ઈંગ્લેન્ડની મહિલા ક્રિકેટર ડેનિયલ વેટને ફરી એકવાર ચહલની મજા લીધી હતી. ચહલે વેટની એક તસવીર પર કોમેન્ટ કરી હતી જેનો જવાબ તેને ખૂબ જ રમૂજી અંદાજમાં આપ્યો હતો. ઈંગ્લેન્ડની વિસ્ફોટક બેટ્સમેન ડેનિયલે ઈન્સ્ટાગ્રામ પર એક તસવીર પોસ્ટ કરી હતી જેમાં તેઓ નેટમાં પ્રેક્ટિસ દરમિયાન મોટા શોટ રમતાં જોવા મળી રહ્યાં હતાં. આ ફોટ શેર કરી વેટે કેપ્શનમાં લખ્યું હતું કે, મેલબર્ન પરત ફરી સારું લાગ્યું.
આ તસવીર પર ચહલે પણ કોમેન્ટ કરતા 666666 અને સાથે હસવાવાળી ઈમોજી પોસ્ટ કરી હતી. ચહલ વેટને એક ઓવરમાં 6 છગ્ગા લગાવવાનું કહી રહ્યો હતો. ચહલની આ કોમેન્ટ પર જવાબ આપતાં વેટે પણ ગમ્મત કરતા લખ્યું હતું કે, હાં, જો તમે બોલિંગ કરો તો.’ આ સાથે જ તેણે પણ ઈમોજી પોસ્ટ કરી હતી. આ પહેલા પણ બંને ક્રિકેટરોએ સોશિયલ મીડિયા પર એકબીજા સાથે ગમ્મત કરતા જોવા મળી ચૂક્યા છે.