મુંબઇઃ વેસ્ટ ઇન્ડિઝ વિરુદ્ધની પ્રથમ ટેસ્ટ મેચ ગઇકાલે શરૂ થઇ ગઇ, ભારતીય ટીમ ટૉસ હારીને પ્રથમ બેટિંગ કરી રહી છે. જોકે, આ બેટિંગ લાઇન અપમાં સ્ટાર બેટ્સમેન રોહિત શર્મા મિસ થતાં સોશ્યલ મીડિયા પર લોકોએ વિરાટને આડેહાથે લીધો હતો. ફેન્સે અનેક પ્રકારની પૉસ્ટ કરીને વિરાટ કોહલીને ગાળો આપવાનું શરૂ કર્યુ હતુ. ઉલ્લેખનીય છે કે, પ્રથમ ટેસ્ટમાં હિટમેન રોહિતને પડતો મુકવામાં આવ્યો છે, તેની જગ્યાએ હનુમા વિહારીને ટીમમાં સામેલ કરાયો છે. જે ફેન્સને ગમ્યુ નથી.


પ્લેઇંગ ઇલેવનમાં રોહિત શર્મા ના દેખાતા ફેન્સે ફરી એકવાર રોહિત અને વિરાટ વચ્ચેના ઝઘડાને કારણ બતાવ્યુ છે. ફેન્સે કહ્યુ કે રોહિતથી વિરાટ બળે છે, જેના કારણે તેને ટીમમાંથી બાકાત રાખાયો છે.



ફેન્સે ટ્વીટર પર એકપછી એક વિચિત્ર પૉસ્ટ કરીને વિરાટ કોહલીને સ્વાર્થી ગણાવ્યો હતો. ફેન્સે કહ્યુ કે વિરાટ રોહિતથી બળે છે તેને બદલો લઇ રહ્યો છે.



ઉલ્લેખનીય છે કે ભારતે વેસ્ટ ઇન્ડિઝ સામે બે ટેસ્ટ મેચ રમવાની છે, પ્રથમ ટેસ્ટમાં બેટિંગ કરતાં ભારતીય સ્થિતિ કથળી ગઇ હતી, બાદમાં વરસાદના કારણે પહેલા દિવસની રમત અડધેથી બંધ કરવી પડી હતી.