કહેવામાં આવી રહ્યું છે કે હાર્દિક પોતાની નવી ગર્લફ્રેન્ડને લઇને ગંભીર છે. તેણે પોતાના પરિવારજનોને નતાશા સાથે ઓળખાણ પણ કરાવી હતી. છેલ્લા દિવસોમાં તે મુંબઇના બ્રાન્દ્રામાં નતાશાને લઇને પહોંચ્યો હતો. આ પાર્ટીનું આયોજન તેના મિત્રોએ કર્યુ હતું. સૂત્રોના મતે હાર્દિક પાર્ટીમાં નતાશાને પોતાની ગર્લફ્રેન્ડ ગણાવી રહ્યો હતો. આ પાર્ટીમાં હાર્દિકના ભાઇ કૃણાલ પંડ્યા અને તેની ભાભી પંખુડી શર્મા પણ હતી. નોંધનીય છે કે નચ બલિએ-9માં ભાગ લઇ રહેલી નતાશા એલી ગોનીની પણ ગર્લફ્રેન્ડ રહી ચૂકી છે.
મૂળ સર્બિયાની રહેવાસી નતાશાએ ત્રણ વર્ષની ઉંમરમાં જ ડાન્સ શીખવાનું શરૂ કરી દીધું હતું. 2010માં સ્પોર્ટ્સ સર્બિયાનું ટાઇટલ જીત્યા બાદ નતાશાએ સ્પોર્ટ્સ ક્ષેત્રમાં કરિયર બનાવવાનો નિર્ણય લીધો છે.