નવી દિલ્હીઃ આઈપીએલ 2019માં રાજસ્થાન રોયલ્સ અને કિંગ્સ ઇલેવન પંજાબની મેચ દરમિયાન જોસ બટલરને માંકડિંગ પર આઉટ કરવા ઘણો હોબાળો થયો હતો. જોકે આ દરમિયાન રન દોડવાનો એક વીડિયો સોશિયલ મીડિયા પર વાયરલ થયો છે.


વીડિયોમાં જોઈ શકાય છે કે, વિકેટોની વચ્ચે રન દોડવાની નવી જ રીતે દર્શાવવામાં આવી છે. બેટ બનાવનારી કંપની ગ્રે નિકલ્સે તેને પોસ્ટ કર્યો છે. આ વીડિયોમાં દર્શાવવામાં આવ્યું છે કે નોન સ્ટ્રાઇકર પર ઊભેલા વ્યક્તિએ લાંબી ડાળીને પોતાનું બેટ બનાવી દીધું અને તેના દ્વારા જ તેણે પોતાના રન પૂરા કર્યા. તેના દ્વારા તે પિચની વચ્ચે ઊભો રહી ગયો અને ત્યાંથી જ બેટને વારાફરથી સ્ટ્રાઇક અને નોન સ્ટ્રાઇક પર મૂકીને રન ખેંચી લીધા.