Jungkook & Nora Fatehi FIFA WC 2022 Opening Ceremony: ફિફા વર્લ્ડ કપ 2022 (FIFA World Cup 2022)આજથી શરૂ થઈ રહ્યો છે. ખરેખર, ફિફા વર્લ્ડ કપની શરૂઆત (Opening Ceremony)રંગારંગ કાર્યક્રમ સાથે થશે. આ કાર્યક્રમમાં અનેક પ્રસિદ્ધ હસ્તીઓ પોતાનો જાદુ પાથરશે. વર્લ્ડ કપનો ઉદ્ઘાટન સમારોહ અલ બાયત સ્ટેડિયમ(Al Bayt Stadium)માં યોજાશે. આ દરમિયાન સ્ટેડિયમમાં લગભગ 60 હજાર લોકો હાજર રહેશે. અગાઉ નવેમ્બર 2021 માં, અલ બાયત સ્ટેડિયમ પ્રથમ વખત ખોલવામાં આવ્યું હતું. તે જ સમયે, આ રંગારંગ કાર્યક્રમ પછી, FIFA વર્લ્ડ કપ 2022 ની પ્રથમ મેચ યજમાન કતાર અને ઈક્વાડોર વચ્ચે રમાશે.
સુપરસ્ટાર જિયોન જંગકુક પરફોર્મ કરશે
આ રંગારંગ સમારોહમાં બીટીએસ કે પોપ (BTS' K-pop) સુપરસ્ટાર જિયોન જંગકુક (Jeon Jungkook) ઉપરાંત ઘણી હસ્તીઓ પરફોર્મ કરશે. તે જ સમયે, બેન્ડે એક ટ્વિટમાં કહ્યું છે કે અમને એ જાહેરાત કરતા ખૂબ જ આનંદ થાય છે કે જંગકૂક ફિફા વર્લ્ડ કપ કતાર 2022 સાઉન્ડટ્રેકનો ભાગ છે. સુપરસ્ટાર જીઓન જંગકુક વર્લ્ડ કપના ઓપનિંગ સેરેમનીમાં પરફોર્મ કરશે. જો કે આ રંગારંગ સમારોહ પહેલા તમામ તૈયારીઓ પૂર્ણ કરી લેવામાં આવી છે. આ સાથે સુરક્ષાની પણ જોરદાર વ્યવસ્થા કરવામાં આવી છે.
નોરા ફતેહી સહિતની આ હસ્તીઓ ધૂમ મચાવશે
સુપરસ્ટાર જિયોન જંગકૂક ઉપરાંત અમેરિકન મ્યુઝિક ગ્રુપ બ્લેક આઈડ પીસ અને કોલંબિયન ગાયક જે બાલ્વિન પરફોર્મ કરશે. આ દરમિયાન નાઈજિરિયન ગાયક અને ગીતકાર પેટ્રિક નેમેકા ઓકોરી અને અમેરિકન રેપર લિલ બેબી પણ જોવા મળશે. હકીકતમાં, આ વર્ષે સપ્ટેમ્બરમાં, પેટ્રિક નેમેકા ઓકોરી(Patrick Nnaemeka Okorie) અને રેપર લિલ બેબી(Lil Baby)એ FIFA વર્લ્ડ કપ 2022(FIFA World Cup 2022)નું સત્તાવાર ગીત લોન્ચ કર્યું હતું. આ સિવાય ભારતીય અભિનેત્રી અને ડાન્સર નોરા ફતેહી (Nora Fatehi) પણ ફિફાના સિંગલ ‘લાઇટ ધ વર્લ્ડ’(Light The World)માં જોવા મળશે.
ફિફા વર્લ્ડ કપ 2022 ગ્રુપ્સ
ગ્રુપ-એઃ ઇક્વાડોર, નેધરલેન્ડ્સ, સેનેગલ, કતાર
ગ્રુપ-બીઃ ઇગ્લેન્ડ, વેલ્સ, યુએસએ, ઇરાન
ગ્રુપ-સીઃ પોલેન્ડ, આર્જેન્ટિના, સાઉદી અરેબિયા, મેક્સિકો
ગ્રુપ-ડીઃ ફ્રાન્સ, ટ્યૂનિશિયા, ઓસ્ટ્રેલિયા, ડેન્માર્ક
ગ્રુપ-ઇઃ કોસ્ટા રિકા, જર્મની, સ્પેન, જાપાન
ગ્રુપ-એફઃ ક્રોએશિયા, મોરક્કો, બેલ્જિયમ, કેનેડા
ગ્રુપ-જીઃ સર્બિયા, બ્રાઝીલ, કેમરૂન, સ્વિઝરલેન્ડ
ગ્રુપ-એચઃ ઉરુગ્વે, કોરિયા રિપબ્લિક, પોર્ટુગલ, ઘાના