પ્રથમ મેચમાં મુંબઇએ ગુજરાતને આપી કારમી હાર, 143 રનથી જીતી મેચ

મુંબઈ ઈન્ડિયન્સે વુમન્સ પ્રીમિયર લીગની ધમાકેદાર શરૂઆત કરી. તેણે પ્રથમ મેચમાં ગુજરાત જાયન્ટ્સને 143 રનથી હરાવ્યું હતું. મુંબઈની મજબૂત ટીમ સામે ગુજરાતના ખેલાડીઓ નિષ્ફળ રહ્યા હતા. કેપ્ટન હરમનપ્રીત કૌરની તોફાની અડધી સદી અને સાયકા ઈશાકની શાનદાર બોલિંગની મદદથી ટીમને જીત અપાવી હતી. ગુજરાતે ટોસ જીતીને પ્રથમ બોલિંગ કરવાનો નિર્ણય લીધો હતો. મુંબઈએ 20 ઓવરમાં પાંચ વિકેટે 207 રન બનાવ્યા હતા. જવાબમાં ગુજરાતની ટીમ 15.1 ઓવરમાં 64 રન જ બનાવી શકી હતી.

મુંબઈ તરફથી કેપ્ટન હરમનપ્રીત કૌરે સૌથી વધુ 65 રન બનાવ્યા હતા. તેણે 30 બોલની ઈનિંગમાં 14 ચોગ્ગા ફટકાર્યા હતા. ઓપનર હીલી મેથ્યુઝે 31 બોલમાં 47 અને અમેલિયા કેરે 24 બોલમાં અણનમ 45 રન બનાવ્યા હતા. ગુજરાત તરફથી સ્નેહ રાણાએ સૌથી વધુ બે વિકેટ ઝડપી હતી. જ્યારે ગુજરાત માટે માત્ર દયાલન હેમલતા અને મોનિકા પટેલ જ ડબલ ફિગરને સ્પર્શી શક્યા હતા. હેમલતાએ 23 બોલમાં અણનમ 29 રન બનાવ્યા હતા. મુંબઈ તરફથી સાઈકા ઈશાકે સૌથી વધુ ચાર વિકેટ લીધી હતી.