નવી દિલ્હીઃ આઇપીએલની ચાલુ સિઝનમાં પૉઇન્ટ ટેબલ પર ચેન્નાઇ સુપર કિંગ્સ કબ્જો જમાવીને બેઠુ છે, મેદાન પર તો ખેલાડીઓ મસ્તી સાથે ક્રિકેટ રમી રહ્યાં છે. પણ તાજેતરમાં એક વીડિયો વાયરલ થયો છે જે મેદાન બહારનો છે. વીડિયોમાં ચેન્નાઇની સ્ટાર બૉલર ભજ્જી લુંગી પહેરીને પોતાની કલાબાજી બતાવી રહ્યાં છે. 'સ્પિન કિંગ' હરભજન સિંહનો વીડિયો સોશ્યલ મીડિયામાં શેર થઇ રહ્યો છે. જેમાં ભજ્જી સાથી ખેલાડીઓની સામે લુંગી પહેરીને લાઠીના કરતબ-કલાબાજી બતાવી રહ્યાં છે.


આ વીડિયો ચેન્નાઇ સુપર કિંગ્સના ટ્વીટર પેજ પર શેર કરવામાં આવ્યો છે. સૌથી પહેલા વીડિયો ભજ્જીએ પોતાના ઇન્સ્ટાગ્રામ પર શેર કર્યો હતો, બાદમાં અન્ય ખેલાડીઓના પણ લાઠી દાવના વીડિયો પૉસ્ટ કરવામાં આવ્યા હતા.